<p><strong>ವಾಷಿಂಗ್ಟನ್:</strong> ರಿಪಬ್ಲಿಕನ್ ಪಕ್ಷ ಹಾಗೂಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪ್ರಚಾರ ತಂಡವು ಜೊತೆಯಾಗಿ ಜುಲೈನಲ್ಲಿ ಒಟ್ಟು 16.50 ಕೋಟಿ ಡಾಲರ್ (₹1,235 ಕೋಟಿ) ಚುನಾವಣಾ ನಿಧಿ ಸಂಗ್ರಹಿಸಿವೆ. </p>.<p>‘ಅಧ್ಯಕ್ಷೀಯ ಚುನಾವಣೆಗೆ ಇನ್ನೂ 90 ದಿನಗಳು ಬಾಕಿ ಉಳಿದಿವೆ. ಟ್ರಂಪ್ ಅವರನ್ನು ಮತ್ತೊಂದು ಅವಧಿಗೆ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಬೇಕೆಂಬ ಉದ್ದೇಶದಿಂದ ನಮ್ಮ ತಂಡವು ಹಗಲಿರುಳೆನ್ನದೆ ಕೆಲಸ ಮಾಡುತ್ತಿದೆ’ ಎಂದು ರಿಪಬ್ಲಿಕನ್ ನ್ಯಾಷನಲ್ ಸಮಿತಿಯ (ಆರ್ಎನ್ಸಿ) ಮುಖ್ಯಸ್ಥೆ ರೊನ್ನಾ ಮೆಕ್ಡೇನಿಯಲ್ ಬುಧವಾರ ತಿಳಿಸಿದ್ದಾರೆ.</p>.<p>ಜುಲೈನಲ್ಲಿ ನಾವು ಸಂಗ್ರಹಿಸಿರುವ ನಿಧಿಯು ದಾಖಲೆಯ ಪುಟ ಸೇರಿದೆ. ಅಮೆರಿಕದಲ್ಲಿ ತಿಂಗಳೊಂದರಲ್ಲಿ ಸಂಗ್ರಹಿಸಲಾಗಿರುವ ಗರಿಷ್ಠ ನಿಧಿ ಇದಾಗಿದೆ ಎಂದು ಆರ್ಎನ್ಸಿ ಹೇಳಿದೆ.</p>.<p>‘ಟ್ರಂಪ್ ಅವರು ಮತ್ತೊಂದು ಅವಧಿಗೆ ಅಮೆರಿಕದ ಅಧ್ಯಕ್ಷರಾಗಬೇಕೆಂಬುದು ಜನರ ಬಯಕೆಯಾಗಿದೆ. ಜುಲೈನಲ್ಲಿ ದಾಖಲಾಗಿರುವ ನಿಧಿ ಸಂಗ್ರಹವು ಇದಕ್ಕೆ ನಿದರ್ಶನದಂತಿದೆ’ ಎಂದು ಟ್ರಂಪ್ ಪ್ರಚಾರ ತಂಡದ ಮ್ಯಾನೇಜರ್ ಬಿಲ್ ಸ್ಟೀಫನ್ ತಿಳಿಸಿದ್ದಾರೆ.</p>.<p>‘ಮತದಾರರು ವಿವಿಧ ರೀತಿಯಲ್ಲಿ ಟ್ರಂಪ್ ಅವರನ್ನು ಬೆಂಬಲಿಸುತ್ತಿದ್ದಾರೆ. ನಿಧಿ ಸಂಗ್ರಹ ಕಾರ್ಯಕ್ಕೆ ಕೈಜೋಡಿಸುವ ಮೂಲಕ ಟ್ರಂಪ್ ಮೇಲೆ ಒಲವು ವ್ಯಕ್ತಪಡಿಸಿದ್ದಾರೆ’ ಎಂದೂ ಅವರು ನುಡಿದಿದ್ದಾರೆ.</p>.<p>4 ಮಿಲಿಯನ್ ಡಾಲರ್ ಸಂಗ್ರಹಿಸಿದ ಇವಾಂಕ್: ಟ್ರಂಪ್ ಮಗಳು ಇವಾಂಕ್ ಟ್ರಂಪ್ ಅವರು ವರ್ಚುವಲ್ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವ ಮೂಲಕ ಒಟ್ಟು 40ಲಕ್ಷ ಡಾಲರ್ (₹29.95 ಕೋಟಿ) ಚುನಾವಣಾ ನಿಧಿ ಸಂಗ್ರಹಿಸಿದ್ದಾರೆ.</p>.<p>ಜೂಮ್ ಆ್ಯಪ್ ಮೂಲಕ ಅವರು ನಡೆಸಿದ್ದ ಮೊದಲ ವರ್ಚುವಲ್ ನಿಧಿ ಸಂಗ್ರಹ ಕಾರ್ಯಕ್ರಮದಲ್ಲಿ 100ಕ್ಕೂ ಅಧಿಕ ಮಂದಿ ಪಾಲ್ಗೊಂಡಿದ್ದರು ಎಂದು ಹೇಳಲಾಗಿದೆ.</p>.<p>ಇವಾಂಕ ಅವರು ಮುಂದಿನ ವಾರ ವ್ಯೋಮಿಂಗ್ನಲ್ಲಿ ಮತ್ತೊಂದು ವರ್ಚುವಲ್ ಕಾರ್ಯಕ್ರಮ ನಡೆಸುವ ನಿರೀಕ್ಷೆ ಇದೆ.</p>.<p>‘ಇವಾಂಕ ಅವರು ವಿವಿಧ ವಿಷಯಗಳ ಬಗ್ಗೆ ಅರಿವು ಮೂಡಿಸುವ ಕೆಲಸ ಮಾಡುತ್ತಿದ್ದಾರೆ. ಅವರ ಮಾತುಗಳನ್ನು ಆಲಿಸಲು ಜನರು ಆಸಕ್ತಿ ತೋರುತ್ತಿದ್ದಾರೆ’ ಎಂದು ಮೆಕ್ಡೇನಿಯಲ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ರಿಪಬ್ಲಿಕನ್ ಪಕ್ಷ ಹಾಗೂಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಪ್ರಚಾರ ತಂಡವು ಜೊತೆಯಾಗಿ ಜುಲೈನಲ್ಲಿ ಒಟ್ಟು 16.50 ಕೋಟಿ ಡಾಲರ್ (₹1,235 ಕೋಟಿ) ಚುನಾವಣಾ ನಿಧಿ ಸಂಗ್ರಹಿಸಿವೆ. </p>.<p>‘ಅಧ್ಯಕ್ಷೀಯ ಚುನಾವಣೆಗೆ ಇನ್ನೂ 90 ದಿನಗಳು ಬಾಕಿ ಉಳಿದಿವೆ. ಟ್ರಂಪ್ ಅವರನ್ನು ಮತ್ತೊಂದು ಅವಧಿಗೆ ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಬೇಕೆಂಬ ಉದ್ದೇಶದಿಂದ ನಮ್ಮ ತಂಡವು ಹಗಲಿರುಳೆನ್ನದೆ ಕೆಲಸ ಮಾಡುತ್ತಿದೆ’ ಎಂದು ರಿಪಬ್ಲಿಕನ್ ನ್ಯಾಷನಲ್ ಸಮಿತಿಯ (ಆರ್ಎನ್ಸಿ) ಮುಖ್ಯಸ್ಥೆ ರೊನ್ನಾ ಮೆಕ್ಡೇನಿಯಲ್ ಬುಧವಾರ ತಿಳಿಸಿದ್ದಾರೆ.</p>.