ಸಚಿವ ಡಿ.ಕೆ.ಶಿವಕುಮಾರ್ ತಾಯಿಯ ಐ.ಟಿ ವಿಚಾರಣೆಗೆ ತಡೆ

‘ಐ.ಟಿ ನೀಡಿರುವ ಷೋಕಾಸ್‌ ನೋಟಿಸ್ ರದ್ದುಗೊಳಿಸಬೇಕು‘ ಎಂದು ಕೋರಿ ಗೌರಮ್ಮ ಸಲ್ಲಿಸಿರುವ ರಿಟ್‌ ಅರ್ಜಿಯನ್ನು ನ್ಯಾಯಮೂರ್ತಿ ಅಲೋಕ್‌ ಅರಾಧೆ ಅವರಿದ್ದ ಏಕಸದಸ್ಯ ನ್ಯಾಯಪೀಠ ಗುರುವಾರ ವಿಚಾರಣೆ ನಡೆಸಿ, ಮುಂದಿನ ವಿಚಾರಣೆವರೆಗೂ ತಡೆ ನೀಡಿ ಆದೇಶಿಸಿತು.

ಪ್ರಕರಣವೇನು?: ‘ಡಿ.ಕೆ. ಶಿವಕುಮಾರ್ ಅವರು, ಗೌರಮ್ಮ ಅವರ ಹೆಸರಿನಲ್ಲಿ ಕೋಟ್ಯಂತರ ಮೊತ್ತದ ಬೇನಾಮಿ ಆಸ್ತಿ ಹೊಂದಿದ್ದಾರೆ’ ಎಂದು ಐ.ಟಿ ಇಲಾಖೆ 2018ರ ಮಾರ್ಚ್ 31ರಂದು ಷೋಕಾಸ್‌ ನೋಟಿಸ್‌ ಜಾರಿಗೊಳಿಸಿತ್ತು. ‘ಈ ನೋಟಿಸ್‌ಗೆ ನೀಡಿರುವ ಉತ್ತರ ಸಮರ್ಪಕವಾಗಿಲ್ಲ’ ಎಂದು ಆಕ್ಷೇಪಿಸಿ ಪುನಃ 2019ರ ಮಾರ್ಚ್ 22ರಂದು ಮತ್ತೊಂದು ನೋಟಿಸ್‌ ನೀಡಿತ್ತು.