ಶನಿವಾರ, ಅಕ್ಟೋಬರ್ 16, 2021
22 °C

ನಿಮ್ಮ ಇಷ್ಟದ ಸ್ಟಿಕರ್‌ಗಳನ್ನು ರಚಿಸಲು ತನ್ನಲ್ಲೇ ಅವಕಾಶ ನೀಡಲಿದೆ ವಾಟ್ಸ್‌ಆ್ಯಪ್‌

ಪ್ರಜಾವಾಣಿ ವೆಬ್‌ಡೆಸ್ಕ್‌ Updated:

ಅಕ್ಷರ ಗಾತ್ರ : | |

ಬೆಂಗಳೂರು: ಇತ್ತೀಚೆಗೆ ತನ್ನ ಬಳಕೆದಾರರಿಗೆ ವಾಟ್ಸ್‌ಆ್ಯಪ್‌ ಅನೇಕ ಆಯ್ಕೆಗಳನ್ನು ನೀಡಲು ಮುಂದಡಿ ಇಡುತ್ತಿದೆ. ವಾಟ್ಸ್‌ಆ್ಯಪ್‌ನ್ನು ಇನ್ನಷ್ಟು ಬಳಕೆದಾರರ ಸ್ನೇಹಿಯಾಗಿ ಮಾಡಲು ಅದು ನಿರಂತರ ಶ್ರಮಿಸುತ್ತಿದೆ.

ಥರ್ಡ್ ಪಾರ್ಟಿ ಆ್ಯಪ್ ಮೂಲಕ (ಸ್ಟಿಕರ್ ಮೇಕರ್) ರಚನೆ ಮಾಡಿ ವಾಟ್ಸ್‌ಆ್ಯಪ್‌ನಲ್ಲಿ ಬಳಸುವ ಸ್ಟಿಕರ್‌ಗಳು ಹೆಚ್ಚು ಜನಪ್ರಿಯ. ಈ ಸ್ಟಿಕರ್‌ಗಳ ಮೂಲಕವೂ ಬಳಕೆದಾರರು ಸಂವಹನವನ್ನು ನಡೆಸುತ್ತಿದ್ದಾರೆ. ಅದರಲ್ಲೂ ತಮ್ಮ ಇಷ್ಟದ ನಟ–ನಟಿಯರ, ಪ್ರಾಣಿ–ಪಕ್ಷಿಗಳ ಹಾಗೂ ಕಾರ್ಟೂನ್‌ಗಳ ಸ್ಟಿಕರ್‌ಗಳನ್ನು ಬಳಕೆದಾರರು ಯಥೇಚ್ಚವಾಗಿ ಬಳಸುತ್ತಿದ್ದಾರೆ.

ಈ ನಿಟ್ಟಿನಲ್ಲಿ ಫೇಸ್‌ಬುಕ್ ಒಡೆತನದ ವಾಟ್ಸ್‌ಆ್ಯಪ್ ಕೂಡ ಸ್ಟಿಕರ್‌ ಮೇಕಿಂಗ್‌ ಅವಕಾಶವನ್ನು ನೀಡಲಿದೆ ಎನ್ನಲಾಗಿದ್ದು ಶೀಘ್ರದಲ್ಲೇ ಅದು ಬಳಕೆದಾರರಿಗೆ ಸಿಗಲಿದೆ. ಇದರಿಂದ ಇನ್ಮುಂದೆ ಬಳಕೆದಾರರು ಥರ್ಡ್‌ ಪಾರ್ಟಿ ಆ್ಯಪ್‌ ಉಸಾಬರಿ ಇಲ್ಲದೇ ನೇರವಾಗಿ ಇಮೇಜ್‌ಗಳನ್ನು ತಮ್ಮ ಇಷ್ಟದಂತೆ ಸ್ಟಿಕರ್‌ಗಳಾಗಿ ಬದಲಾಯಿಸಿ ಕಳಿಸಬಹುದು.

ಈ ಕುರಿತು WABetaInfo ಬ್ಲಾಗ್ ವರದಿ ಮಾಡಿದೆ.

ಈ ಆಯ್ಕೆ ಆಂಡ್ರಾಯ್ಡ ಹಾಗೂ ಐಓಎಸ್‌ನಲ್ಲೂ ಲಭ್ಯವಿರಲಿದೆ ಎನ್ನಲಾಗಿದ್ದು, ಇಮೇಜ್ ಕಳಿಸುವಾಗ ಅಥವಾ ತಮ್ಮ ಇಷ್ಟದ ಇಮೇಜ್‌ನ್ನು ಸ್ಟಿಕರ್ ಆಗಿ ಬದಲಾಯಿಸಲು ಇನ್ಮುಂದೆ ವಾಟ್ಸ್‌ಆ್ಯಪ್‌ನಲ್ಲೆ ಅವಕಾಶ ಇರಲಿದೆ. ಮೇಕ್‌ ಸ್ಟಿಕರ್ ಎಂದು ಇದಕ್ಕೆ ಸೂಚಿಸಲಾಗಿದ್ದು ಇದು ಸಂದೇಶ ಕಳಿಸುವಾಗ ಬಲಭಾಗದಲ್ಲಿ ಇರಲಿದೆ ಎನ್ನಲಾಗಿದೆ.

ಅಲ್ಲದೇ ವಾಟ್ಸ್‌ಆ್ಯಪ್ ಇನ್ನೊಂದು ಹೊಸ ಫೀಚರ್ ಪರಿಚಯಿಸುತ್ತಿದ್ದು, ಅದಕ್ಕೆ WhatsApp Ban Review ಎನ್ನಲಾಗಿದೆ. ಅಂದರೆ ನಿಷೇಧಕ್ಕೊಳಗಾದ ಅಕೌಂಟ್ ಬಳಕೆದಾರರು ಈ ಫೀಚರ್ ಮೂಲಕ ತಮ್ಮ ಖಾತೆಯನ್ನು ಪುನಃ ಸ್ಥಾಪಿಸಿಕೊಳ್ಳಬಹುದಾಗಿದೆ.

ಸದ್ಯ ಇದು ಐಓಎಸ್ ಆವೃತ್ತಿಯಲ್ಲಿ ಮಾತ್ರ ಬಿಡುಗಡೆಯಾಗಿದ್ದು, ಮುಂದೆ ಆಂಡ್ರಾಯ್ಡ್‌ಗೂ ಬಿಡುಗಡೆಯಾಗಲಿದೆ.

ಇದನ್ನೂ ಓದಿ: ಸಾಮಾಜಿಕ ಜಾಲತಾಣ ಬಳಸಲು ಅಧಿಕಾರಿಗಳಿಗೆ ಹಾಗೂ ನೌಕರರಿಗೆ ನಿರ್ಬಂಧ ವಿಧಿಸಿದ ಸರ್ಕಾರ

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು