ಹಿಂದೂ ಧರ್ಮ ಹೇಳಿಕೆ: ಕ್ಷಮೆ ಕೇಳುವಂತೆ ಜೋಶಿಗೆ ರಾಹುಲ್ ಗಾಂಧಿ ತಾಕೀತು

ಸಿ.ಪಿ ಜೋಶಿ ಅವರು ರಾಜಸ್ಥಾನದಲ್ಲಿ ನಡೆದ ಚುನಾವಣಾ ಪ್ರಚಾರದ ವೇಳೆ ಬ್ರಾಹ್ಮಣರಲ್ಲದ ಪ್ರಧಾನಿ ನರೇಂದ್ರ ಮೋದಿ, ಉಮಾ ಭಾರತಿ, ಸಾದ್ವಿ (ರಿತಾಂಬರ) ಅವರಿಗೆ ಹಿಂದೂಧರ್ಮದ ಬಗ್ಗೆ ಏನು ತಿಳಿದಿದೆ? ಬ್ರಾಹ್ಮಣರು ಮಾತ್ರ ಹಿಂದೂಧರ್ಮದ ಕುರಿತಾಗಿ ಜ್ಞಾನ ಉಳ್ಳವರುಎಂದು ಹೇಳಿದ್ದರು.

ಜೋಶಿ ಅವರ ಹೇಳಿಕೆ ಖಂಡಿಸಿದ ರಾಹುಲ್, ಇವರ ಈ ಮಾತು ಕಾಂಗ್ರೆಸ್ ಸಿದ್ಧಾಂತಕ್ಕೆ ವಿರುದ್ಧವಾಗಿದೆ. ಪಕ್ಷದ ಮುಖಂಡರ ಈ ರೀತಿಯ ಹೇಳಿಕೆಗಳು ಸಮಾಜದ ವಿವಿಧ ವರ್ಗದ ಜನರಿಗೆ ನೋವನ್ನುಂಟು ಮಾಡುತ್ತದೆ. ಕಾಂಗ್ರೆಸ್‌ನ ನೀತಿ–ನಿಯಮಗಳು, ಕಾರ್ಯಕರ್ತರ ಚಟುವಟಿಕೆಯನ್ನು ಗೌರವಿಸಬೇಕು. ಜೋಶಿ ಮಾಡಿದ್ದು ದೊಡ್ಡ ತಪ್ಪು. ಹಾಗಾಗಿ ಅವರು ಖಂಡಿತವಾಗಿಯೂ ಕ್ಷಮೆಯಾಚಿಸಬೇಕು ಎಂದು ಟ್ವೀಟ್ ಮಾಡಿದ್ದಾರೆ.