ಮೋದಿ ಕೆಣಕಿದ ರಮ್ಯಾಗೆ ಟ್ವೀಟಿಗರ ಕುಟುಕು

ಬೆಂಗಳೂರು: ‘ಭಯೋತ್ಪಾದನೆ ರೋಗದ ಬೇರುಗಳು ನೆರೆಯ ರಾಷ್ಟ್ರದಲ್ಲಿದ್ದು, ಅದಕ್ಕೆ ಚಿಕಿತ್ಸೆ ನೀಡುತ್ತೇವೆ. ಉಗ್ರರ ಮನೆಯೊಳಗೆ ನುಗ್ಗಿ ಹೊಡೆಯುತ್ತೇವೆ’ ಎಂದು ಎಚ್ಚರಿಕೆ ನೀಡಿರುವ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಕಾಂಗ್ರೆಸ್‌ನ ಸಾಮಾಜಿಕ ಮಾಧ್ಯಮ ಮತ್ತು ಡಿಜಿಟಲ್‌ ಸಂವಹನ ವಿಭಾಗದ ಮುಖ್ಯಸ್ಥೆ ರಮ್ಯಾ ಕೆಣಕಿದ್ದಾರೆ. ಇದಕ್ಕೆ ಟ್ವೀಟಿಗರು ರಮ್ಯಾ ಅವರನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. 

‘ಭಯೋತ್ಪಾದನೆಯ ಮುಂದೆ ಬಾಗುವುದಿಲ್ಲ ಎಂದು 2014ರ ಚುನಾವಣೆಗೂ ಮುನ್ನಾ ನೀವು (ಮೋದಿ) ಹೇಳಿದ್ದಿರಿ. ಆದರೆ, ಚುನಾವಣೆ ಬಳಿಕ ಪಾಕಿಸ್ತಾನಕ್ಕೆ ಹೋಗಿ ನವಾಜ್‌ ಷರೀಫ್‌ ಅವರನ್ನು ಅಪ್ಪಿಕೊಂಡು, ಬಿರಿಯಾನಿ ತಿಂದು ಹಿಂದಿರುಗಿದಿರಿ. ಈಗ ನಾವು ಏಕೆ ನಿಮ್ಮನ್ನು ನಂಬಬೇಕು? ನೋಟು ರದ್ದತಿಯಿಂದ ಭಯೋತ್ಪಾದನೆ ನಿಲ್ಲುತ್ತದೆ ಎಂದು ಹೇಳಿದ್ದಿರಿ. ಅದೂ ಆಗಲಿಲ್ಲ. ಈಗ ದಾಳಿ ನಡೆಸಿ ಕೊಂದಿದ್ದೀರಿ ಎಂದರೆ ನಂಬುವುದು ಹೇಗೆ?’ ಎಂದು ರಮ್ಯಾ ಟ್ವೀಟ್ ಮಾಡಿದ್ದರು. 

2014 you said the same thing & post your election you went to Pak hugged Nawaz Sharief had biryani & came back. Why should we believe you this time around? You also said Demonetisation was going to stop terrorism, it didn’t- also the strike killed them all I thought, no? 🤔🤥 https://t.co/B6P5mMFxvC

— Divya Spandana/Ramya (@divyaspandana) March 4, 2019

‘ನರೇಂದ್ರ ಮೋದಿ ಅವರು ಪಾಕಿಸ್ತಾನಕ್ಕೆ ಅನಿರೀಕ್ಷಿತ ಭೇಟಿ ನೀಡಿ ಸರ್ಜಿಕಲ್ ಸ್ಟ್ರೈಕ್ ಮಾಡಿದ್ದು ಗೊತ್ತು. ಇಡೀ ಜಗತ್ತೇ ಪಾಕಿಸ್ತಾನವೆಂದರೆ ನರಕ ಇದ್ದಂತೆ ಎನ್ನುತ್ತಿರುವಾಗ, ರಮ್ಯಾ ಮೇಡಂ ಅವರೇ ನೀವು ಪಾಕಿಸ್ತಾನದಲ್ಲಿ ಅದ್ಯಾವ ಸ್ವರ್ಗ ಕಂಡಿದ್ದೀರೋ ಗೊತ್ತಿಲ್ಲ’ ಎಂದು ಅಶೋಕ್ ರಾಥೋಡ್ ಎಂಬುವರು ಟ್ವಿಟರ್‌ನಲ್ಲಿ ಕುಟುಕಿದ್ದಾರೆ. 

@narendramodi ಯವರು, ಪಾಕಿಸ್ತಾನಕ್ಕೆ ಅನಿರೀಕ್ಷಿತ ಭೇಟಿ ನೀಡಿ ಸರ್ಜಿಕಲ್ ಸ್ಟ್ರೇಕ್ ಮಾಡಿದ್ದು ಗೊತ್ತು, ಇಡೀ ಜಗತ್ತೇ ಪಾಕಿಸ್ತಾನವೆಂದರೆ ನರಕ ಇದ್ದಂತೆ ಎನ್ನುತ್ತಿರುವಾಗ, @divyaspandana ಮೇಡಂ ಅವರೇ ನೀವು ಪಾಕಿಸ್ತಾನದಲ್ಲಿ ಅದ್ಯಾವ ಸ್ವರ್ಗ ಕಂಡಿದ್ದೀರೋ ಗೊತ್ತಿಲ್ಲ. @blsanthosh @BYVijayendra @PrashantMakanur @mepratap pic.twitter.com/ox260f136J

— ASHOK RATHOD NEBAGER (@ASHOKRATHOD55) March 5, 2019

‘ಮೇಡಂ ನೀವು ಒಬ್ಬರಿಗೆ ಒಂದು ಬೆರಳು ತೋರಿಸ್ತಾಯಿದ್ದೀರಿ, ನಿಮ್ಮ ಮಿಕ್ಕ ಬೆರಳುಗಳು ನಿಮ್ಮ ಕಡೆಗೇ ಇವೆ.  ದೇಶದ ಆರ್ಮಿ ವಿಷಯದಲ್ಲೂ ಪಾಲಿಟಿಕ್ಸ್ ಮಾಡ್ತೀರಲ್ಲಾ’ ಎಂದು ಅಶ್ವಿನಿ ಎನ್‌.ಕೆ. ಮಡಿವಾಳ ಎಂಬುವರು ಪ್ರಶ್ನಿಸಿದ್ದಾರೆ. 

ಮೇಡಂ ನೀವು ಒಬ್ಬರಿಗೆ ಒಂದು ಬೆರಳು ತೋರಿಸ್ತಾಯಿದಿರಿ ನಿಮ್ಮ ಮಿಕ್ಕ ಬೆರಳುಗಳು ನಿಮ್ಮ ಕಡಿಗೆ ಇದೆ ದೇಶದ ಆರ್ಮಿ ವಿಷಯದಲ್ಲೂ ಪೊಲಿಟಿಕ್ಸ್ ಮಾಡ್ತಿರಲ

— Ashwini NK Madival (@nkmadival) March 5, 2019