ದುಬೈ(ಪಿಟಿಐ): ಇರಾನ್ನ ನೈಋತ್ಯ ಭಾಗದಲ್ಲಿ ಇತ್ತೀಚೆಗೆಬೃಹತ್ ಕಟ್ಟಡ ಕುಸಿದು ಸಂಭವಿಸಿದ ಅವಘಡದಲ್ಲಿ ಮೃತಪಟ್ಟವರ ಸಂಖ್ಯೆ 41ಕ್ಕೆ ಏರಿದೆ ಎಂದು ಅಬಾದಾನ್ ನಗರದ ಗವರ್ನರ್ ಎಹಸುನ್ ಅಬ್ಬಸ್ಪೂರ್ ತಿಳಿಸಿದ್ದಾರೆ.
ರಾಜಧಾನಿ ಟೆಹರಾನ್ನಿಂದ ಸುಮಾರು 660 ಕಿ.ಮೀ ದೂರದಲ್ಲಿದ್ದ ಮೆಟ್ರೊಪೋಲ್ ಕಟ್ಟಡ ಇದೇ ಮೇ 23ರಂದು ಕುಸಿದಿತ್ತು. ಆಕ್ರೋಶಗೊಂಡ ಜನರು ಬಳಿಕ ಅಬಾದಾನ್ನಲ್ಲಿ ಪ್ರತಿಭಟನೆ ನಡೆಸಿದ್ದರು. ಗುಂಪು ಚದುರಿಸಲು ಪೊಲೀಸರು ಆಶ್ರುವಾಯು ಸಿಡಿಸಿದ್ದರು.
