ಸೇಂಟ್‌ ಪೀಟರ್‌ ಬರ್ಗ್‌: ವ್ಯಕ್ತಿಯೊಬ್ಬರು ತೋಟದಲ್ಲಿ 8.97 ಕೆ.ಜಿ ತೂಕದ ಈರುಳ್ಳಿ ಬೆಳೆದು ಗಿನ್ನಿಸ್‌ ವಿಶ್ವ ದಾಖಲೆ ನಿರ್ಮಿಸಿದ್ದಾರೆ. ಗುರ್ನಸಿ ದೇಶದ ಗರೆಥ್ ಗ್ರಿಫಿನ್ ಎನ್ನುವವರು ಈ ಈರುಳ್ಳಿಯನ್ನು ಬೆಳೆದಿದ್ದಾರೆ.
ಸೆಪ್ಟೆಂಬರ್‌ 15 ರಂದು ಉತ್ತರ ಯಾರ್ಕ್‌ಷೈರ್‌ನಲ್ಲಿ ಹಾರೊಗೇಟ್ ಶರತ್‌ಕಾಲದ ಹೂವಿನ ಪ್ರದರ್ಶನದ ವೇಳೆ ಈರುಳ್ಳಿಯನ್ನು ಪ್ರದರ್ಶನಕ್ಕೆ ಇರಿಸಿದ್ದಾರೆ. ಇದು ಗಿನ್ನಿಸ್‌ ವಿಶ್ವ ದಾಖಲೆ ಪಟ್ಟಿ ಸೇರಿದೆ.
2014ರಲ್ಲಿ 8.5 ಕೆ.ಜಿ ತೂಕದ ಈರುಳ್ಳಿ ವಿಶ್ವ ದಾಖಲೆ ನಿರ್ಮಿಸಿತ್ತು. ಈ ದಾಖಲೆಯನ್ನು ಗರೆಥ್ ಅವರು ಬೆಳೆದ ಈರುಳ್ಳಿ ಮುರಿದಿದೆ.
ಗಿನ್ನಿಸ್‌ ವರ್ಲ್ಡ್ ರೆಕಾರ್ಡ್‌ ಸಂಸ್ಥೆ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದು, ಈರುಳ್ಳಿಯು ಬೌಲಿಂಗ್‌ ಬಾಲ್‌ಗಿಂತ ಹೆಚ್ಚು ಭಾರವಿದೆ! ಎಂದು ಕ್ಯಾಪ್ಶನ್‌ ನೀಡಲಾಗಿದೆ.
