ರಾಯ್ ಬರೇಲಿ: ಚಿತ್ರ ವಿಚಿತ್ರ ವರ್ತನೆಗೆ ಹೆಸರಾಗಿರುವ ಮಂಗಗಳು ಮನುಷ್ಯನ ಆಹಾರ ಪಾನೀಯದ ಮೇಲೆ ಸದಾ ಒಂದು ಕಣ್ಣನ್ನು ಇಟ್ಟಿರುತ್ತದೆ. ಮನುಷ್ಯನ ಬಳಿ ಏನೇ ಸಿಕ್ಕರೂ ಚಂಗನೇ ಕಸಿದುಕೊಂಡು ತಿಂದು ಬಿಡುತ್ತದೆ.
ಇದೇ ರೀತಿ ಇಲ್ಲೊಂದು ಕೋತಿ ಬಿಯರ್ ಕುಡಿಯಲು ಹಠ ಮಾಡುತ್ತದೆ. ಕೊಡದಿದ್ದರೇ ಕದ್ದು ಕುಡಿಯುತ್ತದೆ.
ಉತ್ತರ ಪ್ರದೇಶದ ರಾಯ್ ಬರೇಲಿಯಲ್ಲಿ ಇಂತಹದೊಂದು ಕೋತಿಯಿದೆ. ಇದಕ್ಕೆ ಬಿಯರ್ ಕುಡಿಯುವ ಚಟವಿದ್ದು ಹೊಂಚು ಹಾಕಿ ಬಿಯರ್ ಕುಡಿಯುತ್ತದೆ. ಆದರೆ, ಇತ್ತೀಚೆಗೆ ಒಂದು ದಿನ ಬಿಯರ್ ಸಿಗದಿದ್ದಾಗ ಬಾರ್ ಒಂದರಲ್ಲಿ ಒಳ ಹೊಕ್ಕು ಕದ್ದು ಬಿಯರ್ ಕುಡಿದಿದೆ. ಅಷ್ಟೇ ಅಲ್ಲದೇ ಬಿಯರ್ ಬಾಟಲ್ ಜೊತೆ ಆಟವಾಡಿದೆ.
ಇದಕ್ಕೆ ಸಂಬಂದಿಸಿದ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಹಲವಾರು ನೆಟ್ಟಿಗರು ಇದೊಂದು ಬಿಯರ್ ಪ್ರಿಯ ಕೋತಿ ಎಂದು ತಮಾಷೆ ಮಾಡಿದ್ದಾರೆ.
