ಶನಿವಾರ, ಜನವರಿ 16, 2021
25 °C

ಮೊಸಳೆ ಬಾಲದ ಮೇಲಿದ್ದ ಚೆಂಡನ್ನು ತೆಗೆದ ಫ್ಲಾರಿಡಾ ನಿವಾಸಿ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಫ್ಲಾರಿಡಾ: ನಮ್ಮಲ್ಲಿ ಬಹುತೇಕರು ಮೊಸಳೆ ಕಂಡ ಕೂಡಲೇ ಮಾರು ದೂರ ಓಡುತ್ತೇವೆ. ಅದರ ಸಮೀಪಕ್ಕೂ ಸುಳಿಯುವ ಪ್ರಯತ್ನ ಮಾಡುವುದಿಲ್ಲ. ಆದರೆ, ಇಲ್ಲೊಬ್ಬ ವ್ಯಕ್ತಿ ಮೊಸಳೆ ಬಾಲದ ಮೇಲಿದ್ದ ಗಾಲ್ಫ್ ಚೆಂಡನ್ನು ನಿರಾಯಾಸವಾಗಿ ಎತ್ತಿಕೊಂಡಿದ್ದಾನೆ. ಈ ಮೈಜುಮ್ಮೆನ್ನಿಸುವ ವಿಡಿಯೋ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಸುದ್ದಿ ಜಾಲತಾಣ ಯುಪಿಐ ವರದಿ ಪ್ರಕಾರ, ಕೈಲ್ ಡೌನ್ಸ್ ಮತ್ತು ಆತನ ಸಹೋದರರು ಫ್ಲಾರಿಡಾದ ಕೇಪ್ ಕೊರಲ್‌ನ ಓಕ್ಸ್ ಗಾಲ್ಫ್ ಕೋರ್ಸ್‌ನಲ್ಲಿ ಗಾಲ್ಫ್ ಆಡುತ್ತಿದ್ದರು.  ಈ ಸಂದರ್ಭ ಗಾಲ್ಫ್ ಚೆಂಡು ಮೊಸಳೆಯ ಬಾಲದ ಮೇಲೆ ಬಿದ್ದಿತು. ಈ ಸಂದರ್ಭ, ಬಿಸಿಲು ಕಾಯಿಸಿಕೊಳ್ಳುತ್ತಿದ್ದ ಮೊಸಳೆ ಬಳಿಗೆ ಒಂದೊಂದೇ ಹೆಜ್ಜೆ ಇಡುತ್ತ ನಿಧಾನವಾಗಿ ತೆರಳಿದ ಕೈಲ್ ಡೌನ್ಸ್ ಸಹೋದರ, ಸರಿಸೃಪದ ಬಾಲದಿಂದ ಸ್ವಲ್ಪವೂ ಅಲುಗಾಡದಂತೆ ಚೆಂಡನ್ನು ಹೊರತೆಗೆದು ವೇಗವಾಗಿ ವಾಪಸ್ ಬಂದುಬಿಡುತ್ತಾನೆ. 

ಚೆಂಡನ್ನು ತೆಗೆದ ಕೂಡಲೇ ಮೊಸಳೆ ಗಾಬರಿಯಿಂದ ನೀರಿಗೆ ಜಾರುತ್ತದೆ. ಕೈಲ್ ಡೌನ್ಸ್ ಈ ವಿಡಿಯೋವನ್ನು ಫೇಸ್ಬುಕ್‌ಗೆ ಪೋಸ್ಟ್ ಮಾಡಿದ್ದು, ವೈರಲ್ ಆಗಿದೆ.

 

 

Free drop?

Posted by Kyle Downes on Sunday, December 13, 2020

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು