‘ಪಾಕ್‌ ವ್ಯಕ್ತಿಗೆ ಭಾರತದ ಪೌರತ್ವ’

ಆಸಿಫ್‌ ಕರಾಡಿಯಾ ಪೋಷಕರು ಭಾರತ ಮೂಲದವರು. ಆಸಿಫ್‌ ಅವರ ವೀಸಾ ಅವಧಿ ಪೂರ್ಣಗೊಂಡ ಬಳಿಕ ಅಧಿಕಾರಿಗಳು ವೀಸಾ ಅವಧಿ ವಿಸ್ತರಣೆಗೆ ಆಸಿಫ್‌ ಅವರ ಪಾಕಿಸ್ತಾನದ ಪಾಸ್‌ಪೋರ್ಟ್‌ ಒದಗಿಸಬೇಕೆಂದು ಕೇಳಿದ್ದರು. ಆಗ ಪೋಷಕರು 2016ರ ಡಿಸೆಂಬರ್‌ನಲ್ಲಿ ಹೈಕೋರ್ಟ್‌ ಮೊರೆ ಹೋಗಿದ್ದರು. ದಾವೆಗಳು ಮತ್ತು ಕೋರ್ಟ್‌ನ ಹಲವು ಆದೇಶಗಳ ನಂತರ ಕೊನೆಗೆ ಸಚಿವಾಲಯ ಸೋಮವಾರ ಆಸಿಫ್‌ಗೆ ಭಾರತದ ಪೌರತ್ವ ನೀಡುವುದಾಗಿ ಹೇಳಿದೆ.

‘ಕರಾಚಿಯಲ್ಲಿ ಜನಿಸಿದರೂ ಕೆಲ ದಿನಗಳಲ್ಲೇ ತಾಯಿಯೊಂದಿಗೆ ಭಾರತಕ್ಕೆ ಬಂದು ಮುಂಬೈನಲ್ಲೇ ನೆಲೆಸಿದೆ. ಈ ಕಾರಣ ಪಾಕಿಸ್ತಾನದ ಪಾಸ್‌ಪೋರ್ಟ್‌ ಆಗಲೀ ಪಾಕಿಸ್ತಾನ ಸರ್ಕಾರ ನೀಡುವ ಯಾವುದೇ ದಾಖಲೆಯಾಗಲೀ ನನ್ನ ಬಳಿ ಇಲ್ಲ’ ಎಂದು ಆಸಿಫ್‌ ಕೋರ್ಟ್‌ಗೆ ತಿಳಿಸಿದರು.