ಗದಗ ಜಿಲ್ಲೆಗೆ ಈಗ ಬೆಳ್ಳಿ ಹಬ್ಬದ ಸಂಭ್ರಮ. ಮುದ್ರಣ ಕಾಶಿ ಎನಿಸಿಕೊಂಡಿರುವ ಗದಗ, ಪುಷ್ಪಕಾಶಿ ಲಕ್ಕುಂಡಿ, ಪೇರಲದ ಸ್ವರ್ಗ ಡಂಬಳ, ಬಂಡಾಯದ ನಾಡು ನರಗುಂದ, ವಿದೇಶಿ ಪಕ್ಷಿಗಳ ಕಲರವ ಕೇಳಿಬರುವ ಶಿರಹಟ್ಟಿ ತಾಲ್ಲೂಕಿನ ಮಾಗಡಿ ಕೆರೆ, ಊರಲ್ಲಿನ ಮನೆಗಳಿಗೆ ಬಾಗಿಲುಗಳೇ ಇಲ್ಲದ ದಾವಲ್ ಮಲಿಕ್ ದರ್ಗಾ, ಸಹಕಾರಿ ಕ್ಷೇತ್ರದ ತವರು ಎನಿಸಿರುವ ಕಣಗಿನಹಾಳ ಹೀಗೆ ಹಲವು ಸ್ಥಳಗಳು ಗದಗ ಜಿಲ್ಲೆಯ ವಿಶಿಷ್ಟ ತಾಣಗಳು. ಇಂತಹ ಹಲವು ವೈವಿಧ್ಯಗಳನ್ನು ಹೊಂದಿರುವ ಗದಗ ಜಿಲ್ಲೆ 25 ವರ್ಷಗಳ ಹಿಂದೆ ಹೇಗಿತ್ತೋ ಈಗಲೂ ಹೆಚ್ಚು ಕಡಿಮೆ ಅದೇ ರೀತಿ ಇದೆ.