ಮನೆ ಬಾಗಿಲಿಗೆ ‘ಒನ್ಪ್ಲಸ್’ ಸರ್ವೀಸ್‌
ಅಕ್ಷರ ಗಾತ್ರ :ಆ |ಆ |ಆ
ಒನ್ಪ್ಲಸ್ ಮೊಬೈಲ್‌ ಫೋನ್‌ ಕಂಪನಿ ಇದೇ ಮೊದಲ ಬಾರಿಗೆ ಗ್ರಾಹಕರ ಮನೆ ಬಾಗಿಲಿಗೆ ತೆರಳಿ ರಿಪೇರಿ ಮಾಡುವ ಹೊಸ ಸೇವೆ ಆರಂಭಿಸಿದೆ. ಹಾರ್ಡ್‌ವೇರ್‌ ಜತೆಗೆ ಸಾಫ್ಟ್‌ವೇರ್‌ ರಿಪೇರಿಯನ್ನೂಈ ಸೇವೆ ಒಳಗೊಂಡಿದೆ.
ಉತ್ಪನ್ನಗಳ ಮಾರಾಟದ ನಂತರ ತನ್ನ ಗ್ರಾಹಕರಿಗೆ ಉತ್ತಮ ಮತ್ತು ವಿಶಿಷ್ಟ ಸೇವಾ ಅನುಭವ ನೀಡುವುದು ಈ ಯೋಜನೆಯ ಮೂಲ ಉದ್ದೇಶ. ಜತೆಗೆ ಪ್ರಾಡಕ್ಟ್ ಆಫರ್‌ ಜತೆಗೆ ಬ್ರ್ಯಾಂಡ್‍ ಜನಪ್ರಿಯತೆಯನ್ನು ಸಕ್ರಿಯವಾಗಿಟ್ಟುಕೊಳ್ಳುವುದು ಈ ವಿನೂತನ ಪ್ರಯತ್ನದ ಆಶಯವಾಗಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಬೆಂಗಳೂರು, ಮುಂಬೈ, ದೆಹಲಿ, ಹೈದ್ರಾಬಾದ್, ಚೆನ್ನೈ ಮತ್ತು ಪುಣೆಯಲ್ಲಿ ಆರು ತಿಂಗಳಿಂದ ಈ ಸೇವೆಯನ್ನು ಪ್ರಾಯೋಗಿಕವಾಗಿ ಜಾ‌ರಿಗೆ ತಂದಿದೆ. ಸದ್ಯದಲ್ಲೇ 1 ಮತ್ತು 2 ನೇ ದರ್ಜೆಯ ನಗರಗಳಿಗೂ ಇದನ್ನು ವಿಸ್ತರಿಸುವ ಯೋಚನೆಯಿದೆ.
ಗೂಗಲ್‌ ಪ್ಲೇಸ್ಟೋರ್‌ನಲ್ಲಿ ಲಭ್ಯವಿರುವ ‘ಒನ್ಪ್ಲಸ್ ಕೇರ್ ಆ್ಯಪ್‘ ಅನ್ನು ಗ್ರಾಹಕರು ಡೌನ್‍ಲೋಡ್ ಮಾಡಿಕೊಂಡು ಈ ಸೇವೆ ಪಡೆಯಬಹುದು. ಅಲ್ಲಿ ರಿಪೇರಿ ಮಾಡಲು ಎಂಜಿನಿಯರ್ ಭೇಟಿ ನೀಡಬೇಕಾದ ಸಮಯ ನಮೂದು ಮಾಡಬಹುದು. ಇದಲ್ಲದೇ, ಒನ್ಪ್ಲಸ್ ತನ್ನ ಗ್ರಾಹಕರಿಗೆ ಉಚಿತ ಪಿಕ್-ಅಪ್ ಮತ್ತು ಡ್ರಾಪ್-ಆಫ್ ಸೇವೆಯನ್ನೂ ಸಹ ನೀಡುತ್ತಿದೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
