ಬ್ಯಾಂಕ್‌ಗಳ ಸಬಲೀಕರಣಕ್ಕೆ ₹70 ಸಾವಿರ ಕೋಟಿ

ನವದೆಹಲಿ (ಪಿಟಿಐ): ಸಾರ್ವಜನಿಕ ವಲಯದ ಬ್ಯಾಂಕ್‌ಗಳನ್ನು ಸದೃಢಗೊಳಿಸಲು ಹಾಗೂ  ಸಾಲ ನೀಡುವ ಸಾಮರ್ಥ್ಯ ಹೆಚ್ಚಿಸುವ ದೃಷ್ಟಿಯಿಂದ  ಸರ್ಕಾರವು 70 ಸಾವಿರ ಕೋಟಿ ನೆರವು ರೂಪಾಯಿಗಳನ್ನು ನೀಡಲಿದೆ ಎಂದು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್‌ ಹೇಳಿದರು. 

2019–20ರ ಸಾಲಿನ ಬಜೆಟ್‌ ನಲ್ಲಿ ಅವರು, ಸಾರ್ವಜನಿಕ ವಲಯದ ಬ್ಯಾಂಕ್‌ಗಳಲ್ಲಿ ವಸೂಲಾಗದ ಸಾಲದ ಮೊತ್ತ ₹ 1 ಲಕ್ಷ ಕೋಟಿ ಗೆ ಇಳಿದಿದೆ. ದಿವಾಳಿತನದಿಂದಾಗಿ ಆಗಿರುವ ನಷ್ಟದ ಪೈಕಿ 4 ಲಕ್ಷ ಕೋಟಿಮೊತ್ತವನ್ನು ಬ್ಯಾಂಕ್‌ಗಳು  ವಸೂಲಿ ಮಾಡಿಕೊಂಡಿವೆ. ಹೀಗೆ ಕಳೆದ ನಾಲ್ಕು ವರ್ಷಗಳಲ್ಲಿ ಬ್ಯಾಂಕ್‌ಗಳ ಹಣಕಾಸು ವಹಿವಾಟಿನ‌ಲ್ಲಿ ಸುಧಾರಣೆ ಆಗಿವೆ ಎಂದು ಅವರು ಹೇಳಿದರು.

ಸರ್ಕಾರಿ ಸ್ವಾಮ್ಯದ ಬ್ಯಾಂಕ್‌ಗಳಿಗೆ 70 ಸಾವಿರ ಕೋಟಿ ನೀಡುವುದರಿಂದ ಸಾಲನೀಡುವ ಸಾಮರ್ಥ್ಯ ಹೆಚ್ಚಲಿದೆ.  ಗೃಹಬಳಕೆಯ ಸಾಲ ಶೇ 13ರಷ್ಟು ಹೆಚ್ಚಳವಾಗಿದೆ. ಸಾರ್ವಜನಿಕ ವಲಯದ ಬ್ಯಾಂಕ್‌ಗಳ ಸಂಖ್ಯೆ ಕಡಿಮೆ ಮಾಡುವ ಮೂಲಕ ಬಲವರ್ಧನೆಗೆ ಸರ್ಕಾರ ಸಹಕರಿಸಿದೆ ಎಂದರು ನಿರ್ಮಲಾ ವಿವರಿಸಿದರು.