ಶುಕ್ರವಾರ, ಡಿಸೆಂಬರ್ 3, 2021
26 °C

ಮಹಿಳೆ ಜೊತೆ ಚೆಲ್ಲಾಟ: ಬಿಲ್‌ ಗೇಟ್ಸ್‌ಗೆ 2008ರಲ್ಲೇ ಎಚ್ಚರಿಕೆ ನೀಡಿತ್ತು ಕಂಪನಿ!

ಎಪಿ Updated:

ಅಕ್ಷರ ಗಾತ್ರ : | |

Prajavani

ರೆಡ್ಮಂಡ್: ಮಹಿಳಾ ಉದ್ಯೋಗಿಗೆ ಚೆಲ್ಲಾಟದ (ಫ್ಲರ್ಟಿಂಗ್‌) ಇಮೇಲ್ ಕಳುಹಿಸುವುದನ್ನು ನಿಲ್ಲಿಸುವಂತೆ ಮೈಕ್ರೋಸಾಫ್ಟ್ ಕಾರ್ಯನಿರ್ವಾಹಕರು 2008ರಲ್ಲೇ ಬಿಲ್‌ ಗೇಟ್ಸ್‌ ಅವರಿಗೆ ಎಚ್ಚರಿಕೆ ನೀಡಿದ್ದರು. ಇಮೇಲ್‌ ಕಳಿಸುವುದನ್ನು ನಿಲ್ಲಿಸುವುದಾಗಿ ಗೇಟ್ಸ್‌ ಹೇಳಿದ ನಂತರ ಆ ವಿಷಯ ಕೈಬಿಡಲಾಯಿತು ಎಂದು ಕಂಪನಿ ಹೇಳಿದೆ.

ಉದ್ಯೋಗಿಗೆ ಅಸಮಂಜಸವಾದ ಇಮೇಲ್‌ಗಳನ್ನು ಕಳುಹಿಸಿದ್ದನ್ನು ಕಂಪನಿ ಪತ್ತೆಹಚ್ಚಿದ ನಂತರ ಕಂಪನಿಯ ಪ್ರಧಾನ ಸಲಹೆಗಾರ ಮತ್ತು ಈಗಿನ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರು ಹಾಗೂ ಇನ್ನೊಬ್ಬ ಕಾರ್ಯನಿರ್ವಾಹಕರು ಗೇಟ್ಸ್ ಅವರನ್ನು ಭೇಟಿಯಾಗಿದ್ದರು ಎಂದು ವಾಲ್ ಸ್ಟ್ರೀಟ್ ಜರ್ನಲ್ ವರದಿ ಮಾಡಿದೆ.

ಮೈಕ್ರೋಸಾಫ್ಟ್ ಆಡಳಿತ ಮಂಡಳಿಯ ಸದಸ್ಯರು ಈ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದರು. ಗೇಟ್ಸ್ ಮತ್ತು ಮಹಿಳಾ ಉದ್ಯೋಗಿ ನಡುವೆ ಯಾವುದೇ ದೈಹಿಕ ಸಂಬಂಧ ಇರದಿದ್ದ ಕಾರಣಕ್ಕೆ ಕ್ರಮ ತೆಗೆದುಕೊಳ್ಳಲು ಕಂಪನಿ ಮುಂದಾಗಲಿಲ್ಲ. ಇಮೇಲ್‌ ಸಂದೇಶ ವಿನಿಮಯ ಮಾಡಿಕೊಂಡಿರುವುದನ್ನು ಗೇಟ್ಸ್‌ ನಿರಾಕರಿಸಿಲ್ಲ ಎಂದು ಪತ್ರಿಕೆ ತಿಳಿಸಿದೆ.

ವಾಲ್ ಸ್ಟ್ರೀಟ್ ಜರ್ನಲ್ ವರದಿಯನ್ನು ಖಚಿತಪಡಿಸಿರುವುದನ್ನು ಹೊರತುಪಡಿಸಿ, ಹೆಚ್ಚಿನ ಪ್ರತಿಕ್ರಿಯೆ ನೀಡಲು ಮೈಕ್ರೋಸಾಫ್ಟ್ ಸೋಮವಾರ ನಿರಾಕರಿಸಿದೆ. ಈ ಆಪಾದನೆಗಳು ಸುಳ್ಳು ಎಂದು ಗೇಟ್ಸ್‌ ಅವರ ಖಾಸಗಿ ಕಚೇರಿ ತಿಳಿಸಿದೆ. ಇದೇ ಪ್ರಕರಣದ ಹಿನ್ನೆಲೆಯಲ್ಲಿ ಬಿಲ್‌ ಗೇಟ್ಸ್‌ ದಂಪತಿ ಈಚೆಗೆ ವಿಚ್ಛೇದನ ಪಡೆದುಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ನಟಿ ಶ್ರೀಲೀಲಾ ವಿಚ್ಛೇದನದ ಬಳಿಕ ಜನಿಸಿದವಳು, ಆಕೆ ನನ್ನ ಮಗಳಲ್ಲ: ಶುಭಕರ ರಾವ್

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು