ಮಂಗಳವಾರ, ಏಪ್ರಿಲ್ 13, 2021
30 °C
ಸ್ತ್ರೀ ಸವಾಲು ಸಾಧನೆ

ಮಹಿಳಾ ದಿನಾಚರಣೆ: ಪ್ರಜ್ಞಾ; ಪ್ರತಿಭೆಯ ಪ್ರಭೆ

ನಿರೂಪಣೆ: ಎಸ್ಸೆಚ್‌ Updated:

ಅಕ್ಷರ ಗಾತ್ರ : | |

Prajavani

ನನಗೆ ಸಿ.ಎ. ಬಗ್ಗೆ ಏನೂ ಗೊತ್ತಿರಲಿಲ್ಲ. ಎಸ್‌ಎಸ್‌ಎಲ್‌ಸಿಯಲ್ಲಿ ಶೇ 97ರಷ್ಟು ಅಂಕ ಗಳಿಸಿದೆ. ದ್ವಿತೀಯ ಪಿಯುನಲ್ಲೂ ಉತ್ತರ ಕನ್ನಡ ಜಿಲ್ಲೆಗೆ ರ‍್ಯಾಂಕ್‌ ಬಂತು. ಆಗ ನಾನು ಓದುತ್ತಿದ್ದ ಮಾರಿಕಾಂಬ ಸರ್ಕಾರಿ ಕಾಲೇಜಿನ ಪ್ರಾಂಶುಪಾಲರು ‘ಮುಂದೆ ಸಿ.ಎ. ಓದು, ಒಳ್ಳೆಯ ಅವಕಾಶಗಳಿವೆ’ ಎಂದರು. ಬಿ.ಕಾಂ. ಮೊದಲ ವರ್ಷದಲ್ಲಿದ್ದಾಗಲೇ ಫೌಂಡೇಷನ್‌ ಪರೀಕ್ಷೆಗೆ ಕೂತು ಪಾಸಾದೆ. ಬಿ.ಕಾಂ. ಮುಗಿಯುವ ಹೊತ್ತಿಗಾಗಲೇ ಸಿ.ಎ. ಇಂಟರ್‌ ಪಾಸ್‌ ಮಾಡಿದೆ. ಬಿ.ಕಾಂ.ನಲ್ಲೂ ಕರ್ನಾಟಕ ವಿಶ್ವವಿದ್ಯಾಲಯಕ್ಕೆ ಐದನೇ ರ‍್ಯಾಂಕ್‌. ಕಳೆದ ನವೆಂಬರ್‌ನಲ್ಲಿ ಸಿ.ಎ. ಫೈನಲ್‌ ಪರೀಕ್ಷೆ ಕೂಡ ಪಾಸ್‌ ಆಯಿತು.

ಓದಿದ್ದೆಲ್ಲ ಸರ್ಕಾರಿ ಶಾಲೆ– ಕಾಲೇಜಿನಲ್ಲಿ. ಅಪ್ಪ ಗಣೇಶ ಕಾಕಡೆ ಮತ್ತು ಅಮ್ಮ ಕಲಾವತಿ ಬೀದಿ ಬದಿಯಲ್ಲಿ ಬಟ್ಟೆ ಮಾರಾಟ ಮಾಡುತ್ತಾರೆ. ಎಸ್‌ಎಸ್‌ಎಲ್‌ಸಿ, ಪಿಯುನಲ್ಲಿ ಸುಮಾರು ಕಡೆಯಿಂದ ಬೇರೆ ಬೇರೆ ಸ್ಕಾಲರ್‌ಶಿಪ್‌ಗಳು ಸಿಕ್ಕಿದವು. ನಾನು ಆ ಸ್ಕಾಲರ್‌ಶಿಪ್‌ ದುಡ್ಡನ್ನೆಲ್ಲ ಜೋಪಾನ ಮಾಡಿದ್ದೆ. ಬಿ.ಕಾಂ. ಓದುತ್ತಿರುವಾಗಲೇ ಎರಡೂವರೆ ವರ್ಷಗಳ ಕಾಲ ಒಂದರಿಂದ 10ನೇ ತರಗತಿಯವರೆಗಿನ ಮಕ್ಕಳಿಗೆ ಮನೆಪಾಠ ಮಾಡಿ ದುಡ್ಡು ಗಳಿಸಿದೆ. ಮತ್ತೆ ಅಮ್ಮ ಒಂದಿಷ್ಟು ಸಾಲ ಮಾಡಿ ಹಣ ಕೊಟ್ಟರು. ಇದನ್ನೆಲ್ಲ ಸಿ.ಎ. ಓದಿಗೆ ಬಳಸಿಕೊಂಡೆ.

ಆರ್ಟಿಕಲ್‌ಶಿಪ್‌ ಅನ್ನು ಶಿರಸಿಯ ಲೆಕ್ಕ ಪರಿಶೋಧಕ ಎಸ್‌.ಜಿ. ಹೆಗಡೆ ಸರ್‌ ಅವರಲ್ಲಿ ಮಾಡಿದೆ. ಅವರೇ ಎಲ್ಲಾ ಮಾರ್ಗದರ್ಶನ ನೀಡಿದರು. ಈಗಲೂ ಅಲ್ಲೇ ಕೆಲಸ ಮಾಡುತ್ತಿದ್ದು, ಮುಂದೆ ಶಿರಸಿಯಲ್ಲೇ ಇದ್ದು ಪ್ರ್ಯಾಕ್ಟೀಸ್‌ ಮಾಡಬೇಕು ಎಂದುಕೊಂಡಿದ್ದೇನೆ. ಇದರಿಂದ ಬೇರೆಯವರಿಗೂ ಉದ್ಯೋಗ ಕೊಡಬಹುದು. ಹಾಗೆಯೇ ಬೇರೆ ದೇಶಗಳ ಔಟ್‌ಸೋರ್ಸ್‌ ಕೂಡ ತಗೋಬಹುದು. ಇಷ್ಟು ಬೇಗ ಸಿ.ಎ. ಪಾಸ್‌ ಮಾಡಿದ್ದಕ್ಕೆ ಕಾರಣ ಹಾರ್ಡ್‌ವರ್ಕ್‌ ಮತ್ತು ಡೆಡಿಕೇಶನ್‌. ಇದರ ಜೊತೆಗೆ ಪ್ಯಾಶನ್‌ ಕೂಡ ಇದ್ದರೆ ಯಾರು ಬೇಕಾದರೂ ಸಿ.ಎ. ಮಾಡಬಹುದು. ಇದರಲ್ಲಿ ಉದ್ಯೋಗಾವಕಾಶ ಸಾಕಷ್ಟಿವೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು