ಬೆಂಗಳೂರು: ಅಪ್ಪಾ, ಹೋಗಬೇಡಪ್ಪಾ ಎಂದು ಅಪ್ಪನ ಕಾಲು ಹಿಡಿದು ಗಟ್ಟಿಯಾಗಿ ಅಳುವ ಪುಟ್ಟ ಬಾಲಕ.ಎಷ್ಟೇ ಸಮಾಧಾನ ಮಾಡಿದರೂ ಅಳು ನಿಲ್ಲಿಸುತ್ತಿಲ್ಲ. ನಾನು ಬೇಗ ಹೋಗಿ ಬರುತ್ತೇನೆ ಎಂದು ಅಪ್ಪ ಹೇಳುತ್ತಿದ್ದರೂ ಅಪ್ಪ ಹೊರಟು ನಿಂತಾಗ ಹೋಗಬೇಡಪ್ಪಾ ಎಂದು ಮತ್ತಷ್ಟು ಅಳುತ್ತಿದೆ ಆ ಕೂಸು.
ಪೊಲೀಸ್ ಅಧಿಕಾರಿಯೊಬ್ಬರು ಕರ್ತವ್ಯಕ್ಕೆ ಹೊರಡುವಾಗ ಮನೆಯಲ್ಲಿ ಮಗ ಅಳುತ್ತಾ ಹೋಗಬೇಡ ಎಂದು ಹಠ ಹಿಡಿಯುತ್ತಿರುವವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.
ಅರುಣ್ ಬೋಥ್ರಾ ಎಂಬ ಪೊಲೀಸ್ ಈ ವಿಡಿಯೊವನ್ನು ಏಪ್ರಿಲ್ 28ರಂದು ಟ್ವಿಟರ್ನಲ್ಲಿಶೇರ್ ಮಾಡಿದ್ದು ಇಲ್ಲಿಯವರೆಗೆ 29 ಸಾವಿರಕ್ಕಿಂತಲೂ ಹೆಚ್ಚು ಮಂದಿ ಇದನ್ನು ಲೈಕ್ ಮಾಡಿದ್ದಾರೆ.
This is the toughest part of the police job. Due to long and erratic duty hours most of the police officers have to face this situation.
ಇದು ಪೊಲೀಸ್ ಸೇವೆಯಲ್ಲಿನ ಕಷ್ಟಕರವಾದ ಕೆಲಸ. ಸುದೀರ್ಘ ಹೊತ್ತು ಕೆಲಸ ಮುಗಿಸಿ ಮನೆಗೆ ಬರುವ ಪೊಲೀಸ್ ಅಧಿಕಾರಿಗಳು ಈ ಪರಿಸ್ಥಿತಿ ಎದುರಿಸಬೇಕಾಗುತ್ತದೆ ಎಂಬ ಸಾಲುಗಳೂ ಈ ಟ್ವೀಟ್ನಲ್ಲಿದೆ.
ಟ್ವೀಟ್ ನೋಡಿ ಪ್ರತಿಕ್ರಿಯಿಸಿರುವ ಹಲವಾರು ನೆಟ್ಟಿಗರು ಮಗುವಿನ ಅಳು ನೋಡಿ ಭಾವುಕರಾಗಿದ್ದರೆ. ಅನ್ನು ಕೆಲವರು ಹೆಚ್ಚು ಪೊಲೀಸರನ್ನು ನೇಮಕ ಮಾಡಿ ದಿನದ 8 ಗಂಟೆಗಳ ಕಾಲ ಪೊಲೀಸರಿಗೆ ಡ್ಯೂಟಿ ಇರುವಂತೆ ಮಾಡಿ ಎಂಬ ಸಲಹೆಯನ್ನೂ ನೀಡಿದ್ದಾರೆ.