ಬೆಂಗಳೂರು: ಭಾರತದ ಅತ್ಯಾಧುನಿಕ ಸಂಪರ್ಕ ಉಪಗ್ರಹ ಜಿಸ್ಯಾಟ್–31 ಅನ್ನು ಫ್ರೆಂಚ್ ಗಯಾನದಿಂದ ಬುಧವಾರ ನಸುಕಿನಲ್ಲಿ ಯಶಸ್ವಿಯಾಗಿ ಉಡಾವಣೆ ಮಾಡಲಾಯಿತು. ದಕ್ಷಿಣ ಅಮೆರಿಕದ ಕೈರೊದ ಉಡಾವಣಾ ಕೇಂದ್ರದಿಂದ ಉಡ್ಡಯನ ಮಾಡಲಾದಏರಿಯಾನ್–5 ರಾಕೆಟ್ ಮೂಲಕ ಉಪಹಗ್ರವು ನಿಗದಿತ ಕಕ್ಷೆಗೆ ಸೇರಿತು.
ಈ ಉಪಗ್ರಹವು ತಡೆರಹಿತ ಡಿಟಿಎಚ್ ಸೇವೆಗೆ ಹಾಗೂ ಎಟಿಎಂ ಸಂಪರ್ಕ ಮೇಲ್ದರ್ಜೆಗೆ ಏರಿಸಲು ನೆರವಾಗಲಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಸ್ರೊ ನಿರ್ಮಿಸಿರುವ 40ನೇ ಸಂಪರ್ಕ ಉಪಗ್ರಹ ಇದಾಗಿದೆ.
ಸದ್ಯದಲ್ಲೇ ನಿವೃತ್ತಿಯಾಗಲಿರುವ ಕೆಲವು ಸಂಪರ್ಕ ಉಪಗ್ರಹಗಳ ಸ್ಥಾನವನ್ನುಕೆಯು–ಬ್ಯಾಂಡ್ ಹೊಂದಿರುವ ಈ ಶಕ್ತಿಶಾಲಿ ಸಂಪರ್ಕ ಉಪಗ್ರಹ ತುಂಬಲಿದೆ.
ಉಪಗ್ರಹ ಯಶಸ್ವಿ ಉಡಾವಣೆಗೆ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ ನಿರ್ದೇಶಕ ಎಸ್.ಪಾಂಡಿಯನ್ ಹರ್ಷ ವ್ಯಕ್ತಪಡಿಸಿದ್ದಾರೆ.