<p>ಜುಲೈನಲ್ಲಿ ನಾವು ಸಂಗ್ರಹಿಸಿರುವ ನಿಧಿಯು ದಾಖಲೆಯ ಪುಟ ಸೇರಿದೆ. ಅಮೆರಿಕದಲ್ಲಿ ತಿಂಗಳೊಂದರಲ್ಲಿ ಸಂಗ್ರಹಿಸಲಾಗಿರುವ ಗರಿಷ್ಠ ನಿಧಿ ಇದಾಗಿದೆ ಎಂದು ಆರ್ಎನ್ಸಿ ಹೇಳಿದೆ.</p>.<p>‘ಟ್ರಂಪ್ ಅವರು ಮತ್ತೊಂದು ಅವಧಿಗೆ ಅಮೆರಿಕದ ಅಧ್ಯಕ್ಷರಾಗಬೇಕೆಂಬುದು ಜನರ ಬಯಕೆಯಾಗಿದೆ. ಜುಲೈನಲ್ಲಿ ದಾಖಲಾಗಿರುವ ನಿಧಿ ಸಂಗ್ರಹವು ಇದಕ್ಕೆ ನಿದರ್ಶನದಂತಿದೆ’ ಎಂದು ಟ್ರಂಪ್ ಪ್ರಚಾರ ತಂಡದ ಮ್ಯಾನೇಜರ್ ಬಿಲ್ ಸ್ಟೀಫನ್ ತಿಳಿಸಿದ್ದಾರೆ.</p>.<p>‘ಮತದಾರರು ವಿವಿಧ ರೀತಿಯಲ್ಲಿ ಟ್ರಂಪ್ ಅವರನ್ನು ಬೆಂಬಲಿಸುತ್ತಿದ್ದಾರೆ. ನಿಧಿ ಸಂಗ್ರಹ ಕಾರ್ಯಕ್ಕೆ ಕೈಜೋಡಿಸುವ ಮೂಲಕ ಟ್ರಂಪ್ ಮೇಲೆ ಒಲವು ವ್ಯಕ್ತಪಡಿಸಿದ್ದಾರೆ’ ಎಂದೂ ಅವರು ನುಡಿದಿದ್ದಾರೆ.</p>.<p>4 ಮಿಲಿಯನ್ ಡಾಲರ್ ಸಂಗ್ರಹಿಸಿದ ಇವಾಂಕ್: ಟ್ರಂಪ್ ಮಗಳು ಇವಾಂಕ್ ಟ್ರಂಪ್ ಅವರು ವರ್ಚುವಲ್ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವ ಮೂಲಕ ಒಟ್ಟು 40ಲಕ್ಷ ಡಾಲರ್ (₹29.95 ಕೋಟಿ) ಚುನಾವಣಾ ನಿಧಿ ಸಂಗ್ರಹಿಸಿದ್ದಾರೆ.</p>.<p>ಜೂಮ್ ಆ್ಯಪ್ ಮೂಲಕ ಅವರು ನಡೆಸಿದ್ದ ಮೊದಲ ವರ್ಚುವಲ್ ನಿಧಿ ಸಂಗ್ರಹ ಕಾರ್ಯಕ್ರಮದಲ್ಲಿ 100ಕ್ಕೂ ಅಧಿಕ ಮಂದಿ ಪಾಲ್ಗೊಂಡಿದ್ದರು ಎಂದು ಹೇಳಲಾಗಿದೆ.</p>.<p>ಇವಾಂಕ ಅವರು ಮುಂದಿನ ವಾರ ವ್ಯೋಮಿಂಗ್ನಲ್ಲಿ ಮತ್ತೊಂದು ವರ್ಚುವಲ್ ಕಾರ್ಯಕ್ರಮ ನಡೆಸುವ ನಿರೀಕ್ಷೆ ಇದೆ.</p>.<p>‘ಇವಾಂಕ ಅವರು ವಿವಿಧ ವಿಷಯಗಳ ಬಗ್ಗೆ ಅರಿವು ಮೂಡಿಸುವ ಕೆಲಸ ಮಾಡುತ್ತಿದ್ದಾರೆ. ಅವರ ಮಾತುಗಳನ್ನು ಆಲಿಸಲು ಜನರು ಆಸಕ್ತಿ ತೋರುತ್ತಿದ್ದಾರೆ’ ಎಂದು ಮೆಕ್ಡೇನಿಯಲ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
