ಹುಲಿಯೂರುದುರ್ಗ (ಕುಣಿಗಲ್): ಹೋಬಳಿಯ ಅರಮನೆ ಹೊನ್ನಮಾಚನಹಳ್ಳಿಯಲ್ಲಿ ಗುರುವಾರ ತಡರಾತ್ರಿ ಕುರಿ ಮತ್ತು ಮೇಕೆಗಳನ್ನು ಕಳವು ಮಾಡಲಾಗಿದೆ.
ಗ್ರಾಮದ ಎಚ್.ಪಿ. ಚಂದ್ರಯ್ಯ ನಾಲ್ಕು ಕುರಿ ಹಾಗೂ ಒಂದು ಮೇಕೆಯನ್ನು ಶುಕ್ರವಾರ ಮಾಗಡಿಯ ಸಂತೆಯಿಂದ ₹ 45 ಸಾವಿರಕ್ಕೆ ಖರೀದಿಸಿ ತಂದಿದ್ದರು.
ಇನ್ನೊಂದು ಕೊಟ್ಟಿಗೆಯಲ್ಲಿ ಜವರಪ್ಪ ಅವರಿಗೆ ಸೇರಿದ ಎರಡು ಹೋತ ಹಾಗೂ ಒಂದು ಮೇಕೆಯನ್ನು ಕಳ್ಳತನ ಮಾಡಲಾಗಿದೆ. ಎರಡು ಆಡು ಮರಿಗಳನ್ನು ಕಳ್ಳರು ಬಿಟ್ಟು ಹೋಗಿದ್ದಾರೆ. ಕಳ್ಳತನಕ್ಕೂ ಮುನ್ ಸುತ್ತಲಿನ ಮನೆಗಳ ಚಿಲಕ ಬಂದ್ ಮಾಡಿ ಕೃತ್ಯ ಎಸಗಿದ್ದಾರೆ.