ಚೀನಾ ಮತ್ತು ಆಸ್ಟ್ರೇಲಿಯಾ ನಡುವಣ ಸಂಬಂಧ ತೀರ ಹದಗೆಟ್ಟಿರುವ ಬೆನ್ನಲ್ಲೇ ಕೆವಿನ್ ರುಡ್ ಚೀನಾ ವಿರುದ್ಧ ಒಗ್ಗಟ್ಟಿನ ಮಂತ್ರ ಪಠಿಸಿದ್ದಾರೆ. ಉಭಯ ರಾಷ್ಟ್ರಗಳ ವ್ಯಾವಹಾರಿಕ ಮತ್ತು ರಾಜತಾಂತ್ರಿಕ ವಿಚಾರವಾಗಿ ಭಿಕ್ಕಟ್ಟು ತಲೆದೋರಿದೆ. ಚೀನಾಗೆ ನೀಡಲಾಗಿದ್ದ ಬೃಹತ್ ಮೂಲಸೌಕರ್ಯ, ರಸ್ತೆ ಮತ್ತಿತರ ಪ್ರಮುಖ ಯೋಜನೆಗಳನ್ನು ಆಸ್ಟ್ರೇಲಿಯಾ ಹಿಂತೆಗೆದುಕೊಂಡಿದೆ. ಚೀನಾದ ದೂರಸಂಪರ್ಕ ವ್ಯವಸ್ಥೆ ಹುವೈನ 5ಜಿ ನೆಟ್ವರ್ಕ್ಅನ್ನು ನಿಷೇಧಿಸಿದೆ. ವೈನ್, ಗೋಮಾಂಸ, ಕಡಲೇಡಿ ಮತ್ತು ಬಾರ್ಲಿಯನ್ನು ಆಸ್ಟ್ರೇಲಿಯಾದಿಂದ ಆಮದು ಮಾಡಿಕೊಳ್ಳುವುದನ್ನು ಚೀನಾ ನಿಲ್ಲಿಸಿದೆ.