<p><strong>ಬೀಜಿಂಗ್:</strong> ಚಂದ್ರನ ಮೇಲಿನ ಶಿಲೆ ಹಾಗೂ ಮಣ್ಣು ಸೇರಿದಂತೆ ಇತರ ಮಾದರಿಗಳನ್ನು ಭೂಮಿಗೆ ತರುವ ಸಲುವಾಗಿ ಚೀನಾ ಉಡಾವಣೆ ಮಾಡಿರುವ ಗಗನನೌಕೆ ‘ಚಾಂಗಿ–5’ ಈ ಕಾರ್ಯದಲ್ಲಿ ಯಶಸ್ವಿಯಾಗಿದೆ.</p>.<p>ಅಲ್ಲಿನ ಶಿಲೆ, ಮಣ್ಣು ಸಂಗ್ರಹಿಸಿ, ಆರ್ಬಿಟರ್ಗೆ ರವಾನಿಸಿದ್ದು, ಈ ಮಾದರಿಗಳನ್ನು ಹೊತ್ತ ಗಗನನೌಕೆ ಭೂಮಿಯತ್ತ ಮುಖಮಾಡಿದೆ.</p>.<p>ಬಾಹ್ಯಾಕಾಶ ಅನ್ವೇಷಣೆ ಆರಂಭಿಸಿ 45 ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ಚೀನಾ, ಚಂದ್ರನ ಮೇಲ್ಮೈಯಲ್ಲಿನ ಶಿಲೆಗಳನ್ನು ಭೂಮಿಗೆ ತರಲು ಈ ಮಹತ್ವಾಕಾಂಕ್ಷೆ ಕಾರ್ಯಕ್ರಮ ಕೈಗೊಂಡಿದೆ.</p>.<p>ನವೆಂಬರ್ 24ರಂದು ಈ ಗಗನನೌಕೆಯನ್ನು ಉಡ್ಡಯನ ಮಾಡಲಾಗಿತ್ತು. ಚಂದ್ರನ ಉತ್ತರಕ್ಕಿರುವ ‘ಓಷನ್ ಆಫ್ ಸ್ಟಾರ್ಮ್’ ಎಂದು ಕರೆಯಲಾಗುವ ಪ್ರದೇಶದ ಬಳಿ ಈ ವ್ಯೋಮನೌಕೆ ಡಿಸೆಂಬರ್ 1ರಂದು ಇಳಿಯಿತು. ಗಗನನೌಕೆಯ ಭಾಗವಾದ ‘ಅಸೆಂಡರ್’ ಅಲ್ಲಿನ ಮೇಲ್ಮೈಯಲ್ಲಿನ ಶಿಲೆಗಳನ್ನು ಸಂಗ್ರಹಿಸಿತು ಎಂದು ಚೀನಾ ನ್ಯಾಷನಲ್ ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (ಸಿಎನ್ಎಸ್ಎ) ಹೇಳಿದೆ.</p>.<p>ಈ ಶಿಲೆಗಳನ್ನು ಭೂಮಿಗೆ ತರುವ ಕಾರ್ಯವನ್ನು ‘ಆರ್ಬಿಟರ್–ರಿಟರ್ನರ್’ ನಿಭಾಯಿಸಲಿದೆ.ಅಸೆಂಡರ್ ಈ ಮಾದರಿಗಳನ್ನು ‘ಆರ್ಬಿಟರ್–ರಿಟರ್ನರ್’ಗೆ ವರ್ಗಾಯಿಸಿದೆ. ಒಂದೊಮ್ಮೆ ಇದು ‘ಅಸೆಂಡರ್’ನಿಂದ ಬೇರ್ಪಟ್ಟ ನಂತರ, ಈ ಗಗನನೌಕೆ ಭೂಮಿಯತ್ತ ಪ್ರಯಾಣ ಬೆಳೆಸುವುದು ಎಂದೂ ಸಂಸ್ಥೆ ತಿಳಿಸಿದೆ.</p>.<p>ಚೀನಾದ ಪುರಾಣಗಳಲ್ಲಿ ಚಂದ್ರನಿಗೆ ಚಾಂಗಿ ಎಂದು ಕರೆಯಲಾಗುತ್ತದೆ. ಅದೇ ಹೆಸರನ್ನು ಈ ಗಗನನೌಕೆಗೆ ಇಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೀಜಿಂಗ್:</strong> ಚಂದ್ರನ ಮೇಲಿನ ಶಿಲೆ ಹಾಗೂ ಮಣ್ಣು ಸೇರಿದಂತೆ ಇತರ ಮಾದರಿಗಳನ್ನು ಭೂಮಿಗೆ ತರುವ ಸಲುವಾಗಿ ಚೀನಾ ಉಡಾವಣೆ ಮಾಡಿರುವ ಗಗನನೌಕೆ ‘ಚಾಂಗಿ–5’ ಈ ಕಾರ್ಯದಲ್ಲಿ ಯಶಸ್ವಿಯಾಗಿದೆ.</p>.<p>ಅಲ್ಲಿನ ಶಿಲೆ, ಮಣ್ಣು ಸಂಗ್ರಹಿಸಿ, ಆರ್ಬಿಟರ್ಗೆ ರವಾನಿಸಿದ್ದು, ಈ ಮಾದರಿಗಳನ್ನು ಹೊತ್ತ ಗಗನನೌಕೆ ಭೂಮಿಯತ್ತ ಮುಖಮಾಡಿದೆ.</p>.<p>ಬಾಹ್ಯಾಕಾಶ ಅನ್ವೇಷಣೆ ಆರಂಭಿಸಿ 45 ವರ್ಷಗಳ ನಂತರ ಇದೇ ಮೊದಲ ಬಾರಿಗೆ ಚೀನಾ, ಚಂದ್ರನ ಮೇಲ್ಮೈಯಲ್ಲಿನ ಶಿಲೆಗಳನ್ನು ಭೂಮಿಗೆ ತರಲು ಈ ಮಹತ್ವಾಕಾಂಕ್ಷೆ ಕಾರ್ಯಕ್ರಮ ಕೈಗೊಂಡಿದೆ.</p>.<p>ನವೆಂಬರ್ 24ರಂದು ಈ ಗಗನನೌಕೆಯನ್ನು ಉಡ್ಡಯನ ಮಾಡಲಾಗಿತ್ತು. ಚಂದ್ರನ ಉತ್ತರಕ್ಕಿರುವ ‘ಓಷನ್ ಆಫ್ ಸ್ಟಾರ್ಮ್’ ಎಂದು ಕರೆಯಲಾಗುವ ಪ್ರದೇಶದ ಬಳಿ ಈ ವ್ಯೋಮನೌಕೆ ಡಿಸೆಂಬರ್ 1ರಂದು ಇಳಿಯಿತು. ಗಗನನೌಕೆಯ ಭಾಗವಾದ ‘ಅಸೆಂಡರ್’ ಅಲ್ಲಿನ ಮೇಲ್ಮೈಯಲ್ಲಿನ ಶಿಲೆಗಳನ್ನು ಸಂಗ್ರಹಿಸಿತು ಎಂದು ಚೀನಾ ನ್ಯಾಷನಲ್ ಸ್ಪೇಸ್ ಅಡ್ಮಿನಿಸ್ಟ್ರೇಷನ್ (ಸಿಎನ್ಎಸ್ಎ) ಹೇಳಿದೆ.</p>.<p>ಈ ಶಿಲೆಗಳನ್ನು ಭೂಮಿಗೆ ತರುವ ಕಾರ್ಯವನ್ನು ‘ಆರ್ಬಿಟರ್–ರಿಟರ್ನರ್’ ನಿಭಾಯಿಸಲಿದೆ.ಅಸೆಂಡರ್ ಈ ಮಾದರಿಗಳನ್ನು ‘ಆರ್ಬಿಟರ್–ರಿಟರ್ನರ್’ಗೆ ವರ್ಗಾಯಿಸಿದೆ. ಒಂದೊಮ್ಮೆ ಇದು ‘ಅಸೆಂಡರ್’ನಿಂದ ಬೇರ್ಪಟ್ಟ ನಂತರ, ಈ ಗಗನನೌಕೆ ಭೂಮಿಯತ್ತ ಪ್ರಯಾಣ ಬೆಳೆಸುವುದು ಎಂದೂ ಸಂಸ್ಥೆ ತಿಳಿಸಿದೆ.</p>.<p>ಚೀನಾದ ಪುರಾಣಗಳಲ್ಲಿ ಚಂದ್ರನಿಗೆ ಚಾಂಗಿ ಎಂದು ಕರೆಯಲಾಗುತ್ತದೆ. ಅದೇ ಹೆಸರನ್ನು ಈ ಗಗನನೌಕೆಗೆ ಇಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>