ವಾಷಿಂಗ್ಟನ್: ಭಾರತೀಯ– ಅಮೆರಿಕನ್ ಸಬ್ರಿನಾ ಸಿಂಗ್ ಅವರನ್ನು ಶ್ವೇತಭವನದ ಉಪಾಧ್ಯಕ್ಷರ ಉಪ ಪತ್ರಿಕಾ ಕಾರ್ಯದರ್ಶಿಯನ್ನಾಗಿ ನೇಮಿಸಲಾಗುವುದು ಎಂದು ಬೈಡನ್– ಕಮಲಾ ಅಧಿಕಾರ ಹಸ್ತಾಂತರ ಪ್ರಕ್ರಿಯಾ ತಂಡದ ಪ್ರಕಟಣೆ ತಿಳಿಸಿದೆ.
ಸಿಂಗ್ ಅವರು, ಚುನಾವಣೆ ಪ್ರಚಾರದ ಅವಧಿಯಲ್ಲಿ ಬೈಡನ್ – ಕಮಲಾ ಅವರ ಪತ್ರಿಕಾ ಕಾರ್ಯದರ್ಶಿಯಾಗಿದ್ದರು. ಇದಕ್ಕೂ ಮುನ್ನ ಮೈಕ್ ಬ್ಲೂಮ್ ಬರ್ಗ್ನ ಅಧ್ಯಕ್ಷೀಯ ಚುನಾವಣಾ ಪ್ರಚಾರದಲ್ಲಿ ಹಿರಿಯ ವಕ್ತಾರರಾಗಿದ್ದರು.