ಗುರುವಾರ , ಏಪ್ರಿಲ್ 2, 2020
19 °C

ಡೆಸ್ಕ್‌ಟಾಪ್ ಟ್ವಿಟರ್ ಕಾರ್ಯಾಚರಣೆಗೆ ಅಡಚಣೆ: ಭಾರತ, ಜಪಾನ್ ಬಳಕೆದಾರರಿಗೆ ಸಮಸ್ಯೆ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ಟ್ವಿಟರ್‌

ನವದೆಹಲಿ: ಭಾರತ ಸೇರಿದಂತೆ ಕೆಲವು ರಾಷ್ಟ್ರಗಳಲ್ಲಿ ಶುಕ್ರವಾರ ಟ್ವಿಟರ್‌ ಬಳಕೆದಾರರಿಗೆ ಟ್ವೀಟ್‌ಗಳನ್ನು ಎಂಬೆಡ್‌ ಮಾಡುವುದು, ಹಳೆಯ ಟ್ವೀಟ್‌ ಲೋಡ್‌ ಮಾಡುವುದು ಸಾಧ್ಯವಾಗದೆ ತೊಂದರೆ ಎದುರಿಸಿದ್ದಾರೆ. 

ಡೆಸ್ಕ್‌ಟಾಪ್‌ಗಳಲ್ಲಿ ಟ್ವಿಟರ್‌ ಬಳಸುತ್ತಿರುವವರ ಪೈಕಿ ಶೇ 85ರಷ್ಟು ಟ್ವೀಟಿಗರಿಗೆ ಹಾಗೂ ಶೇ 8ರಷ್ಟು ಆ್ಯಂಡ್ರಾಯ್ಡ್‌ ಬಳಕೆದಾರರಿಗೆ ಸಮಸ್ಯೆ ಕಾಣಿಸಿಕೊಂಡಿದೆ. ಟ್ವಿಟರ್‌ ಬಳಸುವುದೇ ಸಾಧ್ಯವಾಗಿಲ್ಲ ಎಂದು ಹೆಚ್ಚಿನ ಜನರು ವರದಿ ಮಾಡಿರುವುದಾಗಿ 'ಡೌನ್‌ಡಿಟೆಕ್ಟರ್‌' ವೆಬ್‌ಸೈಟ್‌ ಅಂಕಿ–ಅಂಶಗಳಿಂದ ತಿಳಿದು ಬಂದಿದೆ. 

ಬೆಂಗಳೂರು, ದೆಹಲಿ, ಹೈದರಾಬಾದ್‌, ಮುಂಬೈ ಹಾಗೂ ಚೆನ್ನೈನ ಬಹುತೇಕ ಬಳಕೆದಾರರಿಗೆ ಟ್ವಿಟರ್‌ ಕಾರ್ಯಾಚರಣೆ ಸಾಧ್ಯವಾಗಿಲ್ಲ. ಜಪಾನ್‌, ಫಿಲಿಪ್ಪೀನ್ಸ್‌, ಮಲೇಷ್ಯಾ ಹಾಗೂ ಇಂಡೋನೇಷ್ಯಾದಲ್ಲೂ ಟ್ವಿಟರ್‌ ಕಾರ್ಯಾಚರಣೆಗೆ ಅಡಚಣೆಯಾಗಿದೆ. 

ಫೆಬ್ರುವರಿ ಮಧ್ಯ ಭಾಗದಲ್ಲಿ ಭಾರತದಲ್ಲಿ ಟ್ವಿಟರ್ ಬಳಕೆ ಅಡಚಣೆ ಎದುರಾಗಿತ್ತು. ಕೊರೊನಾ ವೈರಸ್‌ ಸೋಂಕು ಆತಂಕ ಇರುವುದರಿಂದ ಟ್ವಿಟರ್‌ ತನ್ನ 5,000 ಸಿಬ್ಬಂದಿಗೆ ಮನೆಯಿಂದಲೇ ಕಾರ್ಯನಿರ್ವಹಿಸುವಂತೆ ಸೂಚಿಸಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು