ನನಗೆ ಸಿ.ಎ. ಬಗ್ಗೆ ಏನೂ ಗೊತ್ತಿರಲಿಲ್ಲ. ಎಸ್‌ಎಸ್‌ಎಲ್‌ಸಿಯಲ್ಲಿ ಶೇ 97ರಷ್ಟು ಅಂಕ ಗಳಿಸಿದೆ. ದ್ವಿತೀಯ ಪಿಯುನಲ್ಲೂ ಉತ್ತರ ಕನ್ನಡ ಜಿಲ್ಲೆಗೆ ರ‍್ಯಾಂಕ್‌ ಬಂತು. ಆಗ ನಾನು ಓದುತ್ತಿದ್ದ ಮಾರಿಕಾಂಬ ಸರ್ಕಾರಿ ಕಾಲೇಜಿನ ಪ್ರಾಂಶುಪಾಲರು ‘ಮುಂದೆ ಸಿ.ಎ. ಓದು, ಒಳ್ಳೆಯ ಅವಕಾಶಗಳಿವೆ’ ಎಂದರು. ಬಿ.ಕಾಂ. ಮೊದಲ ವರ್ಷದಲ್ಲಿದ್ದಾಗಲೇ ಫೌಂಡೇಷನ್‌ ಪರೀಕ್ಷೆಗೆ ಕೂತು ಪಾಸಾದೆ. ಬಿ.ಕಾಂ. ಮುಗಿಯುವ ಹೊತ್ತಿಗಾಗಲೇ ಸಿ.ಎ. ಇಂಟರ್‌ ಪಾಸ್‌ ಮಾಡಿದೆ. ಬಿ.ಕಾಂ.ನಲ್ಲೂ ಕರ್ನಾಟಕ ವಿಶ್ವವಿದ್ಯಾಲಯಕ್ಕೆ ಐದನೇ ರ‍್ಯಾಂಕ್‌. ಕಳೆದ ನವೆಂಬರ್‌ನಲ್ಲಿ ಸಿ.ಎ. ಫೈನಲ್‌ ಪರೀಕ್ಷೆ ಕೂಡ ಪಾಸ್‌ ಆಯಿತು.
