ಇಂಡೋನೇಷ್ಯಾದಲ್ಲಿ 5.4 ತೀವ್ರತೆಯ ಭೂಕಂಪ: 4 ಮಂದಿ ಸಾವು

ಜಕಾರ್ತ: ಇಂಡೋನೇಷ್ಯಾದ ಪಾಪುವಾ ಪ್ರಾಂತ್ಯದಲ್ಲಿ ಗುರುವಾರ 5.4 ತೀವ್ರತೆಯ ಭೂಕಂಪ ಸಂಭವಿಸಿದೆ.

ಈ ದುರ್ಘಟನೆಯಲ್ಲಿ ಕನಿಷ್ಠ ನಾಲ್ವರು ಮೃತಪಟ್ಟಿದ್ದು, ಹಲವಾರು ಕಟ್ಟಡಗಳು ನಾಶವಾಗಿವೆ ಎಂದು ವಿಪತ್ತು ಏಜೆನ್ಸಿ ಅಧಿಕಾರಿ ತಿಳಿಸಿದ್ದಾರೆ.

‘ಈಗ ನಾವು ಭೂಕಂಪದ ಅಪಾಯದ ಮೌಲ್ಯಮಾಪನವನ್ನು ನಡೆಸುತ್ತಿದ್ದೇವೆ’ ಎಂದು ಅವರು ಹೇಳಿದ್ದಾರೆ.

ಹವಾಮಾನ ಮತ್ತು ಜಿಯೋಫಿಸಿಕ್ಸ್ ಏಜೆನ್ಸಿ ಪ್ರಕಾರ, ಮಧ್ಯಾಹ್ನ 1.28ರ ಸುಮಾರಿಗೆ ಭೂಕಂಪ ಸಂಭವಿಸಿದ್ದು, ರಾಜಧಾನಿ ಜಯಪುರದ ನೈಋತ್ಯಕ್ಕೆ 1 ಕಿಮೀ ದೂರ ಹಾಗೂ 10 ಕಿಮೀ ಆಳದಲ್ಲಿ ಕಂಪನದ ಕೇಂದ್ರ ಬಿಂದು ದಾಖಲಾಗಿದೆ. ಸುನಾಮಿಗೆ ಪ್ರಚೋದಿಸುವಷ್ಟು ಭೂಕಂಪದ ತೀವ್ರತೆ ಇಲ್ಲ ಎಂದು ಅದು ತಿಳಿಸಿದೆ. 

ಇವನ್ನೂ ಓದಿ: ಟರ್ಕಿ, ಸಿರಿಯಾದಲ್ಲಿ ದಶಕದ ಭೀಕರ ಭೂಕಂಪ: 11,200ಕ್ಕೂ ಅಧಿಕ ಸಾವು    

                 ಟರ್ಕಿ–ಸಿರಿಯಾ: ಮೃತ ಮಗಳ ಕೈಹಿಡಿದು ರೋಧಿಸುತ್ತಿರುವ ತಂದೆ– ಸಂತ್ರಸ್ತರ ಆಕ್ರಂದನ

                 ರಕ್ತ ಹೆಪ್ಪುಗಟ್ಟಿಸುವ ಚಳಿ; ಮಡುಗಟ್ಟಿದ ಸಂತ್ರಸ್ತರ ಸಂಕಟ