ಹಿಂದುತ್ವದ ಅಪಹರಣ!

ಕೈಕಮಾಂಡಿನಿಂದ ನಮ್ಮ ಮಾಜಿ ಸಿಎಮ್ಮಯ್ಯರಿಗೆ ಬೆಳ್ಳಂಬೆಳಿಗ್ಗೆ ತುರ್ತು ಬುಲಾವ್ ಬಂತು. ಗೊರಕೆ ಹೊಡೆಯುತ್ತಲೇ ವಿಮಾನ ಹತ್ತಿದ ಮಾಜಿ ಸಿಎಮ್ಮಯ್ಯ ಕೆಲವೇ ಗಂಟೆಗಳಲ್ಲಿ ರಾಯಲ್ ಗಾಂಧಿ ಮುಂದೆ ಕುಳಿತಿದ್ದರು.

. ‘ಏನಿಲ್ಲ ಸಿಎಮ್ಮಯ್ಯಾಜೀ… ರಾತ್ರಿ ಒಂದು ಅದ್ಭುತ ಕನಸು ಬಿತ್ತು. ಅದರಲ್ಲಿ, ಬರುವ ಲೋಕಸಭೆ ಚುನಾವಣೆಯಲ್ಲಿ ನಾವು ಪ್ರಚಂಡ ಬಹುಮತದಿಂದ ಗೆಲ್ಲುವ ದೃಶ್ಯವನ್ನು ತ್ರಿ-ಡಿ ಯಲ್ಲಿ ನೋಡಿದಂತಾಯಿತು’.

. ‘ಓಹ್! ಅದು ನಿಜಕ್ಕೂ ಅದ್ಭುತ ಕನಸು ರಾಯಲ್ಜೀ! ಆದರೆ ಹಾಗೇ ಸುಖಾಸುಮ್ಮನೆ ಗೆಲ್ಲುವುದೆಂದರೆ ಹೇಗೆ? ಈ ಕನಸು ಮತ್ತು ಜ್ಯೋತಿಷಿಗಳನ್ನು ನಂಬುವ ಹಾಗಿಲ್ಲ‘.

. ‘ಇಲ್ಲ, ಸಿಎಮ್ಮಯ್ಯಜೀ… ಹಾಗೇ ಆರಾಮವಾಗಿ ಗೆದ್ದ ಕನಸೇನಲ್ಲ. ನಾವು ಹಿಂದುತ್ವವನ್ನು ಮುಂದಿಟ್ಟುಕೊಂಡು ಗೆದ್ದದ್ದು!’

. ‘ಅಂದರೆ ನೀವು ಹೇಳೋದು... ಮೃದು ಹಿಂದುತ್ವದ ಬಗ್ಗೆ…?’

. ‘ನೋ ನೋ! ಇದು ಬಾಜಪ್ಪರು ಉಪಯೋಗಿಸುತ್ತಿದ್ದ ಹಿಂದುತ್ವ. ನಮ್ಮ ಕುತಂತ್ರರೂರ್ಜೀ ಅದನ್ನು ಅಲ್ಲಿಂದ ಅಪಹರಿಸಿದ್ದಾರೆ’.

. ‘ಅಯ್ಯೋ! ಆ ಹಿಂದುತ್ವ ಬಹಳ ಡೇಂಜರು! ಬೇಡ, ರಾಯಲ್ಜೀ… ನಮಗೆ ಮೃದು ಹಿಂದುತ್ವ ಸಾಕು’.

. ‘ನೋಡಿ, ನಿಮಗೆ ಕೇಂದ್ರ ಸಚಿವರಾಗಬೇಕೋ ಬೇಡವೋ?’

. ‘ಖಂಡಿತ! ವಿತ್ತ ಸಚಿವನಾಗಬೇಕೂಂತ ತುಂಬಾ ಆಸೆಯಿದೆ’.

. ‘ಹಾಗಾದ್ರೆ ಸುಮ್ಮನೆ ಗುಟುರುಗಿಟುರು ಅನ್ನದೆ ನನ್ನ ಮಾತು ಕೇಳಿ. ನಮ್ಮ ಪಕ್ಷ ಬಾಜಪ್ಪರ ಹಿಂದುತ್ವ ತಂತ್ರ ಬಳಸಿ ಹಿಂದೂಗಳನ್ನು ಬುಟ್ಟಿಗೆ ಹಾಕಿಕೊಳ್ಳೋಕೆ ನಾನಂತೂ ನಿರ್ಧರಿಸಿದ್ದೇನೆ’.

. ‘ಅದಕ್ಕೆ ಬೇಕಾದ ಸೂತ್ರಗಳೇನಾದರೂ ಕನಸಿನಲ್ಲಿ ಕಂಡಿದ್ದೀರಾ?’

. ‘ಸಿಎಮ್ಮಯ್ಯಾಜೀ, ತಮಾಷೆ ಮಾಡ್ತೀರೇನು? ಈಚೆಗೆ ನಾನು ಹೊಸ ಹೊಸ ಯೋಚನೆಗಳಿಗೆ ಬೇರೆಯವರ ತಲೆಯನ್ನು ಬಳಸಿಕೊಳ್ಳುತಿಲ್ಲ ಎಂದು ನಿಮಗೆ ಗೊತ್ತಿರಲಿ’.

. ‘ವೋಟಿಗಾಗಿ ದೇವಾಲಯಗಳಿಗೆ ಓಟ ಬಿಟ್ಟರೆ… ಗೆಲ್ಲಲು ಇನ್ಯಾವ ಸೂತ್ರವಿದೆ?’

. ‘ನಾನು ಬರೀ ದೇವಾಲಯಗಳಿಗೆ ಓಡಿದರೆ ಸಾಲದು. ನಮ್ಮ ಚುನಾವಣಾ ಪ್ರಣಾಳಿಕೆಯ ಪ್ರಮುಖ ಭರವಸೆಯೇ- ‘ನಾವು ರಾಮ ಮಂದಿರ ಕಟ್ಟುತ್ತೇವೆ!’

. ‘ಓ ಮೈ ಗಾಡ್! ನಮ್ಮ ಮುಸ್ಲಿಂ ವೋಟು ಬ್ಯಾಂಕಿನ ಗತಿ? ಬೇಡ, ಇದು ತಪ್ಪುಹೆಜ್ಜೆ!’

. ‘ರೀ! ನೀವು ವಿತ್ತ ಸಚಿವ ಆಗಬೇಕೋ ಬೇಡವೋ?’

. ‘ಆಗಬೇಕು... ಆದರೂ...’

. ‘ಹಾಗಾದ್ರೆ ಸುಮ್ನೆ ಕೋಲೆ ಬಸವನಂತೆ ಕೇಳಿ! ರಾಮ ಮಂದಿರ ಅಷ್ಟೇ ಅಲ್ಲ, ಅದರ ಪಕ್ಕದಲ್ಲೇ ಸರ್ದಾರ್ ಪ್ರತಿಮೆಗಿಂತ ಮೂರು ಪಟ್ಟು ದೊಡ್ಡ ಆಂಜನೇಯನ ಪ್ರತಿಮೆಯ ಸ್ಥಾಪನೆ ಕೂಡಾ ಇನ್ನೊಂದು ಭರವಸೆ. ಅವನು ಪರಿಶಿಷ್ಟ ಜಾತಿಗೆ ಸೇರಿದವನೂ ಆಗಿರುವುದರಿಂದ ಮತಗಳಿಕೆ ಸುಲಭ’.

. ‘ಯಾರು, ನಮ್ಮ ಮಾಜಿ ಸಚಿವ ಆಂಜನೇಯನೇ?’

. ‘ಅವರಲ್ರೀ! ಮೊನ್ನೆ ಬಾಜಪ್ಪರು ಆಂಜನೇಯ ಒಬ್ಬ ದಲಿತ ಅಂದಿದ್ದು ಗೊತ್ತಿಲ್ವಾ?’

. ಓಹ್! ಹಾಗಾದರೆ ನಿಮ್ಮನ್ನು ಹನುಮಾನ್ ಭಕ್ತ ಎಂದು ಪ್ರಚಾರ ಮಾಡಬಹುದು!’

. ‘ನನ್ನನ್ನು ಈಗಾಗಲೇ ಜನ ಶಿವಭಕ್ತ ಎಂದು ಗುರುತಿಸಿದ್ದಾರಲ್ರೀ…’

. ‘ಹಾಗನ್ನಬೇಡಿ! ಎಲ್ಲಾ ಹಿಂದೂಗಳಂತೆ ಎಲ್ಲಾ ದೇವರಿಗೆ ನಿಮ್ಮ ಭಕ್ತಿ ಹಂಚದಿದ್ದರೆ, ನೀವೊಬ್ಬ ಹಿಂದೂವೇ ಅಲ್ಲ ಎಂಬ ಗುಮಾನಿ ಬಲವಾಗುತ್ತದೆ!‘

. ‘ಸರಿ, ಭಜರಂಗ ಬಲಿ ಕೀ ಜೈ!’

. ‘ಈಗಾಗಲೇ ಜನರು ನಿಮ್ಮನ್ನು ಆಜನ್ಮ ಬ್ರಹ್ಮಚಾರಿ ಎಂದು ತಿಳಿದುಕೊಂಡಿದ್ದಾರೆ. ನೀವೊಬ್ಬ ಹನುಮಾನ್ ಭಕ್ತ ಎಂದು ಗೊತ್ತಾದರೆ ಅವರಿಗೆ ನಿಮ್ಮ ಮೇಲೆ ಅಭಿಮಾನ ಇಮ್ಮಡಿಯಾಗುತ್ತದೆ’.

. ‘ಹೌದಲ್ಲ! ಹನುಮಾನ್ ಭಕ್ತನಾಗಿರುವುದರಿಂದ ನಾನು ರಾಮ ಮಂದಿರ ಕಟ್ಟೇ ಕಟ್ಟುತ್ತೇನೆ ಎಂದು ಜನ ದೃಢವಾಗಿ ನಂಬುತ್ತಾರೆ. ಜೈ ಭಜರಂಗ ಬಲಿಕೀ ಜೈ!’

. ‘ನಿಜ, ಜೈ ಭಜರಂಗ ಬಲಿಕೀ ಜೈ ಎಂಬ ಘೋಷ ವಾಕ್ಯವನ್ನು ಪ್ರತೀ ಭಾಷಣದ ಅಂತ್ಯದಲ್ಲಿ ಹೇಳಿದರೆ ಚೆನ್ನಾಗಿರುತ್ತೆ!’

. ‘ಅದಕ್ಕೇನಂತೆ? ಅದೂ ಹೇಳೋಣ. ಅಂದಹಾಗೆ ಬೆಂಗಳೂರು ರಾಜ್ಯದಲ್ಲಿ ಕೂಡಲೇ ವಿಷ್ಣು ಮಂದಿರ ನಿರ್ಮಿಸಲು ಹೇಳಿ. ವಿಷ್ಣು ಭಕ್ತರ ಮತ ಸಿಗಬೇಕಲ್ಲ’.

. ‘ಅದು ಬಿಟ್ಬಿಡಿ, ಆ ವಿಷ್ಣು ದೇವರಲ್ಲ. ಅದೆಲ್ಲಾ ಸರಿ, ನೀವು ಬಾಜಪ್ಪರ ಹಿಂದುತ್ವವನ್ನು ಹೀಗೆ ಸಾರಾಸಗಟಾಗಿ ಬಳಸುವಾಗ ಅವರೇನು ಸುಮ್ಮನಿರುತ್ತಾರೆಯೇ?’

. ‘ಅವರಿಗೆ ಈಗ ಹಿಂದುತ್ವವೇ ಬೇಡ. ಸಂಘ, ಸಂತರ ಸಹವಾಸವೂ ಸಾಕೆನಿಸಿದೆಯಂತೆ. ಯಾಕೆಂದರೆ ಅವರದ್ದು ಈಗ ಮೋದಿತ್ವ!’

