ಕ್ಯಾಲಿಫೊರ್ನಿಯಾ: ಗೂಗಲ್ ಸಂಸ್ಥೆಯ ಸಹ ಸಂಸ್ಥಾಪಕ ಮತ್ತು ಜಗತ್ತಿನ 6ನೇ ಶ್ರೀಮಂತ ಸೆರ್ಗೆಯ್ ಬ್ರಿನ್ ತಮ್ಮ ಪತ್ನಿಯಿಂದ ವಿಚ್ಛೇದನ ಕೋರಿ ಕೋರ್ಟ್ ಮೆಟ್ಟಿಲೇರಿದ್ದಾರೆ.
ಬ್ರಿನ್ ಮತ್ತು ಪತ್ನಿ ನಿಕೊಲ್ ಶನಹನ್ ನಡುವೆ ಸರಿಪಡಿಸಲಾಗದಂತಹ ಭಿನ್ನಾಭಿಪ್ರಾಯಗಳು ಬಂದಿರುವುದರಿಂದ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಲಾಗಿದೆ ಎಂದು ಕ್ಯಾಲಿಫೊರ್ನಿಯಾದ ಸಾಂತ ಕಾರ್ಲಾ ನ್ಯಾಯಾಲಯದ ದಾಖಲೆಗಳಲ್ಲಿ ಉಲ್ಲೇಖಿಸಲಾಗಿದೆ. ದಂಪತಿಗೆ 3 ವರ್ಷದ ಮಗನಿದ್ದಾನೆ.
