ಇರಾನ್‌ನ ಪರಮಾಣು ವಿಜ್ಞಾನಿ ಹತ್ಯೆಗೆ ಉಪಗ್ರಹ ನಿಯಂತ್ರಿತ ಮೆಷಿನ್‌ ಗನ್‌ ಬಳಕೆ

ಟೆಹರಾನ್: ಇರಾನ್ನ ಉನ್ನತ ಮಟ್ಟದ ಪರಮಾಣು ವಿಜ್ಞಾನಿ ಮೊಹ್ಸೆನ್ ಫಖ್ರಿಜಾದೆ ಅವರ ಹತ್ಯೆಯನ್ನು ಕೃತಕ ಬುದ್ಧಿಮತ್ತೆ ಮತ್ತು 'ಉಪಗ್ರಹ-ನಿಯಂತ್ರಿತ ಸ್ಮಾರ್ಟ್ ವ್ಯವಸ್ಥೆ' ಇರುವ ಮೆಷಿನ್ ಗನ್ ಬಳಸಿ ನಡೆಸಲಾಗಿದೆ ಎಂದು ಹಿರಿಯ ಕಮಾಂಡರ್ವೊಬ್ಬರ ಮಾಹಿತಿ ಉಲ್ಲೇಖಿಸಿ ಸುದ್ದಿ ಸಂಸ್ಥೆ ತಸ್ನಿಮ್ ವರದಿ ಮಾಡಿದೆ.

. 'ಯಾವುದೇ ಭಯೋತ್ಪಾದಕರು ಘಟನಾ ಸ್ಥಳದಲ್ಲಿ ಇರಲಿಲ್ಲ. ಸುಧಾರಿತ ಕ್ಯಾಮೆರಾ ಬಳಸಿ, ಅವರತ್ತ ಗನ್ ಕೇಂದ್ರೀಕರಿಸಿ, ಜೂಮ್ ಮಾಡಿ ಹುತಾತ್ಮ ಫಖ್ರಿಜಾದೆ ಅವರ ಮೇಲೆ ದಾಳಿ ಮಾಡಲಾಗಿದೆ,' ಎಂದು ಕಮಾಂಡರ್ ಅಲಿ ಫಾದವಿ ಅವರ ಹೇಳಿಕೆ ಉಲ್ಲೇಖಿಸಿ ವರದಿ ಮಾಡಲಾಗಿದೆ.

. 'ಮೆಷಿನ್ ಗನ್ ಅನ್ನು ಟ್ರಕ್ನಲ್ಲಿ ಇರಿಸಲಾಗಿತ್ತು. ಅದನ್ನು ಉಪಗ್ರಹದಿಂದ ನಿಯಂತ್ರಿಸಲಾಗುತ್ತಿತ್ತು,' ಎಂದು ಅವರು ಹೇಳಿದ್ದಾರೆ.

. ಹಂತಕರ ಬಗ್ಗೆ ಸುಳಿವು ಸಿಕ್ಕಿರುವುದಾಗಿ ಇರಾನ್ ಅಧಿಕಾರಿಗಳು ತಿಳಿಸಿರುವ ಬೆನ್ನಲ್ಲೇ ಕಮಾಂಡರ್ ಫಾದವಿ ಅವರೂ ಈ ಹೇಳಿಕೆ ನೀಡಿದ್ದಾರೆ. ಘಟನೆಗೆ ಸಂಬಂಧಿಸಿದಂತೆ ಈ ವರೆಗೆ ಯಾರನ್ನೂ ಬಂಧಿಸಿಲ್ಲ.

. ಫಖ್ರಿಜಾದೆ ಕೊಲೆ ನಂತರ ಗನ್ ಇದ್ದ ಟ್ರಕ್ ಸ್ಫೋಟಗೊಂಡಿದೆ ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದರು.

. 'ಯಾವುದೇ ವ್ಯಕ್ತಿಯ ನೆರವು ಪಡೆಯದೇ ಎಲೆಕ್ಟ್ರಾನಿಕ್ ಸಾಧನ ಬಳಸಿ ಫಖ್ರಿಜಾದೆ ಅವರನ್ನು ಹತ್ಯೆ ಮಾಡಲಾಗಿದೆ,' ಎಂದು ಇರಾನ್ನ ರಾಷ್ಟ್ರೀಯ ಭದ್ರತಾ ಆಯೋಗದ ಕಾರ್ಯದರ್ಶಿ ಅಲಿ ಶಮ್ಖಾನಿ ಈ ಮೊದಲು ಅಭಿಪ್ರಾಯಪಟ್ಟಿದ್ದರು.

. ಪರಮಾಣು ಶಸ್ತ್ರಾಸ್ತ್ರಗಳ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸುವ ಇರಾನಿನ ರಹಸ್ಯ ಕಾರ್ಯಕ್ರಮದ ಮಾಸ್ಟರ್ ಮೈಂಡ್ ಎಂದು ಪಾಶ್ಚಿಮಾತ್ಯ ಗುಪ್ತಚರ ಏಜೆನ್ಸಿಗಳಿಂದ ಕರೆಯಲಾಗುವ ಮೊಹ್ಸೆನ್ ಫಖ್ರಿಜಾದೆ ಹತ್ಯೆ ಸಂಬಂಧ ಇರಾನ್ ಇಸ್ರೇಲ್ ಅನ್ನು ದೂರಿತ್ತು. ಆದರೆ, ಪರಮಾಣು ಹೊಂದುವ ಮಹತ್ವಾಕಾಂಕ್ಷೆಯನ್ನು ಹೊಂದಿಲ್ಲ ಎಂದು ಇರಾನ್ ಹೇಳುತ್ತಲೇ ಬಂದಿದೆ.

. ಮೊಹ್ಸೆನ್ ಫಖ್ರಿಜಾದೆ ಅವರ ಹತ್ಯೆಯಲ್ಲಿನ ತನ್ನ ಕೈವಾಡವನ್ನು ಇಸ್ರೇಲ್ ಈ ವರೆಗೆ ಒಪ್ಪಿಲ್ಲಯೂ ಇಲ್ಲ, ನಿರಾಕರಿಸಿಯೂ ಇಲ್ಲ. ಶತ್ರು ರಾಷ್ಟ್ರ ಇರಾನ್ನ ಪರಮಾಣು ಕಾರ್ಯಕ್ರಮದ ರಹಸ್ಯ, ಗುಪ್ತಚರ ಮಾಹಿತಿ ಸಂಗ್ರಹ ಕಾರ್ಯಾಚರಣೆಗಳನ್ನು ಮುಂದುವರಿಸುವುದಾಗಿ ಅದು ಈ ಹಿಂದೆ ಹೇಳಿತ್ತು.

. 25 ಸೆಂಟಿಮೀಟರ್ ದೂರದಲ್ಲಿದ್ದ ಪತ್ನಿಗೆ ಸಣ್ಣ ಗಾಯವಿಲ್ಲ

. ಉನ್ನತ ಮಟ್ಟದ ಪರಮಾಣು ವಿಜ್ಞಾನಿ ಫಖ್ರಿಜಾದೆ ಅವರ ಮೇಲೆ ದಾಳಿ ನಡೆದಾಗ ಅವರ ಪತ್ನಿ, ಅದೇ ಕಾರಿನಲ್ಲಿ ಕೇವಲ 25 ಸೆಂ.ಮೀ ದೂರದಲ್ಲಿ ಕುಳಿತಿದ್ದರು ಎನ್ನಲಾಗಿದೆ. ಘಟನೆಯಲ್ಲಿ 13 ಗುಂಡುಗಳು ಫಖ್ರಿಜಾದೆ ದೇಹ ಹೊಕ್ಕಿತ್ತಾದರೂ, ಪಕ್ಕದಲ್ಲೆ ಇದ್ದ ಅವರ ಪತ್ನಿಗೆ ಒಂದೇ ಒಂದು ಗುಂಡೂ ತಗುಲಿರಲಿಲ್ಲ. ಹೀಗಾಗಿ ಇದು ಅತ್ಯಂತ ವ್ಯವಸ್ಥಿತ, ತಂತ್ರಜ್ಞಾನ ಆಧಾರಿತ ದಾಳಿ ಎಂದು ಇರಾನ್ ಪ್ರತಿಪಾದಿಸುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಇರಾನ್‌ನ ಪರಮಾಣು ವಿಜ್ಞಾನಿ ಹತ್ಯೆಗೆ ಉಪಗ್ರಹ ನಿಯಂತ್ರಿತ ಮೆಷಿನ್‌ ಗನ್‌ ಬಳಕೆ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ENG vs IND Test | ಆಂಗ್ಲರಿಗೆ ಆಕಾಶ್ ಆಘಾತ: ಭಾರತಕ್ಕೆ 336 ರನ್ ಜಯ

ಲಂಡನ್‌ನಲ್ಲಿ ಮಹಿಳಾ ಕ್ರಿಕೆಟ್ ತಂಡಕ್ಕೆ ಅದ್ದೂರಿ ಸ್ವಾಗತ

ENG vs IND | ಪಂದ್ಯವೊಂದರಲ್ಲಿ ಗರಿಷ್ಠ ಮೊತ್ತ: ಇಂಗ್ಲೆಂಡ್ ಪರ ಸ್ಮಿತ್ ದಾಖಲೆ

'ಇದಕ್ಕೆಲ್ಲ ಅರ್ಹ ನೀನು': ದಾಖಲೆ ಬರೆದ ಗಿಲ್‌ಗೆ ಬೆನ್ನುತಟ್ಟಿದ ಕೊಹ್ಲಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | 06 ಜುಲೈ 2025, ಭಾನುವಾರ

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ದಿನ ಭವಿಷ್ಯ | ಈ ರಾಶಿಯವರಿಗೆ ಆರೋಗ್ಯದಲ್ಲಿ ಗಮನವಿರಲಿ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