. ‘ಯಸ್! ಹಾಗಾದರೆ ರಾಯಲ್ಜೀ, ಒಂದು ವಾರ ನಮ್ಮ ಹಳ್ಳಿಗೆ ಬನ್ನಿ. ಸಗಣಿ ಎತ್ತೋಕೆ ಕಲಿಸ್ತೀನಿ’.

. ‘ಅದ್ಯಾಕ್ರೀ?’

. ‘ನೀವೊಬ್ಬ ಗೋರಕ್ಷಕ ಎಂದೂ ಬಿಂಬಿಸಬೇಕಲ್ಲ...!’

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಹಿಂದುತ್ವದ ಅಪಹರಣ!

ಚಿನಕುರುಳಿ: ಗುರುವಾರ, 18 ಸೆಪ್ಟೆಂಬರ್ 2025

ಚಿನಕುರುಳಿ: ಬುಧವಾರ, 17 ಸೆಪ್ಟೆಂಬರ್ 2025

ಚುರುಮುರಿ: ಮಂತ್ರಿ ಸಂದರ್ಶನ

ಹಿಂದೂ ಮತ ವಿಭಜಿಸುವ ಕೆಲಸ ಮಾಡಲ್ಲ: ಶಾಸಕ ಬಸನಗೌಡ ‍ಪಾಟೀಲ ಯತ್ನಾಳ

ಜಾವೆಲಿನ್ ಥ್ರೋ: ವಿಶ್ವ ಚಾಂಪಿಯನ್‌ಶಿಪ್‌ನಿಂದ ಹೊರಬಿದ್ದ ನೀರಜ್ ಚೋಪ್ರಾ

ಭೂಕಂಪ ಪೀಡಿತ ಅಫ್ಗಾನ್‌ಗೆ ಏಷ್ಯಾ ಕಪ್ ಗೆಲುವು ಅತ್ಯಗತ್ಯ: ಗುಲ್ಬದಿನ್ ನೈಬ್

Asia Cup: ಪಾಕ್ ಪಂದ್ಯಕ್ಕೂ ಮುನ್ನ ಭಾರತೀಯ ಬ್ಯಾಟರ್‌ಗಳಿಗೆ ಒಮಾನ್ ಪರೀಕ್ಷೆ

China Masters: ಪಿ.ವಿ. ಸಿಂಧು ಕ್ವಾರ್ಟರ್ ಫೈನಲ್‌ಗೆ ಲಗ್ಗೆ

ಒಳನೋಟ: ಕಿರಾಣಿ ಅಂಗಡಿಗಳಿಗೆ ಗ್ರಹಣ

ಒಳನೋಟ | ನೆರೆ ಸಂತ್ರಸ್ತರ ತೀರದ ಬವಣೆ

Elephant Attack | ಆನೆ ದಾಳಿ ಸಂತ್ರಸ್ತರ ಅರಣ್ಯ ರೋದನ

ಒಳನೋಟ: ಬೆಳಗಾವಿ, ಮಹಾರಾಷ್ಟ್ರ ಗಡಿಯಲ್ಲಿ ಮದ್ಯ ಅಕ್ರಮ ಸಾಗಣೆ ನಿರಂತರ..!

ಚಿನಕುರುಳಿ: ಗುರುವಾರ, 18 ಸೆಪ್ಟೆಂಬರ್ 2025

ಚಿನಕುರುಳಿ: ಬುಧವಾರ, 17 ಸೆಪ್ಟೆಂಬರ್ 2025

ಚುರುಮುರಿ: ಮಂತ್ರಿ ಸಂದರ್ಶನ

ಹಿಂದೂ ಮತ ವಿಭಜಿಸುವ ಕೆಲಸ ಮಾಡಲ್ಲ: ಶಾಸಕ ಬಸನಗೌಡ ‍ಪಾಟೀಲ ಯತ್ನಾಳ