ಬೆಂಗಳೂರು: ಆರೋಗ್ಯ ಕಾರ್ಯಕರ್ತರಿಗೆ ಬೆಂಬಲ ಮತ್ತು ಕೃತಜ್ಞತೆ ಸಲ್ಲಿಸುವ ಪ್ರಧಾನಿ ಮೋದಿಯವರ ಆಲೋಚನೆಯನ್ನು ನಾನು ಸ್ವಾಗತಿಸುತ್ತೇನೆ. ಇದರ ಜತೆಗೆ ಕೋವಿಡ್ -19 ರೋಗ ಪತ್ತೆ ಪರೀಕ್ಷೆಶೀಘ್ರವೇಹೆಚ್ಚು ಮಾಡುವ ಅಗತ್ಯವಿದೆ. ತಪಾಸಣೆ ಜಾಸ್ತಿಯಾದರೆ ಸರ್ಕಾರಿ ಐಸೋಲೇಷನ್ ಕೇಂದ್ರದಲ್ಲಿ ರೋಗಿಗಳು ಹೆಚ್ಚಾಗುವುದನ್ನು ತಡೆಯಬಹುದು ಎಂದು ಮಾಜಿ ಪ್ರಧಾನಿ, ಜೆಡಿಎಸ್ ವರಿಷ್ಠ ಎಚ್.ಡಿ.ದೇವೇಗೌಡ ಟ್ವೀಟ್ ಮಾಡಿದ್ದಾರೆ.
ಪ್ರಧಾನಿ ನರೇಂದ್ರ ಮೋದಿಯವರನ್ನು ಟ್ಯಾಗ್ ಮಾಡಿ ಸರಣಿ ಟ್ವೀಟ್ ಮಾಡಿರುವ ದೇವೇಗೌಡರು ಈ ಸಂದಿಗ್ಧ ಪರಿಸ್ಥಿತಿಯಲ್ಲಿ ಕೃಷಿ ಚಟುವಟಿಕೆಗಳಿಗೂ ತೊಂದರೆಯಾಗದಂತೆ ನಾವು ನೋಡಿಕೊಳ್ಳಬೇಕಿದೆ. ವಿಶೇಷವಾಗಿ ಬೇಗನೆ ಕೊಳೆತು ಹೋಗುವ ಕೃಷಿ ಉತ್ಪನ್ನಗಳಿಗೆ ಸರಿಯಾದ ಮಾರುಕಟ್ಟೆ ಸಿಗುವಂತೆ ಮಾಡಬೇಕು. ಹಾಗಾದರೆ ಮಾತ್ರ ಈ ಜಾಗತಿಕ ಪಿಡುಗು ವಿರುದ್ಧದ ಹೋರಾಟದಲ್ಲಿ ನಾವು ನಮ್ಮನ್ನು ಉಳಿಸಿಕೊಳ್ಳಬಹುದು ಎಂದಿದ್ದಾರೆ.
I welcome Hon'ble PM @narendramodi's idea for the people to express solidarity & gratitude towards healthcare workers. In addition to this,there is an immediate need to increase 'testing' for #COVID19. Increased testing will avoid overcrowding of Government isolation centers.
— H D Devegowda (@H_D_Devegowda) April 3, 2020
1/3
In such times of crisis, we should see to it that there is no disruption in farming activities by ensuring proper marketing channels to agricultural produce, especially perishables. Only then we can sustain our long battle against this pandemic.
— H D Devegowda (@H_D_Devegowda) April 3, 2020
2/3
The savings of daily wage labourers and the middle class is deteriorating day by day. Some are not able to afford even essentials for their survival. I request Hon'ble PM to look into this situation with utmost urgency.
— H D Devegowda (@H_D_Devegowda) April 3, 2020
3/3
ಇನ್ನೊಂದು ಟ್ವೀಟ್ನಲ್ಲಿ ಜನಸಾಮಾನ್ಯರ ಕಷ್ಟಗಳ ಬಗ್ಗೆ ಉಲ್ಲೇಖಿಸಿದ್ದು, ದಿನಗೂಲಿ ಕಾರ್ಮಿಕರುಮತ್ತು ಮಧ್ಯಮವರ್ಗದವರ ಉಳಿತಾಯದ ಹಣ ದಿನದಿಂದ ದಿನಕ್ಕೆ ಕ್ಷೀಣಿಸುತ್ತಾ ಬರುತ್ತಿದೆ.ಅವರವರ ಉಳಿವಿಗಾಗಿ ಬೇಕಾಗಿರುವ ವಸ್ತುಗಳನ್ನು ಪೂರೈಸಲು ಕೆಲವರಿಗೆ ಸಾಧ್ಯವಾಗುತ್ತಿಲ್ಲ. ಈ ವಿಷಯಗಳನ್ನು ಪ್ರಧಾನಿಯವರು ಗಂಭೀರವಾಗಿ ತೆಗೆದುಕೊಳ್ಳಬೇಕು ಎಂದು ನಾನು ಮನವಿ ಮಾಡುತ್ತೇನೆ ಎಂದು ಟ್ವೀಟಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.