Explainer | ಕಾರವಾರದಲ್ಲಿ ‘ಸಾಗರಮಾಲಾ’ ಬೇಗುದಿ: ಇಲ್ಲಿದೆ ಸಮಗ್ರ ಮಾಹಿತಿ

"" . ಕೇಂದ್ರ ಸರ್ಕಾರದ ‘ಸಾಗರಮಾಲಾ’ ಯೋಜನೆಯು ಕಾರವಾರದ ಮೀನುಗಾರರ ನಿದ್ದೆ ಕೆಡಿಸಿದೆ. ಯೋಜನೆಯ ಪ್ರಕಾರ ಈಗಿರುವ ಬಂದರು ಸಾಮರ್ಥ್ಯ, ವ್ಯಾಪ್ತಿ ವಿಸ್ತರಣೆಯಾಗಲಿದ್ದು, ಬೃಹತ್ ಹಡುಗುಗಳ ಸಂಚಾರಕ್ಕೆ ಅವಕಾಶ ಸಿಗಲಿದೆ. ಆದರೆ, ಮೀನುಗಾರರ ದೋಣಿಗಳು ಸಂಚರಿಸುವ ಜಾಗದಲ್ಲೇ ಈ ಕಾಮಗಾರಿ ನಡೆಯುವುದರಿಂದ ಅವರ ನಿತ್ಯದ ಮೀನುಗಾರಿಕೆ ಉದ್ಯೋಗಕ್ಕೆ ತೊಡಕಾಗುವ ಆತಂಕವಿದೆ. ಕಾರವಾರ ಬಂದರಿನ ಎರಡನೇ ಹಂತದ ಅಭಿವೃದ್ಧಿ ಯೋಜನೆಯ ಒಳಹೊರಗು ಹೀಗಿದೆ

. ಕೇಂದ್ರ ಸರ್ಕಾರವು ಸಣ್ಣ ಬಂದರುಗಳ ಅಭಿವೃದ್ಧಿಗಾಗಿರೂಪಿಸಿದ‘ಸಾಗರಮಾಲಾ’ ಯೋಜನೆಗೆ ಕಾರವಾರದ ವಾಣಿಜ್ಯ ಬಂದರೂ ಆಯ್ಕೆಯಾಗಿದೆ. ಆದರೆ, ಯೋಜನೆಯ ಅಡಿಯಲ್ಲಿನ ಕಾಮಗಾರಿಯು ಈಗ ಇಲ್ಲಿ ವಿವಾದದ ಕೇಂದ್ರಬಿಂದುವಾಗಿದೆ.ಕೇಂದ್ರ ಮತ್ತು ರಾಜ್ಯ ಸರ್ಕಾರ ಈ ಯೋಜನೆ ಜಾರಿಗೆ ಟೊಂಕಕಟ್ಟಿ ನಿಂತಿವೆ. ಆದರೆ, ಮೀನುಗಾರರು, ಸ್ಥಳೀಯರು ತೀವ್ರವಾಗಿ ವಿರೋಧಿಸುತ್ತಿದ್ದಾರೆ.

. ಅಲೆ ತಡೆಗೋಡೆ ಹಾಗೂ ಜಟ್ಟಿ ವಿಸ್ತರಣೆ ಕಾಮಗಾರಿಗಳು ಯೋಜನೆಯ ಭಾಗವಾಗಿ ನಡೆಯಲಿವೆ. ಯೋಜನೆಗೆ 2017ರ ಡಿ.6ರಂದು ಅಂದಿನ ಮುಖ್ಯಮಂತ್ರಿ ಸಿದ್ದರಾಮಯ್ಯ ಶಂಕುಸ್ಥಾಪನೆ ನೆರವೇರಿಸಿದ್ದರು.

. ಏನೇನು ಕಾಮಗಾರಿ :‘ಬಂದರಿನ ವಿಸ್ತರಣೆಗೆ ಈಗಾಗಲೇ ₹ 276 ಕೋಟಿ ಮಂಜೂರಾಗಿದೆ. ಇದರಲ್ಲಿ ಬಂದರಿನ ಉತ್ತರಕ್ಕೆ (ರವೀಂದ್ರನಾಥ ಟ್ಯಾಗೋರ್ ಕಡಲತೀರದ ಸಮೀಪ) 1,160 ಮೀಟರ್ ಉದ್ದದ ಅಲೆ ತಡೆಗೋಡೆ ನಿರ್ಮಾಣವಾಗಲಿದೆ. ಅಂತೆಯೇ,ದಕ್ಷಿಣದ ಅಲೆ ತಡೆಗೋಡೆಯನ್ನು145 ಮೀಟರ್ ವಿಸ್ತರಿಸಲಾಗುತ್ತದೆ. ಈ ಕಾಮಗಾರಿಗಳಿಗೆ ₹ 215 ಕೋಟಿ ನಿಗದಿ ಮಾಡಲಾಗಿದೆ’ ಎಂದು ಬಂದರು ಇಲಾಖೆಯ ಕಾರ್ಯನಿರ್ವಾಹಕಎಂಜಿನಿಯರ್ ಟಿ.ಎಸ್.ರಾಠೋಡ್ ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.

