ಕೇಪ್‌ ಕ್ಯಾನವೆರಲ್‌(ಅಮೆರಿಕ): ಕ್ಷುದ್ರ ಗ್ರಹವೊಂದಕ್ಕೆ ನಾಸಾದ ಒಸಿರಿಸ್‌–ರೆಕ್ಸ್ ಬಾಹ್ಯಾಕಾಶ ನೌಕೆ ಲಘುವಾಗಿ ಸ್ಪರ್ಶಿಸಿದೆ. ಪರಿಣಾಮವಾಗಿ ಆಕಾಶಕಾಯದ ಮೇಲ್ಮೈನ ಬಂಡೆಗಳು ಪುಡಿಯಾಗಿವೆ. ಈ ನೌಕೆಯು ಭೂಮಿಗೆ ಮರಳುವ ಸಂದರ್ಭದಲ್ಲಿ ಆಕಾಶಕಾಯದ ಅವಶೇಷಗಳನ್ನು ಹೊತ್ತು ತರುವ ಸಾಧ್ಯತೆಯನ್ನು ಈ ವಿದ್ಯಮಾನದಿಂದ ತಿಳಿದುಬರುತ್ತದೆ ಎಂದು ನಾಸಾ ಅಧಿಕಾರಿಗಳು ಹೇಳಿದ್ದಾರೆ.
ಈ ಕ್ಷುದ್ರ ಗ್ರಹದಿಂದಮುಂದಿನ ವಾರದವರೆಗೂ ಎಷ್ಟು ಪ್ರಮಾಣದಲ್ಲಿ ಬಂಡೆಚೂರುಗಳ ಅವಶೇಷಗಳ ಮಾದರಿಯನ್ನು ಸಂಗ್ರಹಿಸಬಹುದೆಂದು ನಾಸಾ ವಿಜ್ಞಾನಿಗಳಿಗೆ ತಿಳಿದಿಲ್ಲ. ಆದರೆ, ಕನಿಷ್ಠ ಹಿಡಿಯಷ್ಟಾದರೂ ಚೂರುಗಳು ಬೇಕಾಗಿವೆ.
ಈ ಬಾಹ್ಯಾಕಾಶ ನೌಕೆ ಮಂಗಳವಾರ ಕಳುಹಿಸಿರುವ ಫೋಟೊ ಮತ್ತು ವಿಡಿಯೊಗಳನ್ನು ಸೂಕ್ಷ್ಮವಾಗಿ ಗಮನಿಸಿದರೆ, ಈ ನೌಕೆ ಕ್ಷುದ್ರಗಹದ ಮೇಲ್ಮೈ ಸ್ಪರ್ಶಿಸಿ, ಹೊರಟಿದ್ದು, ಈ ಪ್ರಕಾರ ನಿಗದಿಪಡಿಸಿದ ಗುರಿಯನ್ನು ತಲುಪಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
