ಜೆನೆವಾ: ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯು(ಐಎಂಸಿ) ಬ್ರೇಕ್ಡ್ಯಾನ್ಗೆ ಅಧಿಕೃತ ಒಲಿಂಪಿಕ್ಸ್ ಕ್ರೀಡೆಯ ಮಾನ್ಯತೆ ನೀಡಿದ್ದು, 2024ರಲ್ಲಿ ಪ್ಯಾರಿಸ್ನಲ್ಲಿ ನಡೆಯಲಿರುವ ಒಲಿಂಪಿಕ್ಸ್ನಲ್ಲಿ ಬ್ರೇಕ್ಡ್ಯಾನ್ನಲ್ಲಿ ಪದಕಕ್ಕಾಗಿ ಸೆಣಸಾಟ ನಡೆಯಲಿದೆ.
ಇದರೊಂದಿಗೆ ಸ್ಕೇಟ್ ಬೋರ್ಡಿಂಗ್, ಸ್ಪೋರ್ಟ್ ಕ್ಲೈಬಿಂಗ್ ಮತ್ತು ಸರ್ಫಿಂಗ್ ಕೂಡ ಇರಲಿದೆ ಎಂದು ಐಎಂಸಿ ತಿಳಿಸಿದೆ.
ಈ ಮೂರು ಕ್ರೀಡೆಗಳು ಟೊಕಿಯೊದಲ್ಲಿ ನಡೆಯಬೇಕಾಗಿದ್ದ ಒಲಂಪಿಕ್ ಕ್ರೀಡೆಗಳಲ್ಲಿ ಪದಾರ್ಪಣೆಗೊಳ್ಳಬೇಕಾಗಿದ್ದವು. ಆದರೆ ಕೊರೊನಾ ಸೋಂಕಿನಿಂದಾಗಿ ಈ ಕಾರ್ಯಕ್ರಮವನ್ನು 2021 ಜುಲೈ 23ಕ್ಕೆ ಮುಂದೂಡಲಾಗಿದೆ.
ಬ್ರೇಕ್ ಡ್ಯಾನ್ಸಿಂಗ್ ಅನ್ನು ಒಲಂಪಿಕ್ಸ್ನಲ್ಲಿ ಬ್ರೇಕಿಂಗ್ ಎಂದು ಕರೆಯಲಾಗುವುದು. 2018ರಲ್ಲಿ ಬ್ಯೂನಸ್ ಐರಿಸ್ನಲ್ಲಿ ನಡೆದ ಯುವ ಒಲಿಂಪಿಕ್ಸ್ನಲ್ಲಿ ಬ್ರೇಕ್ ಡ್ಯಾನ್ಸಿಂಗ್ ಪ್ರಯೋಗಗಳ ಬಳಿಕ ಪ್ಯಾರಿಸ್ ಆಯೋಜಕರು ಈ ಬಗ್ಗೆ ಸಮಿತಿಗೆ ಪ್ರಸ್ತಾವನೆ ಸಲ್ಲಿಸಿದ್ದರು. 2019 ರಲ್ಲಿ ಅನುಮೋದನೆ ನೀಡಲಾಯಿತು.
ಪ್ಯಾರಿಸ್ ಪದಕ ಕಾರ್ಯಕ್ರಮಗಳಲ್ಲಿ ಟೋಕಿಯೊಗಿಂತ 10 ಕಡಿಮೆ ಸ್ಪರ್ಧೆಗಳಿರಲಿದ್ದು, ಒಟ್ಟು 329 ಸ್ಪರ್ಧೆಗಳು ನಡೆಯಲಿವೆ.