₹300 ಮೌಲ್ಯದ ವಸ್ತು ಆರ್ಡರ್‌ ಮಾಡಿದರೆ, ₹19 ಸಾವಿರದ ಹೆಡ್‌ಫೋನ್‌ ಬರೋದೇ?
ಕೇವಲ ₹300 ಮೌಲ್ಯದ ಲೋಷನ್‌ ಆರ್ಡರ್‌ ಮಾಡಿದರೆ, ಅಮೆಜಾನ್‌ನಿಂದ ₹19 ಸಾವಿರ ಮೌಲ್ಯದ ಹೆಡ್‌ಫೋನ್‌ ಬರೋದೇ? ಹೌದು, ತಮಗಾದ ಇಂಥ ಅನುಭವವನ್ನು ಟೆಕಿಯೊಬ್ಬರು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
‘ಜೋಶ್‌ ಸಾಫ್ಟ್‌ವೇರ್‌’ ಎಂಬ ಕಂಪನಿಯ ಸಹ ಸಂಸ್ಥಾಪಕ, ನಿರ್ದೇಶಕ ಗೌತಮ್‌ ರೆಗೆ ಎಂಬುವವರು ಈ ಕುರಿತು ತಮ್ಮ ಟ್ವಿಟರ್‌ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.
‘₹300 ಸ್ಕಿನ್‌ ಲೋಷನ್‌ ಆರ್ಡರ್‌ ಮಾಡಿದರೆ, ₹19 ಸಾವಿರದ ಬಾಸ್‌ ವೈಯರ್‌ ಲೆಸ್‌ ಇಯರ್‌ಬಡ್‌ಗಳನ್ನು ನೀಡಲಾಗಿದೆ. ಈ ಬಗ್ಗೆ ಅಮೆಜಾನ್‌ನಲ್ಲಿ ಕೇಳಿದರೆ, ಅದನ್ನು ಹಿಂತಿರುಗಿಬೇಕಿಲ್ಲ.ನೀವೇ ಇಟ್ಟುಕೊಳ್ಳಿ ಎಂದು ಹೇಳಿದೆ’ ಎಂದು ಅವರು ಪೋಸ್ಟ್‌ ಮಾಡಿದ್ದಾರೆ.
Bose wireless earbuds (₹19k) delivered instead of skin lotion (₹300). @amazonIN support asked to keep it as order was non-returnable! 🤪🤦♂️🥳 pic.twitter.com/nCMw9z80pW
— Gautam Rege (@gautamrege) June 10, 2020
ರೆಗೆ ಅವರು ಈ ರೀತಿಯ ಪೋಸ್ಟ್‌ ಹಾಕಿದ್ದೇ ತಡ, ಬಗೆಬಗೆಯ ಪ್ರತಿಕ್ರಿಯೆಗಳು ಟ್ವಿಟರ್‌ ಬಳಕೆದಾರರಿಂದ ಬಂದಿವೆ.
‘ನೀವು ಆರ್ಡರ್‌ ಮಾಡಿದ ಲೋಷನ್‌ ಇನ್ನೂ ಲಭ್ಯವಿದೆಯೇ? ಇದ್ದರೆ ಅದರ ಲಿಂಕ್‌ ಕಳುಹಿಸಿ’ ಎಂದು ಒಬ್ಬರು ಕಮೆಂಟ್‌ ಮಾಡಿದ್ದರೆ, ‘ನಾನು ಬಾಸ್‌ ಇಯರ್‌ ಬಡ್‌ಗಳನ್ನು ಆರ್ಡರ್‌ ಮಾಡಿದ್ದೆ. ಅದರ ಬದಲಿಗೆ ಲೋಷನ್‌ ಬಂದಿದೆ. ನಾವಿಬ್ಬರು ಪರಸ್ಪರ ವಿನಿಮಯ ಮಾಡಿಕೊಳ್ಳೋಣವೇ’ ಎಂದು ಲಘುಬಗೆಯ ಹಾಸ್ಯದ ಧಾಟಿಯಲ್ಲಿ ಕೆಲವರು ಕಮೆಂಟ್‌ ಮಾಡಿದ್ದಾರೆ.
ಇದೇ ಟ್ವೀಟ್‌ನಲ್ಲಿ ವ್ಯಕ್ತಿಯೊಬ್ಬರು ಅಮೆಜಾನ್‌ ವಿರುದ್ಧ ಗಂಭೀರ ಆರೋಪವನ್ನೂ ಮಾಡಿದ್ದಾರೆ. ನಾನು ₹13 ಸಾವಿರ ಮೌಲ್ಯದ ಡೆಲ್‌ ಮಾನಿಟರ್‌ ಆರ್ಡರ್‌ ಮಾಡಿದರೆ, ಕೋಲಿನ್‌ ಬಾಟಲ್‌ಗಳನ್ನು ಕಳುಹಿಸಲಾಗಿದೆ. ಈಗ ಹಣವನ್ನು ರೀಫಂಡ್‌ ಮಾಡುವುದಿಲ್ಲ ಎಂದೂ ಕಂಪೆನಿ ಹೇಳುತ್ತಿದೆ. ಇದು ಅಮೆಜಾನ್‌ನ ಅಸಲಿ ಮುಖವನ್ನು ಅನಾವರಣ ಮಾಡಿದೆ ಎಂದು ಆಕ್ರೋಶ ತೋಡಿಕೊಂಡಿದ್ದಾರೆ.
@amazon @JeffBezos @AmitAgarwal
— Kalyan Gandhapu (@gandhapukalyan) June 7, 2020
I ordered @Dell Monitor(P2219H) from @amazonIN on 04/06/20. But guess what today when I was trying to unpack the product I got Colin bottles, phenyl and a lot of garbage!! instead of Dell Monitor. Lost trust with Amazon ☹️. pic.twitter.com/F7CLNwJotF
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.