ಜೈಪುರ: ಮಾಜಿ ಸಚಿವರು ತಮ್ಮ ಅಧಿಕಾರಾವಧಿ ಮುಗಿದ ಎರಡು ತಿಂಗಳ ನಂತರವೂ ಸರ್ಕಾರಿ ಬಂಗಲೆಯಲ್ಲಿ ವಾಸ ಮಾಡಿದ್ದೇ ಆದಲ್ಲಿ ದಿನಕ್ಕೆ ₹ 10,000 ಬಾಡಿಗೆ ನೀಡಬೇಕಾಗುತ್ತದೆ!
ಈ ಸಂಬಂಧ ರಾಜಸ್ಥಾನ ವಿಧಾನ ಸಭೆಯಲ್ಲಿ ಶುಕ್ರವಾರ ಮಂಡಿಸಲಾದ ರಾಜಸ್ಥಾನ ಸಚಿವರ ವೇತನ (ತಿದ್ದುಪಡಿ) ಮಸೂದೆಯನ್ನು ಬಿಜೆಪಿ ವಿರೋಧದ ನಡುವೆ ಅಂಗೀಕರಿಸಲಾಗಿದೆ.
ಅಧಿಕಾರಾವಧಿ ಮುಗಿದ ಮೇಲೆ ಮಾಜಿ ಸಚಿವರು ಸರ್ಕಾರಿ ಬಂಗಲೆಯಲ್ಲಿ ವಾಸವಿದ್ದರೆ, ಎರಡು ತಿಂಗಳ ನಂತರ ಮಾಸಿಕ ₹ 5,000 ಬಾಡಿಗೆ ನೀಡಬೇಕು. ಸರ್ಕಾರಿ ಬಂಗಲೆ ಖಾಲಿ ಮಾಡಲು ನಿರಾಕರಿಸುವವರನ್ನು ಹೊರಹಾಕಲು ಮಸೂದೆಯಲ್ಲಿ ಅವಕಾಶವಿದೆ.
