ಸೋಮವಾರ, ಜೂನ್ 14, 2021
26 °C

ವಿಜಯಪುರದಲ್ಲಿ ‘ಭೀಮಾ ಕೋರೆಗಾಂವ್ ವಿಜಯ ಸ್ತಂಭ’ ಲೋಕಾರ್ಪಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಸಿಂದಗಿ (ವಿಜಯಪುರ ಜಿಲ್ಲೆ): ಭೀಮಾ ಕೋರೆಗಾಂವ್ ಕದನದ ವಿಜಯೋತ್ಸವದ 201ನೇ ವರ್ಷಾಚರಣೆ ಅಂಗವಾಗಿ, ಪಟ್ಟಣದ ಡಾ.ಬಾಬಾಸಾಹೇಬ ಅಂಬೇಡ್ಕರ್ ಪ್ರತಿಮೆ ಬಳಿ ಸ್ಥಾಪಿಸಿರುವ ವಿಜಯಸ್ತಂಭ ಮಂಗಳವಾರ ಲೋಕಾರ್ಪಣೆಗೊಂಡಿತು.

ದಲಿತ ಸಂಘಟನೆಗಳ ಪ್ರಮುಖರು ಸ್ವಂತ ಹಣದಿಂದ ನಿರ್ಮಿಸಿದ ಈ ಸ್ತಂಭ 46 ಅಡಿ ಎತ್ತರವಿದ್ದು, ಭೀಮಾ ಕೋರೆಗಾಂವ್‌ನಲ್ಲಿ ಇರುವ ಸ್ಮಾರಕದ ಮಾದರಿಯಲ್ಲೇ ಇದೆ.

ಇಲ್ಲಿಯ ಅಂಬೇಡ್ಕರ್ ಭವನದಿಂದ ಸಂಘಪಾಲ ಬಂತೇಜಿ ನೇತೃತ್ವದಲ್ಲಿ ಪಟ್ಟಣದಲ್ಲಿ ಪಥ ಸಂಚಲನ ನಡೆಸಿದ ನೂರಾರು ಮಹಿಳೆಯರು ಹಾಗೂ ಯುವಕರು, ವಿಜಯಸ್ತಂಭ ಸ್ಥಳಕ್ಕೆ ಬಂದು ಗೌರವ ಸಲ್ಲಿಸಿದರು. ಬೌದ್ಧ ಉಪಾಸಕರು ಬುದ್ಧ ಪ್ರಾರ್ಥನೆ ಸಲ್ಲಿಸಿದರು. ಜೈಭೀಮ್‌ ಹಾಗೂ ಕೋರೆಗಾಂವ್ ಯುದ್ಧದ ಪ್ರಮುಖ ಸಿದ್ಧನಾಕ ಹೆಸರಿನಲ್ಲಿ ಜನಸ್ತೋಮ ಕೂಗಿದ ಘೋಷಣೆ ಮುಗಿಲು ಮುಟ್ಟಿತ್ತು. ಇದೇ ವೇಳೆ, ಭೀಮಗೀತೆ ಹಾಗೂ ಕ್ರಾಂತಿಗೀತೆಗಳನ್ನು ಹಾಡಲಾಯಿತು.

ಹೂವಿನಿಂದ ಸಿಂಗಾರಗೊಂಡಿದ್ದ ವಿಜಯಸ್ತಂಭದ ಎದುರು ದಲಿತ ಯುವಕರು, ಮಹಿಳೆಯರು ಫೋಟೊ ತೆಗೆಸಿಕೊಂಡಿದ್ದು ಗಮನಸೆಳೆಯಿತು.

    ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

    ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

    ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

    ಈ ವಿಭಾಗದಿಂದ ಇನ್ನಷ್ಟು