‘ಉಡಾನ್–3’ ಯೋಜನೆಯಡಿ ಕಾರ್ಯಾಚರಣೆ: ಅಹಮದಾಬಾದ್, ಪುಣೆ ವಿಮಾನ ಆರಂಭ

ಸೋಮವಾರ, ಮೇ 20, 2019
31 °C
‘ಉಡಾನ್–3’ ಯೋಜನೆಯಡಿ ಕಾರ್ಯಾಚರಣೆ

‘ಉಡಾನ್–3’ ಯೋಜನೆಯಡಿ ಕಾರ್ಯಾಚರಣೆ: ಅಹಮದಾಬಾದ್, ಪುಣೆ ವಿಮಾನ ಆರಂಭ

Published:
Updated:
Prajavani

ಬೆಳಗಾವಿ: ಇಲ್ಲಿನ ಸಾಂಬ್ರಾ ವಿಮಾನನಿಲ್ದಾಣದಿಂದ ‘ಉಡಾನ್–3’ ಯೋಜನೆಯಡಿ ಅಹಮದಾಬಾದ್ ಹಾಗೂ ಪುಣೆ ನಗರಗಳಿಗೆ ವಿಮಾನಗಳ ಹಾರಾಟಕ್ಕೆ ಬುಧವಾರ ಚಾಲನೆ ನೀಡಲಾಯಿತು. ಇದರೊಂದಿಗೆ ಯೋಜನೆಯಲ್ಲಿ 3 ವಿಮಾನಗಳು ಕಾರ್ಯಾಚರಣೆ ಆರಂಭಿಸಿದಂತಾಗಿದೆ. ಹೈದರಾಬಾದ್ ಮಾರ್ಗದ ವಿಮಾನ ಮೇ 1ರಿಂದ ಶುರುವಾಗಿತ್ತು.

ಬೆಂಗಳೂರು–ಬೆಳಗಾವಿ–ಅಹಮದಾಬಾದ್–ಬೆಳಗಾವಿ–ಬೆಂಗಳೂರು ಮಾರ್ಗದಲ್ಲಿ ಮೆ.ಗೋಡಾವತ್‌ ಕಂಪನಿಯ ಸ್ಟಾರ್‌ ಏರ್‌ ಹಾಗೂ ಬೆಂಗಳೂರು–ಬೆಳಗಾವಿ–ಪುಣೆ–ಬೆಳಗಾವಿ–ಬೆಂಗಳೂರು ವಿಮಾನವು ಮೆ. ಅಲಯನ್ಸ್‌ ಏರ್‌ ಕಂಪನಿಯದಾಗಿದೆ.

ವಿಮಾನನಿಲ್ದಾಣದ ನಿರ್ದೇಶಕ ರಾಜೇಶ್‌ಕುಮಾರ್‌ ಮೌರ್ಯ, ಎರಡೂ ಕಂಪನಿಗಳ ಅಧಿಕಾರಿಗಳು ಪ್ರಯಾಣಿಕರಿಂದ ಕೇಕ್‌ ಕತ್ತರಿಸುವ ಮೂಲಕ ಸಂಭ್ರಮ ಆಚರಿಸಿದರು.

ಅಹಮದಾಬಾದ್‌ ವಿಮಾನ ಮಂಗಳವಾರ ಹೊರತುಪಡಿಸಿ ಉಳಿದ ಎಲ್ಲ ದಿನಗಳಲ್ಲೂ ಹಾರಾಟ ನಡೆಸಲಿದೆ. ಬೆಂಗಳೂರಿನಿಂದ ಬೆಳಿಗ್ಗೆ 8.40ಕ್ಕೆ ಬರುವ ವಿಮಾನ, 9.20ಕ್ಕೆ ಇಲ್ಲಿಂದ ಅಹಮದಾಬಾದ್‌ಗೆ ತೆರಳುತ್ತದೆ. ಅಲ್ಲಿಂದ ಮಧ್ಯಾಹ್ನ 1ಕ್ಕೆ ಬಂದು 1.50ಕ್ಕೆ ಬೆಂಗಳೂರಿಗೆ ಹೋಗುತ್ತದೆ. ಭಾನುವಾರ ಸಂಜೆ 4.15ಕ್ಕೆ ಬೆಂಗಳೂರಿನಿಂದ ಬಂದು 4.40ಕ್ಕೆ ಅಹಮದಾಬಾದ್‌ಗೆ ಹೋಗಿ ರಾತ್ರಿ 10.20ಕ್ಕೆ ಮರಳಲಿದೆ. 10.40ಕ್ಕೆ ಬೆಂಗಳೂರಿಗೆ ತೆರಳುತ್ತದೆ.

50 ಸೀಟುಗಳ ಈ ವಿಮಾನದಲ್ಲಿ ಮೊದಲ ದಿನ ಶೇ 83ರಷ್ಟು ಸೀಟುಗಳು ಭರ್ತಿಯಾಗಿದ್ದವು. ಬೆಳಗಾವಿ–ಅಹಮದಾಬಾದ್‌ಗೆ 43, ಅಹಮದಾಬಾದ್‌ನಿಂದ ಬೆಳಗಾವಿಗೆ 41 ಮತ್ತು ಬೆಳಗಾವಿ–ಬೆಂಗಳೂರಿಗೆ 42 ಮಂದಿ ಪ್ರಯಾಣಿಸಿದರು.

ಪುಣೆಗೆ ಹೋಗುವ ವಿಮಾನವು ಮಂಗಳವಾರ ಬಿಟ್ಟು ಉಳಿದ ಎಲ್ಲ ದಿನಗಳಲ್ಲೂ ಹಾರಾಡಲಿದೆ (ಆದರೆ, ಮಂಗಳವಾರವೂ ಈ  ವಿಮಾನ ಇರುತ್ತದೆ). ಮಧ್ಯಾಹ್ನ 3.40ಕ್ಕೆ ಬೆಂಗಳೂರಿನಿಂದ ಬಂದು ಸಂಜೆ 4.05ಕ್ಕೆ ಪುಣೆಯತ್ತ ಹೊರಡಲಿದೆ. ಪುಣೆಯಿಂದ ಸಂಜೆ 7.05ಕ್ಕೆ ಬಂದು, 7.30ಕ್ಕೆ ಬೆಂಗಳೂರಿಗೆ ಹೋಗುತ್ತದೆ. ಮಂಗಳವಾರ ಸಂಜೆ 5.05ಕ್ಕೆ ಬೆಂಗಳೂರಿಗೆ ತೆರಳುತ್ತದೆ. ಮೊದಲ ದಿನ ಪುಣೆಗೆ 25 ಹಾಗೂ ಪುಣೆ– ಬೆಳಗಾವಿಗೆ 23 ಪ್ರಯಾಣಿಕರು ಇದ್ದರು. ಮುಂದಿನ ದಿನಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ನಿಲ್ದಾಣ ನಿರ್ದೇಶಕ ರಾಜೇಶ್‌ಕುಮಾರ್‌ ಮೌರ್ಯ ತಿಳಿಸಿದ್ದಾರೆ.

ಇರ್ತಾರಾ ಮೋದಿ? ಬರ್ತಾರಾ ರಾಹುಲ್?

ಲೋಕಸಭೆ ಫಲಿತಾಂಶಕ್ಕಾಗಿ ವಿಶ್ವವೇ ಬೆರಗುಗಣ್ಣಿನಿಂದ ಕಾಯುತ್ತಿದೆ. ನರೇಂದ್ರ ಮೋದಿ ಗೆಲ್ತಾರಾ? ರಾಹುಲ್‌ ಗಾಂಧಿ ಬರ್ತಾರಾ? ರಾಜಕಾರಣದ ಕ್ಷಣಕ್ಷಣದ ಮಾಹಿತಿ, ತಾಜಾ ಅಪ್‌ಡೇಟ್‌ಗಳಿಗಾಗಿ www.prajavani.net/prajamatha ನೋಡಿ.

ಫೇಸ್‌ಬುಕ್‌ನಲ್ಲಿ ನಮ್ಮನ್ನು ಲೈಕ್ ಮಾಡಿ ಅಥವಾ ಟ್ವಿಟರ್, ಯೂಟ್ಯೂಬ್, ಇನ್‌ಸ್ಟಾಗ್ರಾಂನಲ್ಲಿ ಫಾಲೊ ಮಾಡಿ.

ತ್ವರಿತ ಸುದ್ದಿ, ನಿಖರ ವಿಶ್ಲೇಷಣೆಗೆ www.prajavani.net ಓದಿ. 'ಪ್ರಜಾವಾಣಿ' ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 1

    Angry

Comments:

0 comments

Write the first review for this !