ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಬಹುಮಹಡಿ ವಸತಿ ಸಮುಚ್ಛಯದಿಂದ ಬೀಳುತ್ತಿದ್ದ ಮಗುವನ್ನು ಹಿಡಿದು ಕಾಪಾಡಿದ 'ದೇವರ' ಕೈ

Last Updated 25 ಜನವರಿ 2020, 5:38 IST
ಅಕ್ಷರ ಗಾತ್ರ

ಇಸ್ತಾಂಬುಲ್ (ಟರ್ಕಿ): ಬಹುಮಹಡಿ ವಸತಿ ಸಮುಚ್ಛಯದ ಕಿಟಿಕಿಯೊಂದರಿಂದ ಕೆಳಗೆ ಬೀಳುತ್ತಿದ್ದ ಹೆಣ್ಣು ಮಗುವೊಂದನ್ನು ರಸ್ತೆಯಲ್ಲಿ ನಿಂತಿದ್ದ ಯುವಕನೊಬ್ಬ ಕ್ಯಾಚ್ ಹಿಡಿದು ರಕ್ಷಿಸಿದ ವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದೆ.

ಇಸ್ತಾಂಬುಲ್ಫತೀಹಾ ಜಿಲ್ಲೆಯಲ್ಲಿ ನಡೆದ ಈ ಘಟನೆ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ದೋಹಾ ಮೊಹಮ್ಮದ್ ಎಂಬ ಮಗು ಕಟ್ಟಡದ ಎರಡನೇ ಮಹಡಿಯಿಂದ ಬೀಳುತ್ತಿರುವುದನ್ನು ಗಮನಿಸಿದ 17ರ ಹರೆಯದ ಫೆವುಜಿ ಜಬಾತ್ ಸುರಕ್ಷಿತವಾಗಿ ಕ್ಯಾಚ್ ಹಿಡಿದಿದ್ದಾರೆ. ಜಬಾತ್ ಮಗುವನ್ನು ಹಿಡಿದು ರಕ್ಷಿಸಿದಾಗಲೇ ಅಕ್ಕಪಕ್ಕದವರಿಗೆ ವಿಷಯ ಗೊತ್ತಾಗಿದ್ದು.

ನಾನು ಆ ಕ್ಷಣಕ್ಕೆ ಏನು ಮಾಡಬೇಕೋ ಅದನ್ನು ಮಾಡಿದೆ, ಇದೆಲ್ಲ ದೇವರ ಕೃಪೆ ಅಂತಾರೆ ಜಬಾತ್.

ಸ್ಥಳೀಯ ಮಾಧ್ಯಮಗಳ ಪ್ರಕಾರ ದೋಹಾ ಕಿಟಿಕಿಯಿಂದ ಹೊರಗೆ ಇಣುಕಿದಾಗ ಬಿದ್ದಿದ್ದಾಳೆ. ಈ ಹೊತ್ತಲ್ಲಿ ಆಕೆಯ ಅಮ್ಮ ಅಡುಗೆ ಮನೆಯಲ್ಲಿದ್ದರು.

ಮಗಳನ್ನು ರಕ್ಷಿಸಿದ್ದಕ್ಕೆ ದೋಹಾ ಅವರ ಕುಟುಂಬ ಜಬಾತ್‌ನ್ನು ಅಭಿನಂದಿಸಿದ್ದು, 200 ಟರ್ಕಿಶ್ ಲಿರಾ (50 ಡಾಲರ್) ಹಣವನ್ನು ಬಹುಮಾನವಾಗಿ ನೀಡಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT