ಬ್ಯಾಡ್ಮಿಂಟನ್‌ ಬಳಗಕ್ಕೆ ಚಿನ್ನದ ಮೆರುಗು

ಗೋಲ್ಡ್ ಕೋಸ್ಟ್, ಆಸ್ಟ್ರೇಲಿಯಾ : ಭಾರತದ ಬ್ಯಾಡ್ಮಿಂಟನ್ ತಂಡದವರು ಸೋಮವಾರ ಹೊಸ ಮೈಲುಗಲ್ಲು ಸ್ಥಾಪಿಸಿದರು.

. ಕಾಮನ್ವೆಲ್ತ್ ಕ್ರೀಡಾಕೂಟದ ಮಿಶ್ರ ತಂಡ ವಿಭಾಗದಲ್ಲಿ ಭಾರತ ಚಿನ್ನ ಗೆದ್ದು ಚಾರಿತ್ರಿಕ ಸಾಧನೆ ಮಾಡಿತು.

. ಕ್ಯಾರರಾ ಕ್ರೀಡಾಸಂಕೀರ್ಣದ ಎರಡನೆ ಅಂಗಳದಲ್ಲಿ ನಡೆದ ಫೈನಲ್ನಲ್ಲಿ ಭಾರತ 3–1ರಿಂದ ಮಲೇಷ್ಯಾ ತಂಡಕ್ಕೆ ಆಘಾತ ನೀಡಿತು. ಇದರೊಂದಿಗೆ ಕಾಮನ್ವೆಲ್ತ್ ಕೂಟದಲ್ಲಿ ಚೊಚ್ಚಲ ಚಿನ್ನ ಗೆದ್ದ ಹೆಗ್ಗಳಿಕೆಯನ್ನು ತನ್ನದಾಗಿಸಿಕೊಂಡಿತು.

. ಹಿಂದಿನ ಮೂರು ಕೂಟಗಳಲ್ಲಿ ಚಿನ್ನ ಗೆದ್ದಿದ್ದ ಮಲೇಷ್ಯಾ ತಂಡ ಭಾರತವನ್ನು ಸುಲಭವಾಗಿ ಮಣಿಸುತ್ತದೆ ಎಂದು ಅಂದಾಜಿಸಲಾಗಿತ್ತು. ಆದರೆ ಭಾರತದ ಆಟಗಾರರು ದಿಟ್ಟ ಆಟ ಆಡಿ ಈ ನಿರೀಕ್ಷೆ ಹುಸಿಗೊಳಿಸಿದರು.

. ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಕಣಕ್ಕಿಳಿದಿದ್ದ ಕರ್ನಾಟಕದ ಅಶ್ವಿನಿ ಪೊನ್ನಪ್ಪ ಮತ್ತು ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ ಭಾರತಕ್ಕೆ ಜಯದ ಆರಂಭ ನೀಡಿದರು.

. ಅಶ್ವಿನಿ ಮತ್ತು ಸಾತ್ವಿಕ್ 21–14, 15–21, 21–15ರಲ್ಲಿ ಪೆಂಗ್ ಸೂನ್ ಚಾನ್ ಮತ್ತು ಲಿಯು ಯಿಂಗ್ ಗೊಹ್ ಅವರನ್ನು ಪರಾಭವಗೊಳಿಸಿದರು.

. ಮೊದಲ ಗೇಮ್ನ ಶುರು ವಿನಿಂದಲೇ ಆಕ್ರಮಣಕಾರಿ ಆಟಕ್ಕೆ ಮುಂದಾದ ಅಶ್ವಿನಿ ಮತ್ತು ಸಾತ್ವಿಕ್ 8–4ರ ಮುನ್ನಡೆ ಗಳಿಸಿದರು. ನಂತರ ಮಲೇಷ್ಯಾದ ಜೋಡಿ ಮಿಂಚಿತು. ಚುರುಕಿನ ಸರ್ವ್ಗಳ ಮೂಲಕ ಪಾಯಿಂಟ್ಸ್ ಕಲೆಹಾಕಿದ ಪೆಂಗ್ ಸೂನ್ ಮತ್ತು ಲಿಯು ಯಿಂಗ್ ಹಿನ್ನಡೆಯನ್ನು 7–9ಕ್ಕೆ ತಗ್ಗಿಸಿಕೊಂಡರು. ಈ ಹಂತದಲ್ಲಿ ಸತತ ಎರಡು ಪಾಯಿಂಟ್ಸ್ ಸಂಗ್ರಹಿಸಿದ ಭಾರತದ ಜೋಡಿ 11–7ರ ಮುನ್ನಡೆಯೊಂದಿಗೆ ವಿರಾಮಕ್ಕೆ ಹೋಯಿತು.

