ಮಾಹಿತಿ ಕದಿಯುವ ಆ್ಯಪ್‌ಗಳು !

ಗೂಗಲ್ ಪ್ಲೇ ಸ್ಟೋರ್ ಸುರಕ್ಷಿತವಾಗಿಲ್ಲ ಎನ್ನುವುದು ಜಗಜ್ಜಾಹೀರಾಗಿದೆ. ಹೀಗಿದ್ದರೂ ಗ್ರಾಹಕರ ವಿಶ್ವಾಸ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಕಂಪನಿ ಅಷ್ಟಾಗಿ ತಲೆಕೆಡಿಸಿಕೊಳ್ಳುತ್ತಿಲ್ಲ. ಕಳೆದ ಅಕ್ಟೋಬರ್‌ನಿಂದ ಇಲ್ಲಿಯವರೆಗೆ ಪ್ಲೇ ಸ್ಟೋರ್‌ನಿಂದ ಕೈಬಿಟ್ಟಿರುವ ಆ್ಯಪ್‌ಗಳ ಸಂಖ್ಯೆಯನ್ನು ಗಮನಿಸಿದರೆ ಅದು ಇನ್ನಷ್ಟು ಸ್ಪಷ್ಟವಾಗುತ್ತದೆ.

ಮೊಬೈಲ್‌ನ ಮಾಹಿತಿಗಳೆಲ್ಲವನ್ನೂ ಕದಿಯುತ್ತಿದ್ದ 42 ಆ್ಯಪ್‌ಗಳನ್ನು ಪ್ಲೇ ಸ್ಟೋರ್‌ನಿಂದ ತೆಗೆದುಹಾಕಲಾಗಿದೆ. ಈ ಆ್ಯಪ್‌ಗಳು ಮೊಬೈಲ್ ಸ್ಕ್ರೀನ್‌ನ ಪೂರ್ತಿ ಭಾಗದಲ್ಲಿಯೂ ಜಾಹೀರಾತು ಕಾಣಿಸಿಕೊಳ್ಳುವಂತೆ ಮಾಡುತ್ತಿದ್ದವು. ಅಲ್ಲದೆ, ಯಾವ ಮೊಬೈಲ್, ಅದರಲ್ಲಿ ಇರುವ ಒಎಸ್ ಯಾವುದು? ಬಳಸುತ್ತಿರುವ ಭಾಷೆ, ಎಷ್ಟು ಆ್ಯಪ್‌ಗಳು ಇನ್‌ಸ್ಟಾಲ್‌ ಆಗಿವೆ, ಮೊಬೈಲ್‌ನಲ್ಲಿ ಎಷ್ಟು ಖಾಲಿ ಜಾಗ ಉಳಿದಿದೆ, ಬ್ಯಾಟರಿ ಎಷ್ಟು ಖಾಲಿಯಾಗಿದೆ, ಫೇಸ್‌ಬುಕ್‌ ಮತ್ತು ಫೇಸ್‌ಬುಕ್‌ ಮೆಸೆಂಜರ್‌ ಇನ್‌ಸ್ಟಾಲ್‌ ಆಗಿದೆಯೇ .. ಹೀಗೆ ಇನ್ನೂ ಹಲವು ಮಾಹಿತಿಗಳನ್ನು ಕದಿಯುತ್ತಿದ್ದವು ಎಂದು ಸೈಬರ್ ಸುರಕ್ಷತಾ ಸಂಸ್ಥೆ ಇಎಸ್ಇಟಿ ತಿಳಿಸಿದೆ.

ಇದನ್ನೂ ಓದಿ:ಗೂಗಲ್ ಟ್ರಾನ್ಸ್‌ಲೇಟ್: ಫೋಟೊ ಕ್ಲಿಕ್ಕಿಸಿ ಅನುವಾದ ಮಾಡಿ

ಮಾಹಿತಿ ಕದಿಯುತ್ತಿರುವುದು ಗೂಗಲ್‌ನ ಸುರಕ್ಷತಾ ವ್ಯವಸ್ಥೆಯ ಗಮನಕ್ಕೆ ಬಾರದೇ ಇರುವ ರೀತಿಯಲ್ಲಿ ಈ ಆ್ಯಪ್‌ಗಳನ್ನು ಅಭಿವೃದ್ಧಿಪಡಿಸಲಾಗಿತ್ತು. ಹೀಗಾಗಿ, ದುರ್ಬಳಕೆ ಆಗುತ್ತಿರುವುದನ್ನು ಕಂಡುಕೊಳ್ಳಲು ಒಂದು ವರ್ಷವೇ ಬೇಕಾಯಿತು ಎಂದು ಹೇಳಿದೆ.

ಈ ಆ್ಯಪ್‌ಗಳು ಒಟ್ಟಾರೆ 80 ಲಕ್ಷ ಡೌನ್‌ಲೋಡ್‌ ಆಗಿವೆ. ಇವುಗಳಲ್ಲಿ video donwloader master ಅತಿ ಹೆಚ್ಚು ಅಂದರೆ 50 ಲಕ್ಷ ಆ್ಯಪ್‌ ಡೌನ್‌ಲೋಡ್‌ ಆಗಿವೆ.

ಕೆಲವು ಪ್ರಮುಖ ಆ್ಯಪ್‌ಗಳು

video donwloader master

alarm clock

calculator

Free magnifying Glass

super-bright flashlight

super-bright led falshlight

Smart Gallery

Savinsta

Free Radio FM

Smart Note

Free social video

Mp4 video downloader

Flat music players

Water drink reminder