‘ಈ ಚಿತ್ರವನ್ನು ಅಮ್ಮನ ನೆರವಿನೊಂದಿಗೆ ನಾನೇ ರಚಿಸಿದ್ದೇನೆ. ಪ್ರಧಾನಿ ಅವರ ಭೇಟಿ ಒಂದು ಅದ್ಭುತ ಅನುಭವ. ಅವರೇ ನನ್ನ ಪ್ರೇರಕ ಶಕ್ತಿ. ನನ್ನ ಚಿತ್ರಕ್ಕೆ ಸಹಿ ಹಾಕಿ ಶಾಭಾಶ್ ಎಂದರು, ನನ್ನ ಕನಸು ಇಂದು ಈಡೇರಿದೆ’ ಎಂದು ಹೆಮ್ಮೆಯಿಂದ ಬೀಗುತ್ತಿದ್ದ ಬಾಲಕಿ ಮಾನ್ಯಾ ಹೇಳಿದಳು. ಬೆಳಿಗ್ಗೆ 4 ಗಂಟೆಯಿಂದಲೇ ಚಿಕ್ಕ ಮಕ್ಕಳ ಸಹಿತ ಭಾರತೀಯ ಸಮುದಾಯದವರು ಪ್ರಧಾನಿಗಾಗಿ ಹೋಟೆಲ್ನಲ್ಲಿ ಕಾಯುತ್ತಿದ್ದರು. ಜರ್ಮನಿಯಲ್ಲಿ 2.03 ಲಕ್ಷದಷ್ಟು ಮಂದಿ ಭಾರತೀಯರು ಇದ್ದಾರೆ.