ಮಂಗಳವಾರ, ಏಪ್ರಿಲ್ 7, 2020
19 °C

ಮಹಾರಾಷ್ಟ್ರ: ಕೊರೊನಾ ಸೋಂಕಿತರಲ್ಲಿ ಹೆಚ್ಚಿನವರು 31–40 ವರ್ಷ ವಯಸ್ಸಿನವರು

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಮುಂಬೈ: ಕೊರೊನಾ ವೈರಸ್ (ಕೋವಿಡ್–19) ಹಿರಿಯ ನಾಗರಿಕರು ಮತ್ತು ವೃದ್ಧರ ಮೇಲೆಯೇ ಹೆಚ್ಚು ಪರಿಣಾಮ ಬೀರುತ್ತದೆ, ಕಡಿಮೆ ವಯಸ್ಸಿನವರು ಭಯಪಡಬೇಕಿಲ್ಲ ಎಂಬ ವದಂತಿಗಳು ಹರಡುತ್ತಿರುವ ನಡುವೆಯೇ ಮಹಾರಾಷ್ಟ್ರದಲ್ಲಿ ಆಘಾತಕಾರಿ ವಿಚಾರ ಬಯಲಾಗಿದೆ.

ರಾಜ್ಯದಲ್ಲಿ ಸೋಂಕು ಪಿಡಿತರಲ್ಲಿ ಹೆಚ್ಚಿನವರು 31ರಿಂದ 40 ವರ್ಷ ವಯಸ್ಸಿನವರು ಎಂದು ಮಹಾರಾಷ್ಟ್ರ ವೈದ್ಯಕೀಯ ಶಿಕ್ಷಣ ಮತ್ತು ಔಷಧ ಇಲಾಖೆ ಸಿದ್ಧಪಡಿಸಿರುವ ವರದಿಯಲ್ಲಿ ಹೇಳಲಾಗಿದೆ. ಆದರೆ ಮೃತಪಟ್ಟವರು 61–70ರ ವಯೋಮಾನದವರು ಎಂದು ಉಲ್ಲೇಖಿಸಲಾಗಿದೆ.

ಇದನ್ನೂ ಓದಿ: ಕೋವಿಡ್‌ 19: ಚೀನಾವನ್ನು ಹಿಂದಿಕ್ಕಿದ ಅಮೆರಿಕ

ಬುಧವಾರದವರೆಗೆ ಕೋವಿಡ್–19 ದೃಢಪಟ್ಟವರಲ್ಲಿ 33 ಮಂದಿ 31–40ರ ವಯೋಮಾನದವರಾಗಿದ್ದಾರೆ.

ವರದಿಯಲ್ಲಿ ವಯಸ್ಸಿನ ಆಧಾರದಲ್ಲಿ ಸೋಂಕು ಪೀಡಿತರ ಸಂಖ್ಯೆಯನ್ನು ವಿಭಾಗಿಸಲಾಗಿದೆ. 1–10ರ ವಯೋಮಾನದ ಇಬ್ಬರು, 11–20ರ ವಯೋಮಾನದ 8 ಮಂದಿ, 21–30ರ ವಯೋಮಾನದ 24, 31-40ರ 33, 41–50ರ ವಯಸ್ಸಿನ 24, 51–60ರ ವಯಸ್ಸಿನ 15, 61–70ರ ವಯಸ್ಸಿನ 13 ಮತ್ತು 71–80ರ ವಯೋಮಾನದ 3 ಮಂದಿ ಸೋಂಕಿತರು ಇದ್ದಾರೆ ಎಂದು ವರದಿ ತಿಳಿಸಿದೆ.

ಹೆಚ್ಚಿನ ಪ್ರಕರಣಗಳು ವಿದೇಶಗಳಿಂದ ಬಂದವರಲ್ಲೇ, ಕ್ರಮವಾಗಿ ಯುಎಇ, ಅಮೆರಿಕ, ಸೌದಿ ಅರೇಬಿಯಾ, ಬ್ರಿಟನ್‌ ಮತ್ತು ಫಿಲಿಪ್ಪೀನ್ಸ್‌ನಿಂದ ಬಂದವರಲ್ಲಿ ದೃಢಪಟ್ಟಿದೆ. ಉಳಿದ ಪ್ರಕರಣಗಳು ಥಾಯ್ಲೆಂಡ್, ಆಸ್ಟ್ರೇಲಿಯಾ, ಸ್ಕಾಟ್ಲೆಂಡ್, ಟರ್ಕಿ, ರಷ್ಯಾದ, ಕಾಂಗೊ, ಒಮನ್ ಮತ್ತು ಸ್ಪೇನ್‌ನಿಂದ ಬಂದವರಲ್ಲಿ ದೃಢಪಟ್ಟಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು