ಮೈಸೂರು: ಇನ್ಫೊಸಿಸ್– ಮೈಸೂರು ಅಭಿವೃದ್ಧಿ ಕೇಂದ್ರದ ಮುಖ್ಯಸ್ಥರಾಗಿ ವಿನಾಯಕ ಪಿ. ಹೆಗಡೆ ನೇಮಕವಾಗಿದ್ದಾರೆ.
ಕಂಪನಿಯಲ್ಲಿ ಉಪಾಧ್ಯಕ್ಷ ಹಾಗೂ ಐವಿಎಸ್ – ಐಎಚ್ಎಲ್ಸಿಪಿ ಘಟಕದ ಮುಖ್ಯಸ್ಥರಾಗಿರುವ ಅವರು, ಬುಧವಾರ ಸಾಜಿ ಮಾಥ್ಯೂ ಅವರಿಂದ ಅಧಿಕಾರ ಸ್ವೀಕರಿಸಿದರು.
ಕಂಪನಿಯ ವಿವಿಧ ಹುದ್ದೆಗಳಲ್ಲಿ ಕಳೆದ 16 ವರ್ಷಗಳಿಂದ ಸೇವೆ ಸಲ್ಲಿಸಿದ್ದಾರೆ. ಉತ್ತರ ಕನ್ನಡ ಜಿಲ್ಲೆಯ ಕುಮಟಾದ ಬಗ್ಗೊಣ ಗ್ರಾಮದವರಾದ ವಿನಾಯಕ, 10ನೇ ತರಗತಿವರೆಗೂ ಕನ್ನಡ ಮಾಧ್ಯಮದಲ್ಲಿಯೇ ಓದಿದವರು.