ನವದೆಹಲಿ: ಬಿಜೆಪಿಯ ರಾಷ್ಟ್ರೀಯ ಅಧ್ಯಕ್ಷ ಅಮಿತ್ ಶಾ ಜ್ವರದಿಂದಾಗಿ(ಎಚ್1ಎನ್1) ಏಮ್ಸ್ಗೆ ದಾಖಲಾಗಿಲ್ಲ ಎಂದು ಕಾಂಗ್ರೆಸ್ನ ರಾಜ್ಯಸಭಾ ಸಂಸದ ಬಿ.ಕೆ.ಹರಿಪ್ರಸಾದ್ ಶುಕ್ರವಾರ ಗಂಭೀರ ಆರೋಪ ಮಾಡಿದ್ದಾರೆ.
ಏಮ್ಸ್ನಲ್ಲೂ ನಮಗೆ ಗೊತ್ತಿರುವ ಕೆಲವು ವ್ಯಕ್ತಿಗಳು ಇದ್ದಾರೆ, ಅವರ ಮಾಹಿತಿಯಂತೆ ಅಮಿತ್ ಶಾ ಜ್ವರದಿಂದಾಗಿ ಆಸ್ಪತ್ರೆ ದಾಖಲಾಗಿಲ್ಲ? ಅವರು ಯಾಕೆ ದಾಖಲಾಗಿದ್ದರೂ ಎಂಬುದನ್ನು ಶೀಘ್ರವೇ ಸಾಕ್ಷಿ ಸಹಿತ ಬಹಿರಂಗಪಡಿಸುವುದಾಗಿ ಹರಿಪ್ರಸಾದ್ ತಿಳಿಸಿದ್ದಾರೆ.
BK Hariprasad, Congress: We have a report that he (Amit Shah) doesn't have any flu, we also know people in All India Institute of Medical Sciences (AIIMS), they said he is not admitted because of the flu. Let me get the facts then I will get back to you. pic.twitter.com/sqg3ZbjYTJ
ಕರ್ನಾಟಕದಲ್ಲಿಕಳೆದೊಂದು ವಾರದಲ್ಲಿ ನಡೆದಿರುವ ರಾಜಕೀಯ ಬೆಳವಣಿಗೆಗಳ ಬಗ್ಗೆ ಹರಿಪ್ರಸಾದ್ ಮಾತನಾಡಿದ್ದಾರೆ. ಕರ್ನಾಟಕದಲ್ಲಿ ಮೈತ್ರಿ ಸರ್ಕಾರವನ್ನು ಅಸ್ಥಿರಗೊಳಿಸಲು ಬಿಜೆಪಿ ಯತ್ನಿಸುತ್ತಿದೆ ಎಂದು ಅವರು ಆರೋಪಿಸಿದ್ದಾರೆ.
ಅತೃಪ್ತ ಶಾಸಕರಲ್ಲಿ ಕೆಲವರು ಮರಳಿ ಪಕ್ಷಕ್ಕೆ ಬಂದಿರುವುದು ಅಮಿತ್ ಶಾಗೆ ನಡುಕವನ್ನು ಉಂಟುಮಾಡಿದೆ, ಇದರಿಂದ ಅವರಿಗೆ ಜ್ವರ ಬಂದಿದೆ ಎಂದು ವ್ಯಂಗ್ಯವಾಡಿದ್ದಾರೆ.
ಅಮಿತ್ ಶಾ ಜ್ವರದಿಂದಾಗಿ ಏಮ್ಸ್ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಬಿಜೆಪಿ ಗುರುವಾರ ಟ್ವೀಟ್ ಮಾಡಿತ್ತು.