ಬಾಂಧವ್ಯ ವೃದ್ಧಿಸುವ ಸವಾಲು

ವಿದೇಶಾಂಗ ಇಲಾಖೆಯ ಕಾರ್ಯದರ್ಶಿಯಾಗಿದ್ದ ಅವರು ಸೇವೆಯಿಂದ ನಿವೃತ್ತರಾದ 16 ತಿಂಗಳ ಬಳಿಕ ಸಚಿವರಾಗಿ ಅಧಿಕಾರ ಸ್ವೀಕರಿಸಿದ್ದಾರೆ. ಸದ್ಯ ಅವರು ಸಂಸತ್ತಿನ ಯಾವುದೇ ಸದನದ ಸದಸ್ಯರಲ್ಲ.

ಚೀನಾ ಮತ್ತು ಅಮೆರಿಕದ ಬೆಳವಣಿಗೆಗಳ ಬಗ್ಗೆ ಆಳವಾದ ಜ್ಞಾನ ಹೊಂದಿರುವ ಜೈಶಂಕರ್‌, ವಿದೇಶಾಂಗ ವ್ಯವಹಾರಗಳಲ್ಲಿ ಮುಖ್ಯವಾಗಿ ಪಾಕಿಸ್ತಾನ ಜೊತೆಗಿನ ವ್ಯವಹಾರಗಳಿಗೆ ಸಂಬಂಧಿಸಿದಂತೆ ಎಂಥ ತೀರ್ಮಾನಗಳನ್ನು ತೆಗೆದುಕೊಳ್ಳುವರು ಎಂಬ ಕುತೂಹಲ ಮೂಡಿದೆ.

ವಿದೇಶಾಂಗ ವ್ಯವಹಾರದ ಬಹುಪಕ್ಷೀಯ ವೇದಿಕೆಗಳಾದ ಜಿ–20, ಶಾಂಘೈ ಸಹಕಾರ ಸಂಘಟನೆ ಮತ್ತು ಬ್ರಿಕ್ಸ್‌ನಲ್ಲಿ ಭಾರತದ ಪ್ರಭಾವವನ್ನು ವೃದ್ಧಿಸುವ ಹೊಣೆಯೂ ಜೈಶಂಕರ್‌ ಅವರ ಮೇಲಿದೆ. ಇವರ ನೇತೃತ್ವದಲ್ಲಿ ಸಚಿವಾಲಯವು ಅಮೆರಿಕ, ರಷ್ಯಾ, ಫ್ರಾನ್ಸ್‌, ಜಪಾನ್‌ ಮತ್ತು ಯೂರೋಪ್‌ ಒಕ್ಕೂಟದ ಜೊತೆಗೆ ವ್ಯಾಪಾರ ಮತ್ತು ರಕ್ಷಣಾ ಒಪ್ಪಂದಗಳನ್ನು ಉತ್ತಮಪಡಿಸಲು ಒತ್ತು ನೀಡಬಹುದು ಎಂದು ನಿರೀಕ್ಷಿಸಲಾಗಿದೆ.

2017ರ ಮಧ್ಯಭಾಗದಲ್ಲಿ ದೊಕಾಲಾ ಗಡಿಯಲ್ಲಿ ನಡೆದ ಅಹಿತಕರ ಬೆಳವಣಿಗೆಗಳ ಬಳಿಕ ಕೆಟ್ಟು ಹೋಗಿರುವ ಚೀನಾ ಜೊತೆಗಿನ ಬಾಂಧವ್ಯವನ್ನು ಗಟ್ಟಿಗೊಳಿಸುವುದು ಅವರ ಮುಂದಿರುವ ದೊಡ್ಡ ಸವಾಲಾಗಿದೆ.