<p>ಕೆಎಎಸ್ ಅಧಿಕಾರಿಯಾಗಿರುವ ಗಂಗೂಬಾಯಿ ಮಾನಕರ ವಿಜಾಪುರ ಜಿಲ್ಲೆಯ ಸಿಂದಗಿಯವರು. ವಿಜಾಪುರ ಜಿಲ್ಲಾ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಅವರು ಈ ಬಾರಿ `ಮನೆ-ಜಗತ್ತು~ ಅಂಕಣದಲ್ಲಿ ನಮ್ಮಂದಿಗೆ ಮುಖಾಮುಖಿಯಾಗಿದ್ದಾರೆ.</p>.<p>ಮಹಿಳಾ ಅಧಿಕಾರಿಗೆ ಆಕೆಯ ಕಚೇರಿಯೇ ಮೊದಲ ಸಮಸ್ಯೆ! ಕಚೇರಿಯ ಸಿಬ್ಬಂದಿಯನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಕೆಲಸ ಮಾಡುವುದೇ ದೊಡ್ಡ ಸವಾಲು. ಸ್ವಲ್ಪ ಯಾಮಾರಿದರೂ ನಮ್ಮನ್ನು ದಾರಿ ತಪ್ಪಿಸಿಬಿಡುತ್ತಾರೆ.<br /> <br /> ಕೆಲ ಸಿಬ್ಬಂದಿಗೆ ಸರ್ಕಾರಿ ಕೆಲಸಕ್ಕಿಂತ ಇನ್ನಾರ ಮೇಲೋ ಲಾಯಲ್ಟಿ. ಆ ಹಿತಾಸಕ್ತಿಗೆ ಪೂರಕವಾಗಿಯೇ ಅವರು ಕೆಲಸ ಮಾಡುತ್ತಿರುತ್ತಾರೆ; ನಮ್ಮಿಂದ ಆ ಕೆಲಸ ಮಾಡಿಸಿಕೊಳ್ಳಲು ಹವಣಿಸುತ್ತಿರುತ್ತಾರೆ. ಮೊದಲು ನಮ್ಮ ಕಚೇರಿಯನ್ನು ಸುಧಾರಿಸಿದರೆ ನಾವು ಅರ್ಧ ಗೆದ್ದಂತೆ. ಕುಟುಂಬ ಕಚೇರಿ ಆಗಬಾರದು; ಕಚೇರಿಯೇ ಒಂದು ಕುಟುಂಬದಂತಾಗಬೇಕು. ಆ ವಾತಾವರಣ ಸೃಷ್ಟಿಸಿಕೊಂಡು ಕೆಲಸ ಮಾಡುವುದೇ ಈಗಿನ ಸವಾಲು.<br /> <br /> ಕೆಎಎಸ್ ಅಧಿಕಾರಿ ಹುದ್ದೆ ಎಂಬ ಕೈಗೆ ಬಂದ ತುತ್ತು ಬಾಯಿಗೆ ಬರಲು ಏಳು ವರ್ಷ ಕಾಯ್ದವಳು ನಾನು. ಕೆಎಎಸ್ ಅಧಿಕಾರಿಯಾದ ಮೇಲೆ ಏನೆಲ್ಲ ಕೆಲಸ ಮಾಡಬಹುದು ಎಂದು ಆ ಏಳು ವರ್ಷಗಳಲ್ಲಿ ಕನಸಿನ ಗೋಪುರ ಕಟ್ಟಿಕೊಂಡಿದ್ದೆ. ಆ ಕನಸು-ಹುಮ್ಮಸ್ಸೇ ನನಗೆ ಪ್ರೇರಣೆ.<br /> <br /> `ಕೆಎಎಸ್ ಪರೀಕ್ಷೆ ಪಾಸಾಗಿದ್ದೇನೆ. ಫಲಿತಾಂಶಕ್ಕೆ ಇರುವ ತಡೆ ತೆರವಾಗಿ ಹೇಗೂ ಕೆಎಎಸ್ ಅಧಿಕಾರಿ ಆಗಿಯೇ ತೀರುತ್ತೇನೆ~ ಎಂದು ಕೈಕಟ್ಟಿ ಕೂಡಲಿಲ್ಲ. ಬಿಇ ಪದವೀಧರೆಯಾಗಿದ್ದರೂ ಎಲ್ಲ ಸರ್ಕಾರಿ ಹುದ್ದೆಗಳಿಗೂ ಅರ್ಜಿ ಗುಜರಾಯಿಸುತ್ತಿದ್ದೆ.<br /> <br /> ಕೆಎಎಸ್ ಅಧಿಕಾರಿ ಆಗುತ್ತೇನೆ ಎಂಬ ಗರ್ವ ಬಿಟ್ಟು ಗ್ರಾಮ ಪಂಚಾಯಿತಿ ಗ್ರೇಡ್-1 ಕಾರ್ಯದರ್ಶಿಯಾಗಿ ಎರಡೂವರೆ ವರ್ಷ ಸೇವೆ ಸಲ್ಲಿಸಿದೆ. ಕೆಳ ಹಂತದ ಸಮಸ್ಯೆಗಳನ್ನು ಅರಿತುಕೊಳ್ಳಲು ಇದು ನೆರವಾಯಿತು.<br /> <br /> ಆ ಮೇಲೆ ಕೆಎಎಸ್ ಫಲಿತಾಂಶಕ್ಕಿದ್ದ ತಡೆಯಾಜ್ಞೆ ತೆರವಾಗಿ ಸಹಾಯಕ ಕಮಿಷನರ್ ಆಗಿ ಆಡಳಿತ ಸೇವೆಗೆ ಸೇರಿದೆ. ವಿದ್ಯಾವಂತ ಮಹಿಳೆಯರು ತನಗೆ ಇದೇ ಹುದ್ದೆ ಬೇಕು; ಈ ವಲಯದಲ್ಲಿಯೇ ನೌಕರಿಗೆ ಸೇರಬೇಕು ಎಂದು ಕಾಯುವುದು ಬೇಡ. ಅವಕಾಶ ನಮಗಾಗಿ ಕಾಯುವುದಿಲ್ಲ. ದೊರೆತ ನೌಕರಿ- ಹುದ್ದೆಯಲ್ಲಿಯೇ ನಮ್ಮತನವನ್ನು ತೋರಬೇಕು. <br /> <br /> <strong>ಅವಿಭಕ್ತ ಕುಟುಂಬದ ಆಸರೆ</strong><br /> ಮಧ್ಯಮ ವರ್ಗದಿಂದ ಬಂದಿರುವ ನನಗೆ ಈಗಲೂ ಅವಿಭಕ್ತ ಕುಟುಂಬವೇ ಆಸರೆ. ತಾಯಿ, ತಮ್ಮ-ತಮ್ಮನ ಪತ್ನಿ-ಆತನ ಮಕ್ಕಳು ಹಾಗೂ ನಾವೆಲ್ಲ ಒಟ್ಟಾಗಿ ವಾಸವಾಗಿದ್ದೇವೆ. <br /> <br /> ಮನೆಯನ್ನು ನಿಭಾಯಿಸುವ ಹೊಣೆಗಾರಿಕೆ ಅಷ್ಟಾಗಿ ಇಲ್ಲ. ಹೀಗಾಗಿ ಶೇ.90ರಷ್ಟು ಸಮಯವನ್ನು ಕಚೇರಿ ಕೆಲಸಕ್ಕೇ ಮೀಸಲಿಡುತ್ತೇನೆ. ಮಗಳು ಚಿಕ್ಕವಳಿದ್ದರೂ ಕುಟುಂಬಕ್ಕಿಂತ ಕಚೇರಿ ಸೇವೆಗೇ ಹೆಚ್ಚಿನ ಒತ್ತು ನೀಡುತ್ತಿದ್ದೇನೆ.<br /> <br /> ಪತಿ ಹೋಟೆಲ್ ವ್ಯವಹಾರ ನೋಡುತ್ತಿದ್ದಾರೆ. ಮನೆಯಲ್ಲಿ ನಾನೊಬ್ಬಳೆ ದುಡಿಯುವವಳು. ಸಹೋದರ ಕೃಷಿ ಮಾಡಿಕೊಂಡಿದ್ದರೂ ಆದಾಯ ಅಷ್ಟಕ್ಕಷ್ಟೆ. ಮನೆಯಲ್ಲಿ ದಿನಸಿ ವಸ್ತುಗಳ ಖರೀದಿಯಿಂದ ಹಿಡಿದು ಮಕ್ಕಳ ಬಟ್ಟೆ, ಶಾಲೆಯ ಫೀ ಸಂದಾಯದವರೆಗೂ ಗಮನ ಹರಿಸುತ್ತೇನೆ.<br /> <br /> ಕೆಲಸದ ಒತ್ತಡ ಎಂಬ ಕಾರಣಕ್ಕೆ ಒಬ್ಬ ಮಗಳು-ಮಡದಿ-ತಾಯಿಯಾಗಿ ನಿಭಾಯಿಸಲೇ ಬೇಕಾದ ಕನಿಷ್ಠ ಹೊಣೆಗಾರಿಕೆಯಿಂದ ನುಣುಚಿಕೊಳ್ಳುವುದಿಲ್ಲ. <br /> <br /> ನನ್ನ ಮಗಳ ಮೂಗಿನ ಶಸ್ತ್ರಚಿಕಿತ್ಸೆ ಇದ್ದರೂ ಕರ್ತವ್ಯದ ಕರೆಗೆ ಓಗೊಟ್ಟು ಹೋಗಿದ್ದೂ ಇದೆ. ಇಂಥ ಪರಿಸ್ಥಿತಿ ಬಂದಾಗ ತುಂಬಾ ವ್ಯಥೆಯಾಗುತ್ತದೆ. `ರಸ್ತೆ ಬದಿಯಲ್ಲಿ ಕಲ್ಲು ಒಡೆಯುವ ಮಹಿಳೆಯೂ ಕರುಳ ಕುಡಿಯನ್ನು ಸದಾ ಕುಂಕುಳಲ್ಲಿ ಇಟ್ಟುಕೊಂಡು ಸಲುಹುತ್ತಿರುತ್ತಾಳೆ. <br /> <br /> ನಮಗೆ ಆ ಸ್ವಾತಂತ್ರ್ಯವೂ ಇಲ್ಲ ನೋಡು. ನಾವು ಉತ್ತಮ ಅಧಿಕಾರಿಯಾಗಿರಬಹುದು. ಆದರೆ, ಒಬ್ಬ ಉತ್ತಮ ತಾಯಿ ಆಗುವ ಅವಕಾಶದಿಂದ ವಂಚಿತರಾಗಿದ್ದೇವೆ. ನಮಗಿಂತ ಕೂಲಿ ಮಾಡುವ ಆ ಮಹಾತಾಯಿಯೇ ವಾಸಿ~ ಎಂದು ಕೆಎಎಸ್ ಅಧಿಕಾರಿಯಾಗಿರುವ ನನ್ನ ಗೆಳತಿ ಕೆ.ಲೀಲಾವತಿ ಹೇಳುತ್ತಿರುತ್ತಾಳೆ. ಈ ಮಾತು ತಮಾಷೆಯಂತೆ ಕಂಡರೂ ವಾಸ್ತವ.<br /> <br /> <strong>ಧೈರ್ಯವೇ ದೊಡ್ಡ ಬಂಡವಾಳ</strong><br /> ಮನೆ ಬಿಟ್ಟರೆ ಕಚೇರಿ. ಕಚೇರಿ ಬಿಟ್ಟರೆ ಮನೆ ಇದು ನನ್ನ ದಿನಚರಿ. ವೀಕೆಂಡ್- ಸಿನಿಮಾ, ಮನರಂಜನೆ ಎಂದು ನಾನೆಲ್ಲಿಯೂ ಹೋಗುವುದಿಲ್ಲ. ನೌಕರಿಗೆ ಸೇರುವ ಮುನ್ನ ಯೋಗ ಮಾಡುತ್ತಿದ್ದೆ. <br /> <br /> ಯೋಗಾ ಕೋರ್ಸ್ ಸಹ ಆಗಿದೆ. ಈಗ ವ್ಯಾಯಾಮ, ಯೋಗ, ಊಟ... ಯಾವುದೂ ನಿಯಮಿತ ಇಲ್ಲ. ಮನರಂಜನೆಯಂತೂ ಇಲ್ಲವೇ ಇಲ್ಲ. ಆದರೆ, ಪುಸ್ತಕ ಓದುವ ನನ್ನ ಹವ್ಯಾಸ ಬಿಟ್ಟಿಲ್ಲ. ಕಾದಂಬರಿ ಅಚ್ಚುಮೆಚ್ಚು. ಮನೆಯಲ್ಲಿ ಪುಸ್ತಕ ಸಂಗ್ರಹ ಮಾಡಿಟ್ಟುಕೊಂಡಿದ್ದೇನೆ.<br /> <br /> ಹೊಸ ಪುಸ್ತಕಗಳನ್ನು-ಪತ್ರಿಕೆಗಳನ್ನು ಕೊಂಡು ಓದುತ್ತೇನೆ.<br /> ಕೌಟುಂಬಿಕ ಸಭೆ-ಸಮಾರಂಭ, ಮದುವೆಗಳಿಗೆ ಹಾಜರಾಗುತ್ತೇನೆ. ಆದರೆ, ಮನೆಗೆ ಬರುವ ಅತಿಥಿಗಳ ಬಗ್ಗೆ ಗಮನ ಹರಿಸಲು ಆಗುವುದಿಲ್ಲ. ಹೀಗಾಗಿ ಅವ್ರೆಲ್ಲರೂ ಬೇಜಾರು ಮಾಡ್ಕೋತಾರೆ.<br /> <br /> ನಮ್ಮ ಪ್ರಾಮಾಣಿಕ ಕೆಲಸಕ್ಕೆ ಹಿರಿಯ ಅಧಿಕಾರಿಗಳ ಪ್ರೋತ್ಸಾಹ ಸದಾ ಇದ್ದೇ ಇರುತ್ತದೆ. ಕಚೇರಿಯನ್ನು ಸಮರ್ಥವಾಗಿ ನಿಭಾಯಿಸಿ ಮಾನವೀಯತೆಯಿಂದ ಕೆಲಸ ಮಾಡಿದರೆ ರಾಜಕೀಯ ಒತ್ತಡದ ಮಧ್ಯೆಯೂ ಉತ್ತಮ ಸೇವೆ ಸಲ್ಲಿಸಬಹುದು.<br /> <br /> ನಾನು ಕೊಪ್ಪಳ ಜಿಲ್ಲೆಯಲ್ಲಿ ಉಪ ವಿಭಾಗಾಧಿಕಾರಿಯಾಗಿದ್ದಾಗ ಏಕ ಕಾಲಕ್ಕೆ ಐದು ಪ್ರಭಾರ ಹುದ್ದೆಗಳನ್ನು ನಿಭಾಯಿಸುತ್ತಿದ್ದೆ. ಅಲ್ಲಿಯ ಆಶ್ರಯ ಮನೆ ಹಾಗೂ ಕೆಎಚ್ಬಿ ಹಗರಣ ಬಯಲಿಗೆಳೆದು ಸಿಒಡಿ ತನಿಖೆಯಾಗುವಂತೆ ಮಾಡಿದ್ದು ಮರೆಯಲಾರದ ಕೆಲಸ. ದುಡಿಯುವ ಮಹಿಳೆಗೆ ಧೈರ್ಯವೇ ಬಹುದೊಡ್ಡ ಬಂಡವಾಳ. <br /> <br /> (ಆಡಳಿತ ಸೂತ್ರ ಹಿಡಿದ ಯಶಸ್ವಿ ಮಹಿಳೆಯರ ಮನದಾಳದ ಮಾತುಗಳಿಗೆ ಭೂಮಿಕೆಯಾಗಿರುವ ಈ ಅಂಕಣ ಪ್ರತಿ ಹದಿನೈದು ದಿನಗಳಿಗೊಮ್ಮೆ ಪ್ರಕಟವಾಗುತ್ತದೆ.)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೆಎಎಸ್ ಅಧಿಕಾರಿಯಾಗಿರುವ ಗಂಗೂಬಾಯಿ ಮಾನಕರ ವಿಜಾಪುರ ಜಿಲ್ಲೆಯ ಸಿಂದಗಿಯವರು. ವಿಜಾಪುರ ಜಿಲ್ಲಾ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕಿಯಾಗಿ ಕಾರ್ಯನಿರ್ವಹಿಸುತ್ತಿರುವ ಅವರು ಈ ಬಾರಿ `ಮನೆ-ಜಗತ್ತು~ ಅಂಕಣದಲ್ಲಿ ನಮ್ಮಂದಿಗೆ ಮುಖಾಮುಖಿಯಾಗಿದ್ದಾರೆ.</p>.<p>ಮಹಿಳಾ ಅಧಿಕಾರಿಗೆ ಆಕೆಯ ಕಚೇರಿಯೇ ಮೊದಲ ಸಮಸ್ಯೆ! ಕಚೇರಿಯ ಸಿಬ್ಬಂದಿಯನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಕೆಲಸ ಮಾಡುವುದೇ ದೊಡ್ಡ ಸವಾಲು. ಸ್ವಲ್ಪ ಯಾಮಾರಿದರೂ ನಮ್ಮನ್ನು ದಾರಿ ತಪ್ಪಿಸಿಬಿಡುತ್ತಾರೆ.<br /> <br /> ಕೆಲ ಸಿಬ್ಬಂದಿಗೆ ಸರ್ಕಾರಿ ಕೆಲಸಕ್ಕಿಂತ ಇನ್ನಾರ ಮೇಲೋ ಲಾಯಲ್ಟಿ. ಆ ಹಿತಾಸಕ್ತಿಗೆ ಪೂರಕವಾಗಿಯೇ ಅವರು ಕೆಲಸ ಮಾಡುತ್ತಿರುತ್ತಾರೆ; ನಮ್ಮಿಂದ ಆ ಕೆಲಸ ಮಾಡಿಸಿಕೊಳ್ಳಲು ಹವಣಿಸುತ್ತಿರುತ್ತಾರೆ. ಮೊದಲು ನಮ್ಮ ಕಚೇರಿಯನ್ನು ಸುಧಾರಿಸಿದರೆ ನಾವು ಅರ್ಧ ಗೆದ್ದಂತೆ. ಕುಟುಂಬ ಕಚೇರಿ ಆಗಬಾರದು; ಕಚೇರಿಯೇ ಒಂದು ಕುಟುಂಬದಂತಾಗಬೇಕು. ಆ ವಾತಾವರಣ ಸೃಷ್ಟಿಸಿಕೊಂಡು ಕೆಲಸ ಮಾಡುವುದೇ ಈಗಿನ ಸವಾಲು.<br /> <br /> ಕೆಎಎಸ್ ಅಧಿಕಾರಿ ಹುದ್ದೆ ಎಂಬ ಕೈಗೆ ಬಂದ ತುತ್ತು ಬಾಯಿಗೆ ಬರಲು ಏಳು ವರ್ಷ ಕಾಯ್ದವಳು ನಾನು. ಕೆಎಎಸ್ ಅಧಿಕಾರಿಯಾದ ಮೇಲೆ ಏನೆಲ್ಲ ಕೆಲಸ ಮಾಡಬಹುದು ಎಂದು ಆ ಏಳು ವರ್ಷಗಳಲ್ಲಿ ಕನಸಿನ ಗೋಪುರ ಕಟ್ಟಿಕೊಂಡಿದ್ದೆ. ಆ ಕನಸು-ಹುಮ್ಮಸ್ಸೇ ನನಗೆ ಪ್ರೇರಣೆ.<br /> <br /> `ಕೆಎಎಸ್ ಪರೀಕ್ಷೆ ಪಾಸಾಗಿದ್ದೇನೆ. ಫಲಿತಾಂಶಕ್ಕೆ ಇರುವ ತಡೆ ತೆರವಾಗಿ ಹೇಗೂ ಕೆಎಎಸ್ ಅಧಿಕಾರಿ ಆಗಿಯೇ ತೀರುತ್ತೇನೆ~ ಎಂದು ಕೈಕಟ್ಟಿ ಕೂಡಲಿಲ್ಲ. ಬಿಇ ಪದವೀಧರೆಯಾಗಿದ್ದರೂ ಎಲ್ಲ ಸರ್ಕಾರಿ ಹುದ್ದೆಗಳಿಗೂ ಅರ್ಜಿ ಗುಜರಾಯಿಸುತ್ತಿದ್ದೆ.<br /> <br /> ಕೆಎಎಸ್ ಅಧಿಕಾರಿ ಆಗುತ್ತೇನೆ ಎಂಬ ಗರ್ವ ಬಿಟ್ಟು ಗ್ರಾಮ ಪಂಚಾಯಿತಿ ಗ್ರೇಡ್-1 ಕಾರ್ಯದರ್ಶಿಯಾಗಿ ಎರಡೂವರೆ ವರ್ಷ ಸೇವೆ ಸಲ್ಲಿಸಿದೆ. ಕೆಳ ಹಂತದ ಸಮಸ್ಯೆಗಳನ್ನು ಅರಿತುಕೊಳ್ಳಲು ಇದು ನೆರವಾಯಿತು.<br /> <br /> ಆ ಮೇಲೆ ಕೆಎಎಸ್ ಫಲಿತಾಂಶಕ್ಕಿದ್ದ ತಡೆಯಾಜ್ಞೆ ತೆರವಾಗಿ ಸಹಾಯಕ ಕಮಿಷನರ್ ಆಗಿ ಆಡಳಿತ ಸೇವೆಗೆ ಸೇರಿದೆ. ವಿದ್ಯಾವಂತ ಮಹಿಳೆಯರು ತನಗೆ ಇದೇ ಹುದ್ದೆ ಬೇಕು; ಈ ವಲಯದಲ್ಲಿಯೇ ನೌಕರಿಗೆ ಸೇರಬೇಕು ಎಂದು ಕಾಯುವುದು ಬೇಡ. ಅವಕಾಶ ನಮಗಾಗಿ ಕಾಯುವುದಿಲ್ಲ. ದೊರೆತ ನೌಕರಿ- ಹುದ್ದೆಯಲ್ಲಿಯೇ ನಮ್ಮತನವನ್ನು ತೋರಬೇಕು. <br /> <br /> <strong>ಅವಿಭಕ್ತ ಕುಟುಂಬದ ಆಸರೆ</strong><br /> ಮಧ್ಯಮ ವರ್ಗದಿಂದ ಬಂದಿರುವ ನನಗೆ ಈಗಲೂ ಅವಿಭಕ್ತ ಕುಟುಂಬವೇ ಆಸರೆ. ತಾಯಿ, ತಮ್ಮ-ತಮ್ಮನ ಪತ್ನಿ-ಆತನ ಮಕ್ಕಳು ಹಾಗೂ ನಾವೆಲ್ಲ ಒಟ್ಟಾಗಿ ವಾಸವಾಗಿದ್ದೇವೆ. <br /> <br /> ಮನೆಯನ್ನು ನಿಭಾಯಿಸುವ ಹೊಣೆಗಾರಿಕೆ ಅಷ್ಟಾಗಿ ಇಲ್ಲ. ಹೀಗಾಗಿ ಶೇ.90ರಷ್ಟು ಸಮಯವನ್ನು ಕಚೇರಿ ಕೆಲಸಕ್ಕೇ ಮೀಸಲಿಡುತ್ತೇನೆ. ಮಗಳು ಚಿಕ್ಕವಳಿದ್ದರೂ ಕುಟುಂಬಕ್ಕಿಂತ ಕಚೇರಿ ಸೇವೆಗೇ ಹೆಚ್ಚಿನ ಒತ್ತು ನೀಡುತ್ತಿದ್ದೇನೆ.<br /> <br /> ಪತಿ ಹೋಟೆಲ್ ವ್ಯವಹಾರ ನೋಡುತ್ತಿದ್ದಾರೆ. ಮನೆಯಲ್ಲಿ ನಾನೊಬ್ಬಳೆ ದುಡಿಯುವವಳು. ಸಹೋದರ ಕೃಷಿ ಮಾಡಿಕೊಂಡಿದ್ದರೂ ಆದಾಯ ಅಷ್ಟಕ್ಕಷ್ಟೆ. ಮನೆಯಲ್ಲಿ ದಿನಸಿ ವಸ್ತುಗಳ ಖರೀದಿಯಿಂದ ಹಿಡಿದು ಮಕ್ಕಳ ಬಟ್ಟೆ, ಶಾಲೆಯ ಫೀ ಸಂದಾಯದವರೆಗೂ ಗಮನ ಹರಿಸುತ್ತೇನೆ.<br /> <br /> ಕೆಲಸದ ಒತ್ತಡ ಎಂಬ ಕಾರಣಕ್ಕೆ ಒಬ್ಬ ಮಗಳು-ಮಡದಿ-ತಾಯಿಯಾಗಿ ನಿಭಾಯಿಸಲೇ ಬೇಕಾದ ಕನಿಷ್ಠ ಹೊಣೆಗಾರಿಕೆಯಿಂದ ನುಣುಚಿಕೊಳ್ಳುವುದಿಲ್ಲ. <br /> <br /> ನನ್ನ ಮಗಳ ಮೂಗಿನ ಶಸ್ತ್ರಚಿಕಿತ್ಸೆ ಇದ್ದರೂ ಕರ್ತವ್ಯದ ಕರೆಗೆ ಓಗೊಟ್ಟು ಹೋಗಿದ್ದೂ ಇದೆ. ಇಂಥ ಪರಿಸ್ಥಿತಿ ಬಂದಾಗ ತುಂಬಾ ವ್ಯಥೆಯಾಗುತ್ತದೆ. `ರಸ್ತೆ ಬದಿಯಲ್ಲಿ ಕಲ್ಲು ಒಡೆಯುವ ಮಹಿಳೆಯೂ ಕರುಳ ಕುಡಿಯನ್ನು ಸದಾ ಕುಂಕುಳಲ್ಲಿ ಇಟ್ಟುಕೊಂಡು ಸಲುಹುತ್ತಿರುತ್ತಾಳೆ. <br /> <br /> ನಮಗೆ ಆ ಸ್ವಾತಂತ್ರ್ಯವೂ ಇಲ್ಲ ನೋಡು. ನಾವು ಉತ್ತಮ ಅಧಿಕಾರಿಯಾಗಿರಬಹುದು. ಆದರೆ, ಒಬ್ಬ ಉತ್ತಮ ತಾಯಿ ಆಗುವ ಅವಕಾಶದಿಂದ ವಂಚಿತರಾಗಿದ್ದೇವೆ. ನಮಗಿಂತ ಕೂಲಿ ಮಾಡುವ ಆ ಮಹಾತಾಯಿಯೇ ವಾಸಿ~ ಎಂದು ಕೆಎಎಸ್ ಅಧಿಕಾರಿಯಾಗಿರುವ ನನ್ನ ಗೆಳತಿ ಕೆ.ಲೀಲಾವತಿ ಹೇಳುತ್ತಿರುತ್ತಾಳೆ. ಈ ಮಾತು ತಮಾಷೆಯಂತೆ ಕಂಡರೂ ವಾಸ್ತವ.<br /> <br /> <strong>ಧೈರ್ಯವೇ ದೊಡ್ಡ ಬಂಡವಾಳ</strong><br /> ಮನೆ ಬಿಟ್ಟರೆ ಕಚೇರಿ. ಕಚೇರಿ ಬಿಟ್ಟರೆ ಮನೆ ಇದು ನನ್ನ ದಿನಚರಿ. ವೀಕೆಂಡ್- ಸಿನಿಮಾ, ಮನರಂಜನೆ ಎಂದು ನಾನೆಲ್ಲಿಯೂ ಹೋಗುವುದಿಲ್ಲ. ನೌಕರಿಗೆ ಸೇರುವ ಮುನ್ನ ಯೋಗ ಮಾಡುತ್ತಿದ್ದೆ. <br /> <br /> ಯೋಗಾ ಕೋರ್ಸ್ ಸಹ ಆಗಿದೆ. ಈಗ ವ್ಯಾಯಾಮ, ಯೋಗ, ಊಟ... ಯಾವುದೂ ನಿಯಮಿತ ಇಲ್ಲ. ಮನರಂಜನೆಯಂತೂ ಇಲ್ಲವೇ ಇಲ್ಲ. ಆದರೆ, ಪುಸ್ತಕ ಓದುವ ನನ್ನ ಹವ್ಯಾಸ ಬಿಟ್ಟಿಲ್ಲ. ಕಾದಂಬರಿ ಅಚ್ಚುಮೆಚ್ಚು. ಮನೆಯಲ್ಲಿ ಪುಸ್ತಕ ಸಂಗ್ರಹ ಮಾಡಿಟ್ಟುಕೊಂಡಿದ್ದೇನೆ.<br /> <br /> ಹೊಸ ಪುಸ್ತಕಗಳನ್ನು-ಪತ್ರಿಕೆಗಳನ್ನು ಕೊಂಡು ಓದುತ್ತೇನೆ.<br /> ಕೌಟುಂಬಿಕ ಸಭೆ-ಸಮಾರಂಭ, ಮದುವೆಗಳಿಗೆ ಹಾಜರಾಗುತ್ತೇನೆ. ಆದರೆ, ಮನೆಗೆ ಬರುವ ಅತಿಥಿಗಳ ಬಗ್ಗೆ ಗಮನ ಹರಿಸಲು ಆಗುವುದಿಲ್ಲ. ಹೀಗಾಗಿ ಅವ್ರೆಲ್ಲರೂ ಬೇಜಾರು ಮಾಡ್ಕೋತಾರೆ.<br /> <br /> ನಮ್ಮ ಪ್ರಾಮಾಣಿಕ ಕೆಲಸಕ್ಕೆ ಹಿರಿಯ ಅಧಿಕಾರಿಗಳ ಪ್ರೋತ್ಸಾಹ ಸದಾ ಇದ್ದೇ ಇರುತ್ತದೆ. ಕಚೇರಿಯನ್ನು ಸಮರ್ಥವಾಗಿ ನಿಭಾಯಿಸಿ ಮಾನವೀಯತೆಯಿಂದ ಕೆಲಸ ಮಾಡಿದರೆ ರಾಜಕೀಯ ಒತ್ತಡದ ಮಧ್ಯೆಯೂ ಉತ್ತಮ ಸೇವೆ ಸಲ್ಲಿಸಬಹುದು.<br /> <br /> ನಾನು ಕೊಪ್ಪಳ ಜಿಲ್ಲೆಯಲ್ಲಿ ಉಪ ವಿಭಾಗಾಧಿಕಾರಿಯಾಗಿದ್ದಾಗ ಏಕ ಕಾಲಕ್ಕೆ ಐದು ಪ್ರಭಾರ ಹುದ್ದೆಗಳನ್ನು ನಿಭಾಯಿಸುತ್ತಿದ್ದೆ. ಅಲ್ಲಿಯ ಆಶ್ರಯ ಮನೆ ಹಾಗೂ ಕೆಎಚ್ಬಿ ಹಗರಣ ಬಯಲಿಗೆಳೆದು ಸಿಒಡಿ ತನಿಖೆಯಾಗುವಂತೆ ಮಾಡಿದ್ದು ಮರೆಯಲಾರದ ಕೆಲಸ. ದುಡಿಯುವ ಮಹಿಳೆಗೆ ಧೈರ್ಯವೇ ಬಹುದೊಡ್ಡ ಬಂಡವಾಳ. <br /> <br /> (ಆಡಳಿತ ಸೂತ್ರ ಹಿಡಿದ ಯಶಸ್ವಿ ಮಹಿಳೆಯರ ಮನದಾಳದ ಮಾತುಗಳಿಗೆ ಭೂಮಿಕೆಯಾಗಿರುವ ಈ ಅಂಕಣ ಪ್ರತಿ ಹದಿನೈದು ದಿನಗಳಿಗೊಮ್ಮೆ ಪ್ರಕಟವಾಗುತ್ತದೆ.)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