. ದ್ವಿತೀಯಾರ್ಧದಲ್ಲೂ ಅಶ್ವಿನಿ ಮತ್ತು ಸಾತ್ವಿಕ್ ಮಿಂಚಿದರು. ಅಮೋಘ ಕ್ರಾಸ್ಕೋರ್ಟ್ ಹೊಡೆತಗಳ ಮೂಲಕ ಎದುರಾಳಿಗಳನ್ನು ಕಂಗೆಡಿಸಿದ ಅವರು ಮುನ್ನಡೆಯನ್ನು 14–9ಕ್ಕೆ ಹೆಚ್ಚಿಸಿ ಕೊಂಡರು. ಬಳಿಕವೂ ಗುಣಮಟ್ಟದ ಆಟ ಆಡಿದ ಭಾರತದ ಜೋಡಿ ನಿರಾಯಾಸವಾಗಿ ಗೇಮ್ ಕೈವಶ ಮಾಡಿಕೊಂಡಿತು.

. ಎರಡನೆ ಗೇಮ್ನಲ್ಲಿ ಪೆಂಗ್ ಸೂನ್ ಮತ್ತು ಲಿಯು ಯಿಂಗ್ ಮಿಂಚಿದರು. ದೀರ್ಘ ರ್ಯಾಲಿಗಳನ್ನು ಆಡಿದ ಇವರು ಭಾರತದ ಜೋಡಿಯ ಸವಾಲು ಮೀರಿದರು.

. ಹೀಗಾಗಿ ಮೂರನೆ ಗೇಮ್ ಕುತೂ ಹಲದ ಗಣಿ ಆಗಿತ್ತು. ಈ ಗೇಮ್ನಲ್ಲಿ ಅಶ್ವಿನಿ ಮತ್ತು ಸಾತ್ವಿಕ್ ಗರ್ಜಿಸಿದರು.

. ಅಮೋಘ ಕ್ರಾಸ್ಕೋರ್ಟ್ ಹೊಡೆತಗಳ ಮೂಲಕ ಪಾಯಿಂಟ್ಸ್ ಸಂಗ್ರಹಿಸಿದ ಇವರು ಬ್ಯಾಕ್ಹ್ಯಾಂಡ್ ಮತ್ತು ಫೋರ್ಹ್ಯಾಂಡ್ ಹೊಡೆತಗಳ ಮೂಲಕ ಎದುರಾಳಿಗಳನ್ನು ತಬ್ಬಿಬ್ಬುಗೊಳಿಸಿದರು.

. ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ಆಡಿದ ಕೆ.ಶ್ರೀಕಾಂತ್ ಕೂಡ ಗೆಲುವಿನ ತೋರಣ ಕಟ್ಟಿದರು.

. ಹೀಗಾಗಿ ಭಾರತ 2–0ರ ಮುನ್ನಡೆ ಪಡೆದು ಜಯದ ಹಾದಿ ಸುಗಮ ಮಾಡಿಕೊಂಡಿತು.

. ಅಗ್ರಶ್ರೇಯಾಂಕಿತ ಆಟಗಾರ ಶ್ರೀಕಾಂತ್ 21–17, 21–14ರ ನೇರ ಗೇಮ್ಗಳಿಂದ ಲೀ ಚಾಂಗ್ ವೀ ಅವರಿಗೆ ಆಘಾತ ನೀಡಿದರು.

. ಒಲಿಂಪಿಕ್ಸ್ನಲ್ಲಿ ಮೂರು ಬೆಳ್ಳಿ ಗೆದ್ದ ಹಿರಿಮೆ ಹೊಂದಿರುವ ಲೀ ಚಾಂಗ್ ಅವರನ್ನು ಶ್ರೀಕಾಂತ್ ಮೊದಲ ಬಾರಿಗೆ ಮಣಿಸಿದರು.

. 22 ನಿಮಿಷಗಳ ಮೊದಲ ಗೇಮ್ನಲ್ಲಿ ಶ್ರೀಕಾಂತ್ ಮೋಡಿ ಮಾಡಿದರು.

. ಆರಂಭದಿಂದಲೇ ಎದುರಾಳಿಗೆ ಪ್ರಬಲ ಪೈಪೋಟಿ ಒಡ್ಡಿದ ಅವರು 8–10ರಿಂದ ಹಿಂದಿದ್ದರು.

. ನಂತರ ಕೆಚ್ಚೆದೆಯಿಂದ ಹೋರಾಡಿ 17–17ರಲ್ಲಿ ಸಮಬಲ ಮಾಡಿಕೊಂಡರು.

. ಈ ಹಂತದಲ್ಲಿ ಬೇಸ್ಲೈನ್ ಹೊಡೆತಗಳ ಜೊತೆಗೆ ನೆಟ್ನ ಸಮೀಪದಲ್ಲಿ ಷಟಲ್ ಡ್ರಾಪ್ ಮಾಡಿದ ಶ್ರೀಕಾಂತ್ ಸತತ ನಾಲ್ಕು ಪಾಯಿಂಟ್ಸ್ ಕಲೆಹಾಕಿ ಗೇಮ್ ಜಯಿಸಿದರು.

. ಎರಡನೆ ಗೇಮ್ನ ಆರಂಭದಲ್ಲೂ ಉಭಯ ಆಟಗಾರರ ನಡುವೆ ಜಿದ್ದಾಜಿದ್ದಿನ ಪೈಪೋಟಿ ಕಂಡುಬಂತು. ಎದುರಾಳಿಯ ತಂತ್ರಗಳನ್ನು ಚೆನ್ನಾಗಿ ಅರಿತಿದ್ದಂತೆ ಕಂಡ ಶ್ರೀಕಾಂತ್ ಪ್ರತಿತಂತ್ರ ಹೆಣೆದು ಜಯದ ತೋರಣ ಕಟ್ಟಿದರು.

. ಪುರುಷರ ಡಬಲ್ಸ್ನಲ್ಲಿ ಸಾತ್ವಿಕ್ ಸಾಯಿರಾಜ್ ಮತ್ತು ಚಿರಾಗ್ ಶೆಟ್ಟಿ 15–21, 20–22ರಲ್ಲಿ ಶೆಮ್ ಗೊಹ್ ಮತ್ತು ವೀ ಕಿಯಾಂಗ್ ತಾನ್ ವಿರುದ್ಧ ಸೋತರು. ಹೀಗಾಗಿ ಮಲೇಷ್ಯಾ ಹಿನ್ನಡೆಯನ್ನು 1–2ಕ್ಕೆ ತಗ್ಗಿಸಿಕೊಂಡಿತು.

. ಕುತೂಹಲ ಕೆರಳಿಸಿದ್ದ ಮಹಿಳೆಯರ ಸಿಂಗಲ್ಸ್ನಲ್ಲಿ ಸೈನಾ ನೆಹ್ವಾಲ್ ಗೆಲುವು ಗಳಿಸಿ ಭಾರತದ ಪಾಳಯದಲ್ಲಿ ಸಂಭ್ರಮ ಮೇಳೈಸುವಂತೆ ಮಾಡಿದರು.

. ಸೈನಾ 21–11, 19–21, 21–9ರಲ್ಲಿ ಸೋನಿಯಾ ಚೆಹ್ ಅವರನ್ನು ಸೋಲಿಸಿದರು.

. ವಿಶ್ವ ರ್ಯಾಂಕಿಂಗ್ನಲ್ಲಿ 12ನೇ ಸ್ಥಾನ ಹೊಂದಿದ್ದ ಸೈನಾ ಮೊದಲ ಗೇಮ್ನಲ್ಲಿ ಸುಲಭವಾಗಿ ಗೆದ್ದರು.

. ಎರಡನೆ ಗೇಮ್ನಲ್ಲಿ ಸೋನಿಯಾ ತಿರುಗೇಟು ನೀಡಿದರು. ಇದರಿಂದ ಎದೆಗುಂದದ ಸೈನಾ ಮೂರನೆ ಗೇಮ್ನಲ್ಲಿ ಎದುರಾಳಿಯ ಸವಾಲು ಮೀರಿ ಸಂಭ್ರಮಿಸಿದರು.

. **

. ಲೀ ಚಾಂಗ್, ವಿಶ್ವಶ್ರೇಷ್ಠ ಆಟಗಾರ. ಅವರ ಎದುರು ಸಿಕ್ಕ ಗೆಲುವು ಅವಿಸ್ಮರಣೀಯ. ತಂಡ ಚಿನ್ನ ಗೆದ್ದಿದ್ದರಿಂದ ಅತೀವ ಖುಷಿಯಾಗಿದೆ.

. - ಕೆ.ಶ್ರೀಕಾಂತ್, ಭಾರತದ ಆಟಗಾರ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬ್ಯಾಡ್ಮಿಂಟನ್‌ ಬಳಗಕ್ಕೆ ಚಿನ್ನದ ಮೆರುಗು

ಚಿನಕುರುಳಿ Cartoon: 06 ಸೆಪ್ಟೆಂಬರ್ 2025

Kantara Chapter 1: ಚಿತ್ರಮಂದಿರ ತುಂಬಿದ ‘ಕಾಂತಾರ’; ಟಿಕೆಟ್‌ ಜೋಪಾನ

ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ ಅವಧಿ ವಿಸ್ತರಣೆ: ಶಾಲಾ ಸಮಯ ಬದಲಾವಣೆ

ಚುರುಮುರಿ: ಕಪ್‌ ಟ್ರಂಪಣ್ಣಂದೇ!

Womens WC| ಬಾಂಗ್ಲಾ ವಿರುದ್ಧ ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಇಂಗ್ಲೆಂಡ್

ಕಾಂತಾರ ಚಾಪ್ಟರ್–1 ನೋಡಿ ಕೆ.ಎಲ್ ರಾಹುಲ್ ಹೇಳಿದ್ದೇನು?

PHOTOS : ದೇಶೀಯ ಟೂರ್ನಿಗಾಗಿ ಕನ್ನಡತಿ ಶ್ರೇಯಾಂಕಾ ಪಾಟೀಲ್ ಭರ್ಜರಿ ಪ್ರಾಕ್ಟೀಸ್

ಭಾರತ ವಿರುದ್ಧದ ಸರಣಿಗೆ ಮರಳಿದ ಸ್ಟಾರ್ಕ್, ಮಾರ್ಷ್ ನಾಯಕ: ಹೀಗಿದೆ ಆಸಿಸ್ ತಂಡ

ಒಳನೋಟ | ಉದ್ಯೋಗಕ್ಕೆ ನಿತ್ಯ ವಲಸೆ

ಒಳನೋಟ | ಮದ್ಯ ತಯಾರಿಕಾ ಉದ್ಯಮ ‘ಬಂದಿ’

ಒಳನೋಟ | ಶುಲ್ಕ ಹೆಚ್ಚಳ: ಹಗಲು ದರೋಡೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಚಿನಕುರುಳಿ Cartoon: 06 ಸೆಪ್ಟೆಂಬರ್ 2025

Kantara Chapter 1: ಚಿತ್ರಮಂದಿರ ತುಂಬಿದ ‘ಕಾಂತಾರ’; ಟಿಕೆಟ್‌ ಜೋಪಾನ

ಸಾಮಾಜಿಕ, ಶೈಕ್ಷಣಿಕ ಸಮೀಕ್ಷೆ ಅವಧಿ ವಿಸ್ತರಣೆ: ಶಾಲಾ ಸಮಯ ಬದಲಾವಣೆ

ಚುರುಮುರಿ: ಕಪ್‌ ಟ್ರಂಪಣ್ಣಂದೇ!