. ‘ಯೋಜನೆಯ ಭಾಗವಾಗಿ ಮೊದಲು₹ 125 ಕೋಟಿಯಲ್ಲಿ 880 ಮೀಟರ್ ಅಲೆ ತಡೆಗೋಡೆ ನಿರ್ಮಾಣದ ಕೆಲಸ ಶುರು ಮಾಡಲಾಗಿದೆ. ಅದರ ಮುಂದುವರಿದ ಕಾಮಗಾರಿ ನಂತರ ನಡೆಯಲಿದೆ’ ಎಂದು ಮಾಹಿತಿ ನೀಡಿದರು.

. ಅಲೆ ತಡೆಗೋಡೆ ನಿರ್ಮಾಣದ ಗುತ್ತಿಗೆಯನ್ನು ಮುಂಬೈನಡಿ.ವಿ.ಪಿ ಇನ್ಫ್ರಾ ಪ್ರೊಜೆಕ್ಟ್ಸ್ ಸಂಸ್ಥೆಯು ₹ 109.65 ಕೋಟಿಗೆ ಪಡೆದುಕೊಂಡಿದೆ. ಇದಕ್ಕೆ 2019ರ ಮಾರ್ಚ್ 8ರಂದು ಕಾರ್ಯಾದೇಶ ನೀಡಲಾಗಿದೆ. ಜೆಟ್ಟಿ ವಿಸ್ತರಣೆ ಕಾಮಗಾರಿಗೆ ಅಂದಾಜು ₹ 61 ಕೋಟಿ ವೆಚ್ಚವಾಗಲಿದ್ದು,ಗುತ್ತಿಗೆಯನ್ನುಚೆನ್ನೈನ ಎಂ.ಜೆ.ಕನ್ಸ್ಟ್ರಕ್ಷನ್ಸ್ ಪಡೆದುಕೊಂಡಿದೆ. ಇದಕ್ಕೆ ಸಂಬಂಧಿಸಿ ಕಾರ್ಯಾದೇಶ ಬರಬೇಕಿದೆ. ಈ ಎರಡೂ ಕಾಮಗಾರಿಗಳನ್ನು ಪೂರ್ಣಗೊಳಿಸಲು ಬಂದರು ಇಲಾಖೆಯು ಮೂರು ವರ್ಷಗಳಗಡುವು ವಿಧಿಸಿದೆ.

. ****

. * ಬರ್ತ್ 1: ಕಾರವಾರದ ವಾಣಿಜ್ಯ ಬಂದರಿನಲ್ಲಿ ಸದ್ಯ ಕಾರ್ಯ ನಿರ್ವಹಣೆಯಲ್ಲಿದೆ.ಇಲ್ಲಿ ಏಕಕಾಲಕ್ಕೆ ಮೂರು ಚಿಕ್ಕ ಹಡುಗುಗಳು ನಿಲ್ಲಬಹುದು

. * ಬರ್ತ್ 2: ನಿರ್ಮಾಣದ ಕಾಮಗಾರಿ ಈಗ ಶುರುವಾಗಿದೆ. ಭವಿಷ್ಯದಲ್ಲಿ ಇಂತಹ ಐದು ಬರ್ತ್ಗಳನ್ನು ನಿರ್ಮಿಸುವ ಉದ್ದೇಶವಿದೆ

. * ತಡೆಗೋಡೆ: 1,160 ಮೀಟರ್ ಉದ್ದ ಅಲೆ ತಡೆಗೋಡೆ ನಿರ್ಮಾಣ;ಈಗಾಗಲೇ ಇರುವ ತಡೆಗೋಡೆ 145 ಮೀಟರ್ ವಿಸ್ತರಣೆ

. * ದಾಸ್ತಾನು ಘಟಕ: ಕಬ್ಬಿಣದ ಅದಿರು, ಕಲ್ಲಿದ್ದಲು, ಸಕ್ಕರೆ, ಸಿಮೆಂಟ್ ಮೊದಲಾದ ಸರಕು ಸಂಗ್ರಹಕ್ಕೆ ಬರ್ತ್ ಹಿಂಭಾಗದಲ್ಲಿ ದಾಸ್ತಾನು ಘಟಕ ನಿರ್ಮಾಣ

. * ದಟ್ಟಣೆ ನಿರ್ವಹಣೆ : ಸುರಕ್ಷಿತ ಪಥದರ್ಶಕ ಮತ್ತು ಪರಿಣಾಮಕಾರಿ ಸಂಚಾರ ನಿರ್ವಹಣೆಗೆವೆಸೆಲ್ಸ್ ಟ್ರಾಫಿಕ್ ಮ್ಯಾನೇಜ್ಮೆಂಟ್ ಸಿಸ್ಟಮ್ (ವಿಟಿಎಂಎಸ್) ಅಳವಡಿಕೆ

. * ಬೃಹತ್ ಹಡಗು : ರಾಷ್ಟ್ರೀಯ, ಅಂತರರಾಷ್ಟ್ರೀಯ ಮತ್ತು ಪರ್ಮನೆಂಟ್ ಅಸೋಸಿಯೇಷನ್ ನ್ಯಾವಿಗೇಷನ್ ಕಾಂಗ್ರೆಸ್ (ಪಿಐಎಎನ್ಸಿ) ಮಾನದಂಡ ಆಧರಿಸಿ ವಿನ್ಯಾಸ ಮಾಡಿರುವ ಹಡಗುಗಳು ಬಂದರಿನಲ್ಲಿ ಲಂಗರು ಹಾಕಲು ವ್ಯವಸ್ಥೆ

. * ಆಮದು–ರಫ್ತು :ಕಬ್ಬಿಣದ ಅದಿರು, ಮ್ಯಾಂಗನೀಸ್ ಅದಿರು, ಬಾಕ್ಸೈಟ್, ಸಕ್ಕರೆ, ಅಲ್ಯುಮೀನಿಯಂ, ಆಹಾರ ಧಾನ್ಯ, ಗ್ರಾನೈಟ್, ಕಲ್ಲಿದ್ದಲು, ಸಿಮೆಂಟ್, ರಸಗೊಬ್ಬರ, ಬಿಟುಮಿನ್ ಮೊದಲಾದ ಸರಕು ಇಲ್ಲಿ ಆಮದು–ರಫ್ತು ಆಗುತ್ತಿದ್ದು, ಇವುಗಳ ಪ್ರಮಾಣ ಭಾರಿ ಪ್ರಮಾಣದಲ್ಲಿ ಹೆಚ್ಚಲಿದೆ

. ******

. ರೈಲ್ವೆ ಸಂಪರ್ಕ ಅಭಿವೃದ್ಧಿ

. ರಫ್ತಾಗುವ ಕಬ್ಬಿಣದ ಅದಿರು ಮತ್ತು ಅಮದಾಗುವ ಕಲ್ಲಿದ್ದಲು ಸೇರಿದಂತೆ ಇನ್ನುಮುಂದೆ ಬೃಹತ್ ಪ್ರಮಾಣದ ಸರಕು ಇಲ್ಲಿಂದ ನಿರ್ವಹಣೆ ಆಗಲಿದೆ. ಇದಕ್ಕಾಗಿ ಕೊಂಕಣ ರೈಲ್ವೆ ಸಜ್ಜಾಗಿದೆ. ಎರಡು ಲೇನ್ಗಳ ಮಾರ್ಗವನ್ನು ಬಂದರಿಗಾಗಿ ಮೀಸಲಿಡುವ ಯೋಜನೆ ಇದೆ

. ಹೆದ್ದಾರಿ ಅಭಿವೃದ್ಧಿ

. ಬಂದರು ವಿಸ್ತರಣೆಯಿಂದ ಹೆಚ್ಚುವರಿ ಸರಕು ಸಾಗಿಸಲು ಹೆದ್ದಾರಿ ಇಲಾಖೆ ಯೋಜನೆ ಹಾಕಿಕೊಂಡಿದೆ. ರಾಷ್ಟ್ರೀಯ ಹೆದ್ದಾರಿ 66ನ್ನು ಮರುಹೊಂದಾಣಿಕೆ ಮಾಡಿ, ಸಂಚಾರ ದಟ್ಟಣೆ ನಿವಾರಣೆಗೆ ಮಾರ್ಗದಲ್ಲಿ ಒಂದಿಷ್ಟು ಬದಲಾವಣೆ ಮಾಡಲಾಗುವುದು.

. ಪ್ರಯೋಜನವೇನು?

