ಹಸುಗೂಸನ್ನು ಸಾಯಿಸಿದ ಮಂಗ

ಸೋಮವಾರ ಸಂಜೆ ತಾಯಿ ಎದೆಹಾಲು ಕುಡಿಸುತ್ತಿದ್ದಾಗ ಮಗುವನ್ನು ಕಸಿದುಕೊಂಡು ಓಡಿದ ಮಂಗ, ಪಕ್ಕದ ಮನೆಯ ಚಾವಣಿ ಏರಿತು.

ಕುಟುಂಬದ ಸದಸ್ಯರು ಮಂಗನನ್ನು ಓಡಿಸುವಲ್ಲಿ ಯಶಸ್ವಿಯಾದರು. ಆದರೆ, ಮಗು ರಕ್ತದ ಮಡುವಿನಲ್ಲಿ ಬಿದ್ದಿತ್ತು. ತಕ್ಷಣ ಮಗುವನ್ನು ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಮಗು ಈಗಾಗಲೇ ಮೃತಪಟ್ಟಿದೆ ಎಂದು ವೈದ್ಯರು ತಿಳಿಸಿದರು. ಇದನ್ನು ನಂಬದ ಕುಟುಂಬದ ಸದಸ್ಯರು ಮತ್ತೊಂದು ಆಸ್ಪತ್ರೆಗೆ ಕರೆದೊಯ್ದರು. ಅಲ್ಲಿಯೂ ಅದೇ ಉತ್ತರ ಬಂತು.

‘ಮಂಗಗಳು ಇತ್ತೀಚೆಗೆ ಆಕ್ರಮಣಕಾರಿ ನಡವಳಿಕೆಯನ್ನು ತೋರಿಸುತ್ತಿವೆ. ನೈಸರ್ಗಿಕ ಹಸಿರು ವಲಯ ನಾಶ ಮಾಡಿರುವುದರಿಂದ ಮಂಗಗಳಿಗೆ ಸಹಜವಾದ ಆಹಾರ ದೊರೆಯದಿರುವುದೇ ಇದಕ್ಕೆ ಕಾರಣ’ ಎಂದು ಪರಿಸರ ಕಾರ್ಯಕರ್ತ ಶ್ರವಣ್‌ ಕುಮಾರ್‌ ತಿಳಿಸಿದ್ದಾರೆ.