ವಾಷಿಂಗ್ಟನ್‌: ಅಮೆರಿಕದ ನಿಯೋಜಿತ ಅಧ್ಯಕ್ಷ ಜೋ ಬೈಡನ್‌ ಅವರು ಅರಿಜೋನಾ ರಾಜ್ಯದಲ್ಲೂ ವಿಜಯ ಸಾಧಿಸಿದ್ದಾರೆ. ಬೈಡನ್‌ ಅವರಿಗೆ 11 ಎಲೆಕ್ಟೋರ್‌ ಮತಗಳ ಸಿಕ್ಕಿದ್ದು, ಈ ಮೂಲಕ ಡೊನಾಲ್ಡ್‌ ಟ್ರಂಪ್‌ ವಿರುದ್ಧ ಭಾರೀ ಮುನ್ನಡೆ ಸಾಧಿಸಿದ್ದಾರೆ ಎಂದು ಅಮೆರಿಕದ ಪ್ರಮುಖ ಮಾಧ್ಯಮಗಳು ಶುಕ್ರವಾರ ಹೇಳಿವೆ.
ಟ್ರಂಪ್‌ ಅವರು ಅಧ್ಯಕ್ಷೀಯ ಚುನಾವಣೆಯ ಫಲಿತಾಂಶವನ್ನು ಸ್ವೀಕರಿಸಿಲ್ಲ. ಅಲ್ಲದೇ 11 ಎಲೆಕ್ಟೋರ್‌ ಮತಗಳನ್ನು ಪಡೆಯುವ ಮೂಲಕ 290 ಸ್ಥಾನಗಳನ್ನು ಬೈಡನ್‌ ಪಡೆದಿದ್ದಾರೆ. ಹೀಗಾಗಿ ಟ್ರಂಪ್‌ ಅವರ ಮೇಲೆ ಒತ್ತಡ ಇನ್ನೂ ಹೆಚ್ಚಾಗಿದೆ ಎಂದು ಸಿಎನ್‌ಎನ್‌ ವರದಿ ಮಾಡಿದೆ.
ಬೈಡನ್‌ ಅವರು 11,000 ಮತಗಳ ಅಂತರದಿಂದ ವಿಜಯ ಸಾಧಿಸಿದ್ದಾರೆ. 1996ರಲ್ಲಿ ಅಧ್ಯಕ್ಷ ಬಿಲ್‌ ಕ್ಲಿಟನ್ ಬಳಿಕ ಮೊದಲ ಬಾರಿ ಬೈಡನ್‌ ಅವರು ಈ ರೀತಿಯ ಗೆಲುವನ್ನು ಪಡೆದಿದ್ದಾರೆ ಎಂದು ನ್ಯೂಯಾರ್ಕ್‌ ಟೈಮ್ಸ್‌ ಹೇಳಿದೆ.
1996ರ ಬಳಿಕಅರಿಜೋನಾದಲ್ಲಿ ಒಮ್ಮೆಯೂ ಡೆಮಾಕ್ರಟಿಕ್‌ ಪಕ್ಷದ ಪರವಾಗಿ ಮತ ಬಂದಿರಲಿಲ್ಲ. ಇಲ್ಲಿಂದಲೇ 2016ರಲ್ಲಿ ಟ್ರಂಪ್‌ ಅವರು ಹಿಲರಿ ಕ್ಲಿಟನ್ ವಿರುದ್ಧ ಜಯ ಸಾಧಿಸಿದ್ದರು. ಆದರೆ ಈ ಬಾರಿ ಬೈಡನ್‌ ಅವರು ಗೆಲುವು ಪಡೆದಿದ್ದಾರೆ.
