ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕವಿತೆ | ಅದರಿಂದಲೇ..

Last Updated 5 ಜುಲೈ 2020, 1:22 IST
ಅಕ್ಷರ ಗಾತ್ರ

ಕೋಣೆ ನನ್ನ ಸುತ್ತ
ನಿಂತುಕೊಂಡಿದೆ
ಮಲಗಿದರೆ ಹಾವು
ಹಾಡುತ್ತದೆ
ನಾನೇ ಬಿಟ್ಟುಕೊಂಡಿದ್ದು
ನಿದ್ದೆ ಬರಲಿ ಎಂದು.
ಈಗ
ಅವುಗಳ ಜೊತೆಗೆ
ಅದೆ ಅದೇ ಆಟವಾಡಿ
ಬೇಸರ ಬಂದಿದೆ
ಒಮ್ಮೊಮ್ಮೆ
ನಕ್ಷತ್ರಗಳನ್ನು
ತಿಂಗಳ ಬೆಳಕಲ್ಲಿ ಬೇಯಿಸೋಣ
ಅನಿಸುತ್ತದೆ
ಆದರೆ ನನಗೆ
ನಿರಂತರ ನಡೆಯುವುದು
ಕಷ್ಟ
ನನ್ನೊಳಗೆ ಹರಿವ
ನದಿ ಕಾಡು ಕಡಲು
ಮರುಭೂಮಿಯ ಕುಡಿದಂತಿವೆ
ದಿನಗಳು ಮಗುಚುತ್ತಿವೆ
ಕಾವಲಿಯ ಮೇಲೆ
ಅದನ್ನು
ನಾನೇ ತಿನ್ನುತ್ತಿದ್ದೇನೆ

ಎಲ್ಲವೂ ಅದರಿಂದಲೇ
ಬಂದಿರಬಹುದು ಎನ್ನುವ
ಗಾಳಿಯನ್ನು ಉಸಿರಾಡುತ್ತಾ.

-ರಾಜು ಹೆಗಡೆ

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT