ಧ್ವನಿ ಮೂಲಕ ಕೋವಿಡ್‌ ಸೋಂಕು ಪತ್ತೆ ಮಾಡುವ ಆ್ಯಪ್‌ ಅಭಿವೃದ್ಧಿ

‘ರ‍್ಯಾಪಿಡ್‌ ಆ್ಯಂಟಿಜೆನ್‌ ಅಥವಾ ಲ್ಯಾಟರಲ್‌ ಫ್ಲೋ ಪರೀಕ್ಷೆಗಿಂತಲೂ ನಿಖರವಾಗಿ ಇದರಲ್ಲಿ ಸೋಂಕನ್ನು ಪತ್ತೆ ಹಚ್ಚಬಹುದು. ಅತ್ಯಂತ ಕಡಿಮೆ ಬೆಲೆಯಲ್ಲಿ, ವೇಗವಾಗಿ ಮತ್ತು ಸುಲಭವಾಗಿ ಬಳಕೆ ಮಾಡಬಹುದು.ಪಿಸಿಆರ್‌ ಪರೀಕ್ಷೆ ದುಬಾರಿ ಎನಿಸುವ ಕಡಿಮೆ ಆದಾಯವಿರುವ ದೇಶಗಳು ಈ ತಂತ್ರಜ್ಞಾನವನ್ನು ಬಳಕೆ ಮಾಡಬಹುದು’ ಎಂದು ಸಂಶೋಧಕರು ತಿಳಿಸಿದ್ದಾರೆ.

ಬಳಕೆ ಹೇಗೆ?
ಬಳಕೆದಾರರು ತಮ್ಮ ಮೊಬೈಲ್‌ ಫೋನ್‌ನಲ್ಲಿ ಆ್ಯಪ್‌ ಅನ್ನು ಇನ್‌ಸ್ಟಾಲ್‌ ಮಾಡಿಕೊಳ್ಳಬೇಕು. ಬಳಿಕ ತಮ್ಮ ಸ್ವವಿವರ, ವೈದ್ಯಕೀಯ ಇತಿಹಾಸ, ಧೂಮಪಾನ ಅಭ್ಯಾಸದ ಬಗ್ಗೆ ಮಾಹಿತಿ ನೀಡಬೇಕು. ಬಳಿಕ ಕೆಮ್ಮಿದಾಗ ಬರುವ ಶಬ್ದ, ಬಾಯಿಯಿಂದ ಉಸಿರಾಡಿದಾಗ ಬರುವ ಶಬ್ದ ಸೇರಿ ಮತ್ತಿತರ ಧ್ವನಿಗಳನ್ನು ರೆಕಾರ್ಡ್‌ ಮಾಡಲು ಹೇಳಲಾಗುತ್ತದೆ. ಬಳಿಕ ಆ್ಯಪ್ ಫಲಿತಾಂಶ ನೀಡುತ್ತದೆ.