<p>ಅಂತರಿಕ್ಷದಲ್ಲಿ ಹೋಟೆಲ್ ನಿರ್ಮಿಸುವ ಖಗೋಳ ವಿಜ್ಞಾನಿಗಳ ಯೋಚನೆಯ ಬಗ್ಗೆ ಮೊನ್ನೆ ಮೊನ್ನೆ ಓದಿದ್ದೀರಿ. ಅಂತರಿಕ್ಷದ ಹೋಟೆಲ್ನಲ್ಲಿ ಸಿಗಬಹುದಾದ ಆಹಾರಗಳ ತಯಾರಿಕೆಗೆ ಅಂತರಿಕ್ಷದಲ್ಲೇ ತರಕಾರಿ ಬೆಳೆದರೆ ಹೇಗಿರುತ್ತದೆ? <br /> <br /> ವಿಲಕ್ಷಣ ಯೋಚನೆ ಅಂದುಕೊಂಡಿರಾ? ಖಗೋಳ ವಿಜ್ಞಾನಿಗಳಿಗಂತೂ ಅಂತಹ ಯೋಚನೆ ಹೊಳೆದಿದೆ. ಆದರೆ, ಸ್ವಲ್ಪ ವ್ಯತ್ಯಾಸವಿದೆ. ಅವರು ಚಿಂತಿಸುತ್ತಿರುವುದು ಅಂತರಿಕ್ಷಕ್ಕೆ ತೆರಳುವ ಬಾಹ್ಯಾಕಾಶ ನೌಕೆಯಲ್ಲಿ ತರಕಾರಿ ತೋಟ ನಿರ್ಮಿಸುವ ಬಗ್ಗೆ. <br /> <br /> ನೌಕೆಯಲ್ಲಿ ಕಾಯಿ ಪಲ್ಲೆಗಳನ್ನು ಬೆಳೆದರೆ ಅದರಲ್ಲಿ ಪ್ರಯಾಣಿಸುವ ಗಗನಯಾನಿಗಳು ಸ್ವತಃ ಆಹಾರವನ್ನು ಸಿದ್ಧಪಡಿಸಿಕೊಂಡು ಅಂತರಿಕ್ಷಯಾನದ ಸಂದರ್ಭದಲ್ಲಿ ನೆಮ್ಮದಿಯಾಗಿ ಕೈಯೂಟ ಸವಿಯಬಹುದು ಎಂಬ ಯೋಚನೆ ಅವರದು.<br /> <br /> ಹೌದು. ಅಮೆರಿಕ ಬಾಹ್ಯಾಕಾಶ ಸಂಸ್ಥೆಯು (ನಾಸಾ) ಬಾಹ್ಯಾಕಾಶ ನೌಕೆಯಲ್ಲಿ ತರಕಾರಿ ಬೆಳೆಯುವ ಸಾಧ್ಯತೆಯ ಬಗ್ಗೆ ಗಂಭೀರ ಚಿಂತನೆ ನಡೆಸುತ್ತಿದೆ. `ನಾಸಾ~ದ ಈ ಚಿಂತನೆಗೆ ಕಾರಣಗಳೂ ಇಲ್ಲದಿಲ್ಲ.<br /> <br /> ಖಗೋಳ ವಿಜ್ಞಾನಿಗಳಲ್ಲಿ ತೀವ್ರ ಕುತೂಹಲ ಉಂಟು ಮಾಡಿರುವ ಮಂಗಳಗ್ರಹಕ್ಕೆ ಮಾನವನನ್ನು ಕಳುಹಿಸಿ ಅದರ ಬಗ್ಗೆ ಅಧ್ಯಯನ ಮಾಡುವುದು `ನಾಸಾ~ದ ಮಹಾತ್ವಾಕಾಂಕ್ಷೆ ಯೋಜನೆ. ಅದಕ್ಕಾಗಿ ಮಾನವ ಸಹಿತ ಬಾಹ್ಯಾಕಾಶ ನೌಕೆಯನ್ನು ಕೆಂಪುಗ್ರಹಕ್ಕೆ ಚಿಮ್ಮಿಸಲು ಯೋಜನೆ ರೂಪಿಸಿದೆ. 2030ರ ವೇಳೆಗೆ ಮಂಗಳನ ಅಂಗಳದಲ್ಲಿ ಮಾನವನನ್ನು ಇಳಿಸುವುದು ಅದರ ಗುರಿ.<br /> <br /> ಭೂಮಿಯಿಂದ ಸುಮಾರು 22.5 ಕೋಟಿ ಕಿಲೋಮೀಟರ್ನಷ್ಟು ದೂರವಿರುವ ಮಂಗಳಗ್ರಹಕ್ಕೆ ಗಗನ ಯಾನಿಗಳನ್ನು ಕಳುಹಿಸುವ `ನಾಸಾ~ದ ಯೋಜನೆ ಒಟ್ಟು ಐದು ವರ್ಷಗಳದ್ದು. ಇಷ್ಟು ದೀರ್ಘ ಅವಧಿ ಗಗನಯಾನಿಗಳು ಬಾಹ್ಯಾಕಾಶ ನೌಕೆಯಲ್ಲಿ/ ಶೂನ್ಯ ಗುರುತ್ವದಲ್ಲಿ ಇರಬೇಕಾಗುತ್ತದೆ. <br /> <br /> ಐದು ವರ್ಷಗಳ ಕಾಲ ಅಂತರಿಕ್ಷಯಾನಿಗಳಿಗೆ ಆಹಾರ ಒದಗಿಸುವುದು `ನಾಸಾ~ದ ಮುಂದಿರುವ ದೊಡ್ಡ ಸವಾಲು. ಈ ಸವಾಲನ್ನು ಎದುರಿಸಲು ಅದು ಹಲವು ದಾರಿಗಳ ಕುರಿತು ಚಿಂತನೆ ನಡೆಸುತ್ತಿದೆ. ನೌಕೆಯಲ್ಲಿ ಕೈತೋಟ ನಿರ್ಮಿಸುವ ಯೋಜನೆಯೂ ಹಲವು ದಾರಿಗಳಲ್ಲಿ ಒಂದು.<br /> <br /> ಹ್ಯೂಸ್ಟನ್ನಲ್ಲಿರುವ `ನಾಸಾ~ದ ಅಂತರಿಕ್ಷ ಆಹಾರ ವ್ಯವಸ್ಥೆಯ ಪ್ರಯೋಗಾಲಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಡಾ. ಮಯಾ ಕೂಪರ್ ಸ್ವತಃ ತಮ್ಮ ಎದುರಿಗಿರುವ ಬೃಹತ್ ಸವಾಲಿನ ಬಗ್ಗೆ ತಿಳಿಸಿದ್ದಾರೆ.<br /> <br /> `ಐದು ವರ್ಷಗಳ ಈ ಯೋಜನೆಯಲ್ಲಿ ಭಾಗವಹಿಸುವ ಪ್ರತಿ ಗಗನಯಾನಿಗಳಿಗೆ ಈ ಅವಧಿಯಲ್ಲಿ ಸುಮಾರು 3,175 ಕೆ.ಜಿ ಆಹಾರದ ಅವಶ್ಯಕತೆ ಇದೆ. ಇದೊಂದು ಬೃಹತ್ ಸವಾಲಾಗಿದ್ದು, ಯೋಜನೆಗಿರುವ ಪ್ರಮುಖ ಅಡಚಣೆಯೂ ಆಗಿದೆ. ಆಹಾರ ಪೂರೈಸುವ ವಿವಿಧ ಮಾರ್ಗಗಳ ಬಗ್ಗೆ ಯೋಚನೆ ಸಾಗಿದೆ. <br /> <br /> ಬಾಹ್ಯಾಕಾಶ ನೌಕೆಯಲ್ಲಿ ಜೀವ ಪುನರುಜ್ಜೀವನ ವ್ಯವಸ್ಥೆಯನ್ನು ಸ್ಥಾಪಿಸುವ ಸಾಧ್ಯತೆಗಳ ಬಗ್ಗೆ ಚಿಂತಿಸಲಾಗುತ್ತಿದೆ~ ಎಂದು ಮಯಾ ಕೂಪರ್ ಇತ್ತೀಚೆಗೆ ಡೆನ್ವರ್ನಲ್ಲಿ ನಡೆದ ಅಮೆರಿಕನ್ ಕೆಮಿಕಲ್ ಸೊಸೈಟಿಯ ವಾರ್ಷಿಕ ಸಭೆಯಲ್ಲಿ ಅಭಿಪ್ರಾಯ ಪಟ್ಟಿದ್ದಾರೆ.<br /> <br /> ಈ ಹೊಸ ವ್ಯವಸ್ಥೆಯು ಪ್ರಸ್ತುತ ಬಾಹ್ಯಾಕಾಶ ನೌಕೆಗೆ ಮತ್ತು ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕಾಗಿ ಅಭಿವೃದ್ಧಿ ಪಡಿಸಿರುವ ಆಹಾರ ವ್ಯವಸ್ಥೆಯಿಂದ ಸಂಪೂರ್ಣ ಭಿನ್ನವಾಗಿರಲಿದೆ ಎಂದು ಮಯಾ ವಿವರಿಸಿದ್ದಾರೆ.<br /> <br /> <strong>ಉಪಯೋಗ:</strong> ಬಾಹ್ಯಾಕಾಶ ನೌಕೆಯಲ್ಲಿ ಕೈ ತೋಟ ನಿರ್ಮಿಸುವುದರಿಂದ ಗಗನಯಾನಿಗಳಿಗೆ ಆರೋಗ್ಯಕರ ಆಹಾರ ದೊರಕುವುದಲ್ಲದೇ ಗಿಡಗಳಿಂದಾಗಿ ಹೆಚ್ಚಿನ ಆಮ್ಲಜನಕ ಸೃಷ್ಟಿಯಾಗಿ ಇಂಗಾಲದ ಡೈ ಆಕ್ಸೈಡ್ ಕಡಿವೆುಯಾಗಿ ನೌಕೆಯಲ್ಲಿನ ವಾತಾವರಣವೂ ಶುದ್ಧವಾಗುತ್ತದೆ ಎಂದು ನಾಸಾ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.<br /> <br /> ಏನೆಲ್ಲಾ ಬೆಳೆಯಬಹುದು:ತೋಟ ನಿರ್ಮಾಣ ಅಂದಾಕ್ಷಣ ಏನೆಲ್ಲಾ ಬೆಳೆಯಬಹುದು ಎಂಬ ಬಗ್ಗೆಯೂ ಚರ್ಚೆ ನಡೆದಿದೆ. ಹೆಚ್ಚು ಎತ್ತರ ಬೆಳೆಯದ, ಕಡಿಮೆ ಸ್ಥಳಾವಕಾಶದಲ್ಲಿ ಬೆಳೆಯುವ ತರಕಾರಿ ಗಿಡಗಳೇ ಆಗಬೇಕು. ನೌಕೆಯಲ್ಲಿರುವ ಮಿತಿಯಲ್ಲಿ ಬೆಳೆಸಬಹುದಾದ ಹತ್ತು ಕಾಯಿ ಪಲ್ಲೆಗಳ ಪಟ್ಟಿಯನ್ನೂ ವಿಜ್ಞಾನಿಗಳು ತಯಾರಿಸಿದ್ದಾರೆ.<br /> <br /> ಕೊತ್ತಂಬರಿ ಸೊಪ್ಪು, ಪಾಲಕ್ ಸೊಪ್ಪು, ಟೊಮೆಟೊ, ಗಜ್ಜರಿ, ಈರುಳ್ಳಿ, ಮೂಲಂಗಿ, ಮೆಣಸು, ಹೂಕೋಸು ಪ್ರಮುಖವಾಗಿ ಈ ಪಟ್ಟಿಯಲ್ಲಿ ಇವೆ. ಇದಲ್ಲದೇ ಕೆಲ ಮೂಲಿಕೆಗಳ ಹೆಸರೂ ಅದರಲ್ಲಿದೆ.<br /> <br /> ಕೈತೋಟ ಹೊರತಾಗಿ ಉಪಯುಕ್ತ ಆಹಾರಗಳ ಪೊಟ್ಟಣಗಳನ್ನು ತುಂಬಿರುವ ನೌಕೆಯೊಂದನ್ನು ಗಗನಯಾನಿಗಳ ಜೊತೆ ಮಂಗಳನ ಅಂಗಳಕ್ಕೆ ಕಳುಹಿಸುವ ಯೋಜನೆಯೂ `ನಾಸಾ~ದ ಮುಂದೆ ಇದೆ.<br /> <br /> ನೌಕೆಯಲ್ಲಿ ಕೈತೋಟ ನಿರ್ಮಾಣ ಸಾಧ್ಯವಾದರೆ ಗಗನಯಾನಿಗಳು ಮಂಗಳನ ಅಧ್ಯಯನ ಮಾಡುವುದರ ಜೊತೆಗೆ ಅಡುಗೆ ಭಟ್ಟರು ಆಗಬೇಕಾಗಿರುವುದಂತೂ ಸ್ಪಷ್ಟ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಅಂತರಿಕ್ಷದಲ್ಲಿ ಹೋಟೆಲ್ ನಿರ್ಮಿಸುವ ಖಗೋಳ ವಿಜ್ಞಾನಿಗಳ ಯೋಚನೆಯ ಬಗ್ಗೆ ಮೊನ್ನೆ ಮೊನ್ನೆ ಓದಿದ್ದೀರಿ. ಅಂತರಿಕ್ಷದ ಹೋಟೆಲ್ನಲ್ಲಿ ಸಿಗಬಹುದಾದ ಆಹಾರಗಳ ತಯಾರಿಕೆಗೆ ಅಂತರಿಕ್ಷದಲ್ಲೇ ತರಕಾರಿ ಬೆಳೆದರೆ ಹೇಗಿರುತ್ತದೆ? <br /> <br /> ವಿಲಕ್ಷಣ ಯೋಚನೆ ಅಂದುಕೊಂಡಿರಾ? ಖಗೋಳ ವಿಜ್ಞಾನಿಗಳಿಗಂತೂ ಅಂತಹ ಯೋಚನೆ ಹೊಳೆದಿದೆ. ಆದರೆ, ಸ್ವಲ್ಪ ವ್ಯತ್ಯಾಸವಿದೆ. ಅವರು ಚಿಂತಿಸುತ್ತಿರುವುದು ಅಂತರಿಕ್ಷಕ್ಕೆ ತೆರಳುವ ಬಾಹ್ಯಾಕಾಶ ನೌಕೆಯಲ್ಲಿ ತರಕಾರಿ ತೋಟ ನಿರ್ಮಿಸುವ ಬಗ್ಗೆ. <br /> <br /> ನೌಕೆಯಲ್ಲಿ ಕಾಯಿ ಪಲ್ಲೆಗಳನ್ನು ಬೆಳೆದರೆ ಅದರಲ್ಲಿ ಪ್ರಯಾಣಿಸುವ ಗಗನಯಾನಿಗಳು ಸ್ವತಃ ಆಹಾರವನ್ನು ಸಿದ್ಧಪಡಿಸಿಕೊಂಡು ಅಂತರಿಕ್ಷಯಾನದ ಸಂದರ್ಭದಲ್ಲಿ ನೆಮ್ಮದಿಯಾಗಿ ಕೈಯೂಟ ಸವಿಯಬಹುದು ಎಂಬ ಯೋಚನೆ ಅವರದು.<br /> <br /> ಹೌದು. ಅಮೆರಿಕ ಬಾಹ್ಯಾಕಾಶ ಸಂಸ್ಥೆಯು (ನಾಸಾ) ಬಾಹ್ಯಾಕಾಶ ನೌಕೆಯಲ್ಲಿ ತರಕಾರಿ ಬೆಳೆಯುವ ಸಾಧ್ಯತೆಯ ಬಗ್ಗೆ ಗಂಭೀರ ಚಿಂತನೆ ನಡೆಸುತ್ತಿದೆ. `ನಾಸಾ~ದ ಈ ಚಿಂತನೆಗೆ ಕಾರಣಗಳೂ ಇಲ್ಲದಿಲ್ಲ.<br /> <br /> ಖಗೋಳ ವಿಜ್ಞಾನಿಗಳಲ್ಲಿ ತೀವ್ರ ಕುತೂಹಲ ಉಂಟು ಮಾಡಿರುವ ಮಂಗಳಗ್ರಹಕ್ಕೆ ಮಾನವನನ್ನು ಕಳುಹಿಸಿ ಅದರ ಬಗ್ಗೆ ಅಧ್ಯಯನ ಮಾಡುವುದು `ನಾಸಾ~ದ ಮಹಾತ್ವಾಕಾಂಕ್ಷೆ ಯೋಜನೆ. ಅದಕ್ಕಾಗಿ ಮಾನವ ಸಹಿತ ಬಾಹ್ಯಾಕಾಶ ನೌಕೆಯನ್ನು ಕೆಂಪುಗ್ರಹಕ್ಕೆ ಚಿಮ್ಮಿಸಲು ಯೋಜನೆ ರೂಪಿಸಿದೆ. 2030ರ ವೇಳೆಗೆ ಮಂಗಳನ ಅಂಗಳದಲ್ಲಿ ಮಾನವನನ್ನು ಇಳಿಸುವುದು ಅದರ ಗುರಿ.<br /> <br /> ಭೂಮಿಯಿಂದ ಸುಮಾರು 22.5 ಕೋಟಿ ಕಿಲೋಮೀಟರ್ನಷ್ಟು ದೂರವಿರುವ ಮಂಗಳಗ್ರಹಕ್ಕೆ ಗಗನ ಯಾನಿಗಳನ್ನು ಕಳುಹಿಸುವ `ನಾಸಾ~ದ ಯೋಜನೆ ಒಟ್ಟು ಐದು ವರ್ಷಗಳದ್ದು. ಇಷ್ಟು ದೀರ್ಘ ಅವಧಿ ಗಗನಯಾನಿಗಳು ಬಾಹ್ಯಾಕಾಶ ನೌಕೆಯಲ್ಲಿ/ ಶೂನ್ಯ ಗುರುತ್ವದಲ್ಲಿ ಇರಬೇಕಾಗುತ್ತದೆ. <br /> <br /> ಐದು ವರ್ಷಗಳ ಕಾಲ ಅಂತರಿಕ್ಷಯಾನಿಗಳಿಗೆ ಆಹಾರ ಒದಗಿಸುವುದು `ನಾಸಾ~ದ ಮುಂದಿರುವ ದೊಡ್ಡ ಸವಾಲು. ಈ ಸವಾಲನ್ನು ಎದುರಿಸಲು ಅದು ಹಲವು ದಾರಿಗಳ ಕುರಿತು ಚಿಂತನೆ ನಡೆಸುತ್ತಿದೆ. ನೌಕೆಯಲ್ಲಿ ಕೈತೋಟ ನಿರ್ಮಿಸುವ ಯೋಜನೆಯೂ ಹಲವು ದಾರಿಗಳಲ್ಲಿ ಒಂದು.<br /> <br /> ಹ್ಯೂಸ್ಟನ್ನಲ್ಲಿರುವ `ನಾಸಾ~ದ ಅಂತರಿಕ್ಷ ಆಹಾರ ವ್ಯವಸ್ಥೆಯ ಪ್ರಯೋಗಾಲಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಡಾ. ಮಯಾ ಕೂಪರ್ ಸ್ವತಃ ತಮ್ಮ ಎದುರಿಗಿರುವ ಬೃಹತ್ ಸವಾಲಿನ ಬಗ್ಗೆ ತಿಳಿಸಿದ್ದಾರೆ.<br /> <br /> `ಐದು ವರ್ಷಗಳ ಈ ಯೋಜನೆಯಲ್ಲಿ ಭಾಗವಹಿಸುವ ಪ್ರತಿ ಗಗನಯಾನಿಗಳಿಗೆ ಈ ಅವಧಿಯಲ್ಲಿ ಸುಮಾರು 3,175 ಕೆ.ಜಿ ಆಹಾರದ ಅವಶ್ಯಕತೆ ಇದೆ. ಇದೊಂದು ಬೃಹತ್ ಸವಾಲಾಗಿದ್ದು, ಯೋಜನೆಗಿರುವ ಪ್ರಮುಖ ಅಡಚಣೆಯೂ ಆಗಿದೆ. ಆಹಾರ ಪೂರೈಸುವ ವಿವಿಧ ಮಾರ್ಗಗಳ ಬಗ್ಗೆ ಯೋಚನೆ ಸಾಗಿದೆ. <br /> <br /> ಬಾಹ್ಯಾಕಾಶ ನೌಕೆಯಲ್ಲಿ ಜೀವ ಪುನರುಜ್ಜೀವನ ವ್ಯವಸ್ಥೆಯನ್ನು ಸ್ಥಾಪಿಸುವ ಸಾಧ್ಯತೆಗಳ ಬಗ್ಗೆ ಚಿಂತಿಸಲಾಗುತ್ತಿದೆ~ ಎಂದು ಮಯಾ ಕೂಪರ್ ಇತ್ತೀಚೆಗೆ ಡೆನ್ವರ್ನಲ್ಲಿ ನಡೆದ ಅಮೆರಿಕನ್ ಕೆಮಿಕಲ್ ಸೊಸೈಟಿಯ ವಾರ್ಷಿಕ ಸಭೆಯಲ್ಲಿ ಅಭಿಪ್ರಾಯ ಪಟ್ಟಿದ್ದಾರೆ.<br /> <br /> ಈ ಹೊಸ ವ್ಯವಸ್ಥೆಯು ಪ್ರಸ್ತುತ ಬಾಹ್ಯಾಕಾಶ ನೌಕೆಗೆ ಮತ್ತು ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣಕ್ಕಾಗಿ ಅಭಿವೃದ್ಧಿ ಪಡಿಸಿರುವ ಆಹಾರ ವ್ಯವಸ್ಥೆಯಿಂದ ಸಂಪೂರ್ಣ ಭಿನ್ನವಾಗಿರಲಿದೆ ಎಂದು ಮಯಾ ವಿವರಿಸಿದ್ದಾರೆ.<br /> <br /> <strong>ಉಪಯೋಗ:</strong> ಬಾಹ್ಯಾಕಾಶ ನೌಕೆಯಲ್ಲಿ ಕೈ ತೋಟ ನಿರ್ಮಿಸುವುದರಿಂದ ಗಗನಯಾನಿಗಳಿಗೆ ಆರೋಗ್ಯಕರ ಆಹಾರ ದೊರಕುವುದಲ್ಲದೇ ಗಿಡಗಳಿಂದಾಗಿ ಹೆಚ್ಚಿನ ಆಮ್ಲಜನಕ ಸೃಷ್ಟಿಯಾಗಿ ಇಂಗಾಲದ ಡೈ ಆಕ್ಸೈಡ್ ಕಡಿವೆುಯಾಗಿ ನೌಕೆಯಲ್ಲಿನ ವಾತಾವರಣವೂ ಶುದ್ಧವಾಗುತ್ತದೆ ಎಂದು ನಾಸಾ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.<br /> <br /> ಏನೆಲ್ಲಾ ಬೆಳೆಯಬಹುದು:ತೋಟ ನಿರ್ಮಾಣ ಅಂದಾಕ್ಷಣ ಏನೆಲ್ಲಾ ಬೆಳೆಯಬಹುದು ಎಂಬ ಬಗ್ಗೆಯೂ ಚರ್ಚೆ ನಡೆದಿದೆ. ಹೆಚ್ಚು ಎತ್ತರ ಬೆಳೆಯದ, ಕಡಿಮೆ ಸ್ಥಳಾವಕಾಶದಲ್ಲಿ ಬೆಳೆಯುವ ತರಕಾರಿ ಗಿಡಗಳೇ ಆಗಬೇಕು. ನೌಕೆಯಲ್ಲಿರುವ ಮಿತಿಯಲ್ಲಿ ಬೆಳೆಸಬಹುದಾದ ಹತ್ತು ಕಾಯಿ ಪಲ್ಲೆಗಳ ಪಟ್ಟಿಯನ್ನೂ ವಿಜ್ಞಾನಿಗಳು ತಯಾರಿಸಿದ್ದಾರೆ.<br /> <br /> ಕೊತ್ತಂಬರಿ ಸೊಪ್ಪು, ಪಾಲಕ್ ಸೊಪ್ಪು, ಟೊಮೆಟೊ, ಗಜ್ಜರಿ, ಈರುಳ್ಳಿ, ಮೂಲಂಗಿ, ಮೆಣಸು, ಹೂಕೋಸು ಪ್ರಮುಖವಾಗಿ ಈ ಪಟ್ಟಿಯಲ್ಲಿ ಇವೆ. ಇದಲ್ಲದೇ ಕೆಲ ಮೂಲಿಕೆಗಳ ಹೆಸರೂ ಅದರಲ್ಲಿದೆ.<br /> <br /> ಕೈತೋಟ ಹೊರತಾಗಿ ಉಪಯುಕ್ತ ಆಹಾರಗಳ ಪೊಟ್ಟಣಗಳನ್ನು ತುಂಬಿರುವ ನೌಕೆಯೊಂದನ್ನು ಗಗನಯಾನಿಗಳ ಜೊತೆ ಮಂಗಳನ ಅಂಗಳಕ್ಕೆ ಕಳುಹಿಸುವ ಯೋಜನೆಯೂ `ನಾಸಾ~ದ ಮುಂದೆ ಇದೆ.<br /> <br /> ನೌಕೆಯಲ್ಲಿ ಕೈತೋಟ ನಿರ್ಮಾಣ ಸಾಧ್ಯವಾದರೆ ಗಗನಯಾನಿಗಳು ಮಂಗಳನ ಅಧ್ಯಯನ ಮಾಡುವುದರ ಜೊತೆಗೆ ಅಡುಗೆ ಭಟ್ಟರು ಆಗಬೇಕಾಗಿರುವುದಂತೂ ಸ್ಪಷ್ಟ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