. ಕಾರವಾರದ ವಾಣಿಜ್ಯ ಬಂದರುಎರಡು ಬೆಟ್ಟಗಳ ನಡುವೆ ನೈಸರ್ಗಿಕವಾಗಿ ನಿರ್ಮಾಣವಾದಕಾಲುವೆಯ ಬದಿಯಲ್ಲಿದೆ. ಇಲ್ಲಿ ಈಗ ಬೃಹತ್ ಗಾತ್ರದ ಹಡಗುಗಳು ಬರಲು ಸ್ಥಳದ ಕೊರತೆಯಿದೆ. ಅಲ್ಲದೇ ಇಲ್ಲಿ ಆಳವೂ ಕಡಿಮೆ. ಕಳೆದ ಎರಡು ವರ್ಷಗಳಲ್ಲಿ₹ 33 ಕೋಟಿ ವೆಚ್ಚ ಮಾಡಿಬಂದರಿನ ಸುತ್ತಮುತ್ತ ಸಮುದ್ರದಿಂದ ಹೂಳು ತೆಗೆಯಲಾಗಿದೆ. ಹಾಗಾಗಿ ಸರಾಸರಿ 8.5 ಮೀಟರ್ ಆಳವಿದೆ. ಯೋಜನೆ ಪೂರ್ಣಗೊಂಡಾಗ ಈ ಪ್ರದೇಶದ ಆಳ 14 ಮೀಟರ್ ಆಗಲಿದೆ.

. ಈಗ ಮಂಜೂರಾಗಿರುವ ಕಾಮಗಾರಿ ಪೂರ್ಣಗೊಂಡ ಬಳಿಕ200ಮೀಟರ್ನಒಂದು ಬೃಹತ್ ಹಡಗನ್ನು ಲಂಗರು ಹಾಕಬಹುದಾಗಿದೆ. 130 ಮೀಟರ್ನ ಎರಡು ಹಡಗುಗಳನ್ನು ಏಕಕಾಲದಲ್ಲಿನಿಲ್ಲಿಸಬಹುದು ಎನ್ನುತ್ತಾರೆಬಂದರು ಇಲಾಖೆಯ ಕಾರ್ಯನಿರ್ವಾಹಕ ಎಂಜಿನಿಯರ್ ಟಿ.ಎಸ್.ರಾಠೋಡ್.

. ಸರ್ಕಾರದ ವಾದವೇನು?

. * ಒಟ್ಟು 510 ಮೀಟರ್ ಉದ್ದದ ಜೆಟ್ಟಿ ನಿರ್ಮಾಣದಿಂದ ಮೂರು ಹಡಗು ಏಕಕಾಲದಲ್ಲಿ ಲಂಗರು ಹಾಕಬಹುದು

. * 14 ಮೀಟರ್ ಹೂಳೆತ್ತಲು ಅವಕಾಶ ನೀಡಲಾಗಿದ್ದು, ಬೃಹತ್ ಹಡಗುಗಳ ಸಂಚಾರಕ್ಕೆ ಅನುಕೂಲವಾಗಲಿದೆ

. * ಕಾರವಾರ ಸುತ್ತಮುತ್ತ ಪ್ರತ್ಯಕ್ಷ ಹಾಗೂ ಪರೋಕ್ಷವಾಗಿ ವಿವಿಧ ಉದ್ಯೋಗಾವಕಾಶಗಳು ಹೆಚ್ಚಲಿವೆ

. * ಮೀನುಗಾರಿಕಾ ದೋಣಿಗಳಿಗೂ ರಕ್ಷಣೆ ಸಿಕ್ಕಿ, ಮತ್ಸ್ಯೋದ್ಯಮಕ್ಕೆ ಮತ್ತಷ್ಟು ಸಹಕಾರಿಯಾಗಲಿದೆ

. ––––––––

. ಮೀನುಗಾರರ ಆತಂಕವೇನು?

. * ಮೀನುಗಾರರ ಪ್ರಮುಖ ತಾಣವಾದ ಅಲಿಗದ್ದಾವನ್ನು ಮುಚ್ಚಿದಾಗ ಮೀನುಗಾರಿಕೆಗೆ ಬಹಳ ತೊಂದರೆಆಗಬಹುದು

. * ಭವಿಷ್ಯದಲ್ಲಿ ಬೈತಖೋಲ್ನಮೀನುಗಾರಿಕಾ ಬಂದರಿಗೆ ಮೀನುಗಾರರ ದೋಣಿಗಳು ಹೋಗಲುಸ್ಥಳ ದೊರೆಯದೇ ಇರಬಹುದು

. * ಬಂದರು ನಗರಕ್ಕೆ ಹೊಂದಿಕೊಂಡಿದ್ದು,ಅದಿರು ಸಾಗಣೆಯಂತಹ ಚಟುವಟಿಕೆಗಳುಆರೋಗ್ಯ ಸಮಸ್ಯೆ ತರಬಹುದು

. * ಬೃಹತ್ ಅಲೆ ತಡೆಗೋಡೆ ನಿರ್ಮಾಣದಿಂದ ಕಡಲತೀರದ ಮತ್ತೊಂದು ಭಾಗದಲ್ಲಿ ಕೊರೆತ ಆಗಲಿದೆ

. * ಬಂದರು ವಿಸ್ತರಣೆಯಿಂದ ಕಡಲತೀರದ ಮೇಲೆ ಒತ್ತಡ ಹೆಚ್ಚಲಿದ್ದು, ವಾಯುವಿಹಾರಕ್ಕೆ ಅವಕಾಶವಿರದು

. * ಕೋಣೆನಾಲಾ (ಮುಖ್ಯ ಚರಂಡಿ) ಸಮುದ್ರ ಸೇರುವ ಸ್ಥಳವನ್ನು ಮುಚ್ಚುವುದರಿಂದ ನಗರದಲ್ಲಿ ಆರೋಗ್ಯ ಸಮಸ್ಯೆ ಆಗಬಹುದು

. * ಬಂದರಿಗೆ ನಗರದ ಮೂಲಕವೇ ರೈಲು ಮಾರ್ಗ ನಿರ್ಮಾಣವಾಗಲಿದ್ದು, ಮತ್ತಷ್ಟು ಜನರು ನೆಲೆ ಕಳೆದುಕೊಳ್ಳಬಹುದು

. *****

. ದಾಸ್ತಾನು ಘಟಕ : ಸರಕು ಸಂಗ್ರಹಕ್ಕೆ ಬರ್ತ್ ಹಿಂಭಾಗದಲ್ಲಿ ಗೋದಾಮು, ಸಾರಿಗೆ ಶೆಡ್, ಶೀತಲೀಕರಣ ಘಟಕ, ಕಂಟೇನರ್ ಸೌಲಭ್ಯ, ಸಿಬ್ಬಂದಿ ವಸತಿಗೃಹ ಅಭಿವೃದ್ಧಿ ಪ್ರಸ್ತಾವ

. ಆಮದು–ರಫ್ತು : ಕಬ್ಬಿಣದ ಅದಿರು, ಮ್ಯಾಂಗನೀಸ್ ಅದಿರು, ಬಾಕ್ಸೈಟ್, ಸಕ್ಕರೆ, ಅಲ್ಯುಮೀನಿಯಂ, ಆಹಾರ ಧಾನ್ಯ, ಗ್ರಾನೈಟ್, ಕಲ್ಲಿದ್ದಲು, ಸಿಮೆಂಟ್, ರಸಗೊಬ್ಬರ, ಬಿಟುಮಿನ್ ಮೊದಲಾದ ಸರಕು ಇಲ್ಲಿ ಆಮದು–ರಫ್ತು ಆಗುತ್ತಿದ್ದು, ಇವುಗಳುಭಾರಿ ಪ್ರಮಾಣದಲ್ಲಿ ಹೆಚ್ಚಲಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

Explainer | ಕಾರವಾರದಲ್ಲಿ ‘ಸಾಗರಮಾಲಾ’ ಬೇಗುದಿ: ಇಲ್ಲಿದೆ ಸಮಗ್ರ ಮಾಹಿತಿ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

ಪ್ರತಿಭಾವಂತ ಟೆನಿಸ್ ಆಟಗಾರ್ತಿ ರಾಧಿಕಾ ಯಾದವ್ ಕೊಲೆಗೆ ಆ ವಿಡಿಯೊ ಕಾರಣವಾಯಿತೇ?

ಒಂದೇ ಓವರ್‌ನಲ್ಲಿ 2 ವಿಕೆಟ್; ಪ್ಯಾಟ್ ಕಮಿನ್ಸ್‌ ಸಲಹೆ ಸ್ಮರಿಸಿದ ನಿತೀಶ್

Lords Test | ರಿಷಭ್ ಪಂತ್‌ಗೆ ಗಾಯ; ವೈದ್ಯಕೀಯ ನಿಗಾ ವಹಿಸುತ್ತಿರುವ ಬಿಸಿಸಿಐ

ಬಾಝ್‌ಬಾಲ್ ಎಲ್ಲಿ? ಬೋರಿಂಗ್ ಟೆಸ್ಟ್; ಆಂಗ್ಲರನ್ನು ಕೆಣಕಿದ ಗಿಲ್, ಸಿರಾಜ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