ಬೆಂಗಳೂರಿಂದ ಮುಂಬೈಗೆ ಹೋಗಲು ಪ್ರೇರಣೆಯಾಗಿದ್ದೇ ರಾಡ್ರಿಕ್ಸ್‌: ಅನುಷ್ಕಾ ಶರ್ಮಾ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಖ್ಯಾತ ವಸ್ತ್ರ ವಿನ್ಯಾಸಕ ವೆಂಡೆಲ್‌ ರಾಡ್ರಿಕ್ಸ್‌ ಅವರ ನಿಧನಕ್ಕೆ ಬಾಲಿವುಡ್‌ ತಾರೆ, ಟೀಂ ಇಂಡಿಯಾ ನಾಯಕ ವಿರಾಟ್‌ ಕೊಹ್ಲಿ ಪತ್ನಿ ಅನುಷ್ಕಾ ಶರ್ಮಾ ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ.
‘ಮಾಡೆಲಿಂಗ್‌ಗಾಗಿ ಬೆಂಗಳೂರಿನಿಂದ ಮುಂಬೈಗೆ ಹೋಗಲು ನನಗೆ ಪ್ರೇರಣೆ ನೀಡಿದ್ದೇ ರಾಡ್ರಿಕ್ಸ್‌,’ ಎಂದು ಅವರು ಹೇಳಿಕೊಂಡಿದ್ದಾರೆ.
ಈ ಕುರಿತು ಅವರು ಸಾಮಾಜಿಕ ತಾಣ ಇನ್‌ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ. ‘ವಸ್ತ್ರ ವಿನ್ಯಾಸಕ ವೆಂಡೆಲ್‌ ರಾಡ್ರಿಕ್ಸ್‌ ಅವರು ಚಿರನಿದ್ರೆಗೆ ಜಾರಿದರೆಂಬ ಕೆಟ್ಟ ಸುದ್ದಿಯೊಂದಿಗೆ ನಾನಿಂದು ಎಚ್ಚರಗೊಂಡೆ. ಅವರೊಬ್ಬ ಅಪ್ರತಿಮ, ಅಪ್ಪಟ ವಸ್ತ್ರ ವಿನ್ಯಾಸಕ. ಲೈಂಗಿಕ ಅಲ್ಪಸಂಖ್ಯಾತರ (ಎಲ್‌ಜಿಬಿಟಿ) ಪರವಾಗಿ ದನಿ ಎತ್ತಿದವರು. ಬೆಂಗಳೂರಿನಲ್ಲಿ ನನ್ನನ್ನು ನೋಡಿದ್ದ ರಾಡ್ರಿಕ್ಸ್‌ ಮುಂಬೈನಲ್ಲಿ ನಡೆಯುತ್ತಿದ್ದ ಫ್ಯಾಷನ್‌ ವೀಕ್‌ಗೆ ಪರಿಚಯಿಸಿದ್ದರು. ಅವರದ್ದು ಅತ್ಯಂತ ಪ್ರೋತ್ಸಾಹಕ ವ್ಯಕ್ತಿತ್ವ. ಕೇವಲ 18ನೇ ವಯಸ್ಸಿಗೇ ಮಾಡೆಲಿಂಗ್‌ನಲ್ಲಿ ನಾನು ತೊಡಗಿಸಿಕೊಳ್ಳಲು, ಅದಕ್ಕಾಗಿ ಬೆಂಗಳೂರಿನಿಂದ ಮುಂಬೈಗೆ ಹೋಗಲು ಧೈರ್ಯ ತುಂಬಿದ್ದೇ ರಾಡ್ರಿಕ್ಸ್‌,’ ಎಂದು ಅನುಷ್ಕಾ ಬರೆದುಕೊಂಡಿದ್ದಾರೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
