ಮಂಗಳವಾರ, ಜನವರಿ 31, 2023
18 °C

ಮುನ್ನೆಡೆ ಕಾಯ್ದುಕೊಂಡ ನೇಪಾಳಿ ಕಾಂಗ್ರೆಸ್‌

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಕಾಠ್ಮಂಡು: ನೇಪಾಳ ಸಂಸತ್‌ ಚುನಾವಣೆಯಲ್ಲಿ ಅಲ್ಲಿಯ ಪ್ರಧಾನಿ ಶೇರ್‌ ಬಹದ್ದೂರ್‌ ದೇವುಬಾ ಮುನ್ನಡೆಸುತ್ತಿರುವ ನೇಪಾಳಿ ಕಾಂಗ್ರೆಸ್‌ ನೇತೃತ್ವದ ಮೈತ್ರಿಕೂಟವು ಮುನ್ನೆಡೆ ಕಾಯ್ದುಕೊಂಡಿದೆ. 

ಪಕ್ಷದ ಅಭ್ಯರ್ಥಿ ಧನರಾಜ್‌ ಗುರುಂಗ್‌ ಅವರು ಸೈಯಂಜ ಕ್ಷೇತ್ರದಿಂದ ಗೆಲುವು ಸಾಧಿಸಿದ ಬಳಿಕ ನೇಪಾಳಿ ಕಾಂಗ್ರೆಸ್‌ ಮುನ್ನಡೆ ಕಾಯ್ದುಕೊಂಡಿರುವುದಾಗಿ ಚುನಾವಣಾ ಆಯೋಗದ ಮೂಲಗಳು ತಿಳಿಸಿವೆ.

ಈ ಗೆಲುವಿನ ಮೂಲಕ ನೇಪಾಳಿ ಕಾಂಗ್ರೆಸ್‌ 57 ಸಂಸದ ಸ್ಥಾನಗಳನ್ನು ನೇರ ಚುನವಣೆಯಲ್ಲಿ ಗೆದ್ದಿದೆ. ಅದರ ಸಮೀಪ ಎದುರಾಳಿ ಸಿಪಿಎನ್‌–ಯುಎಂಎಲ್‌ 44 ಸ್ಥಾನಗಳನ್ನು ನೇರ ಮತದಾನದಲ್ಲಿ ಗೆದ್ದಿದೆ. ಸಿಪಿಎನ್‌– ಮಾವೋಯಿಸ್ಟ್‌ ಸೆಂಟರ್‌ 17 ಸ್ಥಾನಗಳನ್ನು ಮತ್ತು  ಸಿಪಿಎನ್‌– ಯುನಿಫೈಡ್‌ ಸೋಸಿಯಲಿಸ್ಟ್‌ 10 ಸ್ಥಾನಗಳನ್ನು ಗೆದ್ದಿವೆ. 

ಈವರೆಗೆ 163 ಕ್ಷೇತ್ರಗಳ ಮತ ಎಣಿಕೆ ಮುಗಿದಿದೆ. ಕೇವಲ ಎರಡು ಕ್ಷೇತ್ರಗಳ ಮತ ಎಣಿಕೆ ಮಾತ್ರ ಬಾಕಿ ಇದೆ. 275 ಸದಸ್ಯ ಸ್ಥಾನಗಳ ನೇಪಾಳ ಸಂಸತ್ತಿನ 165 ಸದಸ್ಯರನ್ನು ನೇರ ಚುನಾವಣೆ ಮೂಲಕ ಆರಿಸಲಾಗುವುದು ಮತ್ತು ಬಾಕಿ 110 ಸದಸ್ಯರು ಪರೋಕ್ಷ ಚುನಾವಣಾ ಪ್ರಕ್ರಿಯೆ ಮೂಲಕ ಆಯ್ಕೆ ಆಗುವರು. 

ಬಹುಮತ ಪಡೆಯಲು ಒಂದು ಪಕ್ಷವು 138 ಸ್ಥಾನಗಳನ್ನು ಗೆಲ್ಲಬೇಕು.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು